Bugun mamlakatimizda koronovirus pandemiyasi tarqalishining oldini olish bo‘yicha joriy qilingan karantin sharoitida OAK Rayosati yig‘ilishi karantin talablariga qat’iy rioya qilgan holda onlayn shaklda tashkil etildi.
Yig‘ilish kun tartibiga ko‘ra,  dastlab attestatsiya ishlari ko‘rib chiqildi. So‘ngra ilmiy darajalar beruvchi ilmiy kengashlar va ekspert kengashlari tarkiblariga o‘zgartirishlar kiritish, ilmiy kengashlar va bir martalik ilmiy darajalar beruvchi ilmiy kengashlar tuzish, ixtisosliklar bo‘yicha malakaviy imtihonlar dasturlarini tasdiqlash kabi masalalar muhokama qilindi.
Rayosat yig‘ilishi qaroriga muvofiq 21 nafar talabgor fan doktori (DSc), 133 nafar talabgor falsafa doktori (PhD) ilmiy darajalarida, 25 nafar  talabgor  professor, 89 nafar talabgor dotsent va 19 nafar talabgor katta ilmiy  xodim unvonlarida tasdiqlandi.
Ilmiy darajada tasdiqlanganlarning diplomlari shu kunning o‘zida ular faoliyat olib borayotgan oliy ta’lim va ilmiy tadqiqot muassasalariga elektron shaklda etkazildi.
                              

 OAK Axborot xizmati