Коронавирус пандемияси даврида Ўзбекистон Давлат бюджети барқарорлигини таъминлаш тўғрисида Президент қарори қабул қилинди.

Қарорга кўра:

? бюджет маблағлари мақбуллаштирилади;

? бирламчи зарур ва долзарб бўлмаган харажатлар кейинга қолдирилади;

? бюджет маблағлари энг аввало муҳим харажатларга (коронавирусга қарши курашишга оид, иш ҳақлари, пенсия ва стипендияларни ўз вақтида тўлашга оид, озиқ-овқат маҳсулотлари ва коммунал тўловларни тўлашга оид) сарфланади;

? давлат ташкилотларининг бюджетдан ташқари жамғармалари харажатлари қисқартирилади (иш ҳақлари ва қонунлардаги моддий рағбатлантириш мустасно) ва иқтисод қилинган маблағлар бюджетга йўналтирилади;

? давлат ташкилотлари 1 августга қадар бюджетдан ташқари жамғармалар ҳисобидан асосий воситаларни харид қилиш, қурилиш, реконструкция ва капитал таъмирлаш билан боғлиқ харажатларни тўхтатади;

? устав капиталида 50 фоиз ва ундан ортиқ давлат улуши мавжуд бўлган корхоналарда 2019 йил учун олинган ва 2020 йилда олинадиган соф фойда бўйича давлат улушига ҳисобланган дивидендлар тўлиғича Давлат бюджетига ўтказилади;

❗️ жорий йил 1 июнига қадар парламент, суд ва прокуратура, давлат ҳокимияти ва бошқаруви органлари, ҳокимликлар, барча вазирлик ва идоралар ҳамда уларнинг ҳудудий органлари, уларнинг таркибига кирувчи ташкилотлар ва жамғармалар учун ягона меҳнатга ҳақ тўлаш тизимини татбиқ этиш бўйича Президенти қарори лойиҳаси киритилади (яъни идоравий мансублигига қараб турли миқдорда бўлган ойлик-маошлар бирхиллашади ва катта эҳтимол билан кўплаб идоралар ходимлари ойликлари анча камаяди).

Манба: https://t.me/koronavirusinfouz