Ахмедов Акбарали Султонмуродовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тижорат банклари активларини секьюритизациялаш амалиётини ривожлантириш йўллари». 08.00.07 – Молия, пул муомаласи ва кредит (иқтисодиёт фанлари).
Илмий раҳбар: Каримов Нарбой Ганиевич, иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.03/10.12.2019.I.16.01. 
Расмий оппонентлар: Тошмуродова Бувсара Эгамовна, иқтисодиёт фанлари доктори, профессор; Каралиев Шербек Тўрабоевич, иқтисодиёт фанлари номзоди, доцент.
Етакчи ташкилот: Ўзбекистон Республикаси Банк-молия академияси.
Диссертация йўналиши: назарий ва амалий аҳамиятга молик.
II. Тадқиқотнинг мақсади Ўзбекистон фармацевтика саноатига хорижий инвестицияларни жалб этишнинг молиявий-иқтисодий самарадорлигини ошириш юзасидан илмий-услубий ва амалий тавсиялар ишлаб чиқишдан иборат.
III. Тадқиқотнинг илмий янгилиги:
активларни секьюритизациялаш доирасида банк-оригинатор, қарз олувчи ва инвесторлар ўртасидаги қарз муносабатларини ўз ичига олган “Банк активларини балансли секьюритизациялаш битими схемаси” ишлаб чиқилган;
Ўзбекистон банк тизимида активларни секьюритизациялаш доирасида эмиссия қилинган молиявий деривативлар кредит рискини бошқа шахсга ўтказиш имконини берувчи воситалар эканлиги асосланган;
банк активларини секьюритизациялаш жараёнида ягона мақсадли йўналишга эга бўлган субъектлар ўртасидаги муносабатларни ўзида намоён этувчи, секьюритизациялаш жараёнининг тузилмавий механизми ишлаб чиқилган;
халқаро тажрибаларга асосланган ҳолда молия-банк тизимини янада барқарор ривожлантириш учун молиявий инновациялардан фойдаланиш мақсадида самарали восита сифатида қўлланилувчи деривативлар гуруҳи эмиссияси таклиф этилган.
IV. Тадқиқот натижаларининг жорий қилиниши: 
Тижорат банклари активларини секьюритизациялаш амалиётини ривожлантириш йўллари бўйича олинган илмий натижалар асосида:
қарз олувчиларга кредитлар бериш, кредитлар бўйича келгуси тушумлар билан таъминланган қимматли қоғозларни чиқариш ва жойлаштириш, инвесторлар томонидан қабул қилинган қимматли қоғозлар бўйича тўловларни амалга ошириш, қарз олувчи томонидан кредит бўйича ҳисобланган фоизлар ва асосий қарзларнинг бир қисмини тўлаш, купон даромадлари бўйича тўлаш ва қимматли қоғозларнинг номинал қийматини қисман қоплаш, банк банкрот бўлган ҳолларда кредитлар бўйича талаб ҳуқуқларини инвесторга бериш жараёнини ўз ичига олган битимини шакллантириш схемаси «Туронбанк» акциядорлик тижорат банки амалиётига жорий этилган («Туронбанк» акциядорлик тижорат банкининг 2019 йил 4 ноябрдаги 11/03-451-сон маълумотномаси). Натижада эмитент банкрот бўлган вақтда активларга нисбатан облигация эгасининг биринчи навбатдаги талабларини кафолатлашнинг услубий асосларини ишлаб чиқиш имконияти юзага келган.
активларни секьюритизациялаш доирасида эмиссия қилинадиган молиявий деривативлар асосида кредит рискини бошқа шахсга ўтказишнинг замонавий молиявий механизмини татбиқ этиш ва кредит рискини жиловлаш услубиётининг типологияси бўйича таклифи «Туронбанк» акциядорлик тижорат банки амалиётига жорий этилган («Туронбанк» акциядорлик тижорат банкининг 2019 йил 4 ноябрдаги 11/03-451-сон маълумотномаси). Натижада, кредит деривативлари ва банк активларини секьюритизациялашнинг ўзаро ўхшаш хусусиятларини ўрганиш асосида, банк назорати бўйича Базель қўмитаси таклиф этган бошқариш воситалари типологиясини чуқурроқ изоҳлаш имкониятини берган.
банк активларини секьюритизациялаш жараёнида ягона мақсадли йўналишга эга бўлган субъектлар ўртасидаги муносабатларни секьюритизациялаш жараёнининг тузилмавий механизми асосида ташкил этиш таклифи «Туронбанк» акциядорлик тижорат банки амалиётига жорий этилган («Туронбанк» акциядорлик тижорат банкининг 2019 йил 4 ноябрдаги 11/03-451-сон маълумотномаси). Натижада, бу банк активларини секьюритизациялаш билан боғлиқ умумий мақсадга эга комплекс иштирокчилар гуруҳи асосида секьюритизация амалиётини йўлга қўйиш имкониятини берган.
мамлакатимизда халқаро тажрибаларга асосланган ҳолда молия-банк тизимини янада барқарор ривожлантириш учун молиявий инновациялардан фойдаланиш, уларга доир ахборот шаффофлигини таъминлаш ва уни тартибга солишнинг самарали механизмини шакллантириш бўйича таклифи Ўзбекистон Республикаси Давлат активларини бошқариш агентлиги томонидан амалиётга жорий этилган (Ўзбекистон Республикаси Давлат активларини бошқариш агентлигининг 2019 йил 30 декабрдаги 1761/03-28-сон маълумотномаси). Натижада, бу республикадаги давлат иштирокидаги тижорат банклари фаолиятининг самарадорлиги ва ахборот шаффофлигини таъминлашга қаратилган чора-тадбирларни ишлаб чиқиш ва жорий этиш имконини берган.