Жураев Нодир Ёдгоровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Маҳаллий оҳактош қўшимчали экспортга мўлжалланган модификацияланган аммиакли селитра технологиясини ишлаб чиқиш ва амалиётга жорий қилиш», 02.00.13 – Ноорганик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2019.4.PhD/Т1397. 
Илмий раҳбар: Намазов Шафоат Саттарович, техника фанлари доктори, профессор, академик.
Диссертация бажарилган муассаса номи: Умумий ва ноорганик кимё институти.
ИК фаолият кўрсатаётган муассаса номи, ИК рақами: Умумий ва ноорганик кимё институти, DSc.02/30.12.2019.K/T.35.01.
Расмий оппонентлар: Мирзакулов Холтура Чориевич, техника фанлари доктори, профессор; Нурмуродов Тулқин Исамуродович, техника фанлари доктори, доцент.
Етакчи ташкилот: Наманган муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади аммоний нитрати суюқланмаси ва маҳаллий оҳактош уни асосида экспортга мўлжалланган модификацияланган аммиакли селитра олиш технологиясини ишлаб чиқиш ва амалиётга жорий қилишдан иборат.
III. Тадқиқотнинг илмий янгилиги:
оҳактош унининг физик-механик хоссаларини аниқлаш орқали уни селитрага модификатор сифатида қўллаш мумкинлиги исботланган;
стандарт селитрага 2% оҳактош унини қўшишда унинг доналари мустаҳкамлиги 2 баробар ортиши ва ёпишқоқлиги 2 баробар камайиши аниқланган;
кристаллар ҳажми кескин ўзгармаган ҳолда NH4NO3 нинг IV модификацион шаклини барқарорлаштирадиган NH4NO3нинг СаСО3 га мақбул нисбати аниқланган;
кристалл тузилиш жипслашиши эвазига NH4NO3нинг структура бузилиш ҳароратини 
211оСдан 262оСгача оширган ҳолда, унинг парчаланишини ингибирловчи сифатида таъсир кўрсатиши исботланган;
АСни қиздиришда оҳактош ижобий буферли таъсир кўрсатиши ва унинг рН кўрсаткичини барқарорлаштириши аниқланган;
ёпишқоқлиги бўлмаган АС ва оҳакли-аммиакли селитра олиш технологияси ишлаб чиқилган.
IV. Тадқиқот натижаларининг жорий қилиниши. 
NH4NO3 суюқланмаси ва оҳактош уни асосида ёпишқоқлиги бўлмаган АС ва экспортга мўлжалланган оҳакли-аммиакли селитра олиш технологияларини ишлаб чиқиш бўйича олинган илмий натижалар асосида:
оҳактош уни қўшимчаси билан ёпишқоқлиги бўлмаган АСнинг (34%дан кам бўлмаган N тутган) ишлаб чиқилган технологияси «Navoiyazot» АЖнинг «2021-2022 йилларда амалиётга жорий қилиш бўйича истиқболли ишланмалар рўйхати»га киритилган («Navoiyazot» АЖнинг 2020 йил 21 февралдаги 03/1553-сон маълумотномаси). Натижада, четдан келтирилаётган магнезит қўшимчасини оҳактош унига алмаштириш орқали хомашё қўшимчаси таннархини 87% гача камайтириш имконини берган;
NH4NO3 суюқланмаси ва оҳактош уни асосида экспортга мўлжалланган оҳакли-аммиакли селитра (28% дан юқори бўлмаган N тутган) олиш технологияси «Navoiyazot» АЖда амалиётга жорий қилинган («Navoiyazot» АЖнинг 2020 йил 21 февралдаги 03/1553-сон маълумотномаси). Натижада, портловчанлик хоссаси пасайтирилган ва экспортга мўлжалланган оҳакли-аммиакли селитра олиш имконияти яратилган.