Бабажанов Кахрамон Курамбаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Грунт тўғонлардаги горизонтал қувурли дренаж конструкциясини ва ҳисоблаш усулинини такомиллаштириш», 05.09.06–Гидротехника ва мелиорация қурилиши (техника фанлари).
Диссертация мавзуси рўйхатга олинган рақам: В2019.3.PhD/T1370.
Илмий раҳбар: Бакиев Машариф Рузметович, техника фанлари доктори, профессор.
Диссертация бажарилган муассаса номи: Тошкент ирригация ва қишлоқ хўжалигини механизациялаш муҳандислари институти.
ИК фаолият кўрсатаётган муассаса (муассасалар) номи, ИК рақами: Тошкент ирригация ва қишлоқ хўжалигини механизациялаш муҳандислари институти, DSс.27.06.2017.Т.10.02.
Расмий оппонентлар: Файзиев Хомитхон, техника фанлари доктори, профессор; Шаазизов Фаррух Шоакбарович, техника фанлари номзоди, доцент.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: горизонтал қувурли дренаж конструкцияси, гидравлик ҳисоблаш усулларини такомиллаштириш, таъмирлаш-тиклаш технологиясини ишлаб чиқишдан иборат.
III. Тадқиқотнинг илмий янгилиги:
горизонтал қувурли дренажнинг конструктив параметрлари фильтрация сувларини йиғиш ва чиқазиб ташлашни инобатга олиб такомиллаштирилган;
дренаж ўлчамлари ва ўрнини аниқлаш усули самарали чуқурликда жойлаштиришни инобатга олиб такомиллаштирилган;
горизонтал қувурли дренаж янги конструкциясини гидравлик ҳисоблаш усули ҳар битта гофрланган пластик қувурлар ва босимли режимга ўтишини инобатга олиб такомиллаштирилган;
грунт тўғонлардаги горизонтал қувурли дренажнинг иш фаолиятини тиклаш бўйича таъмирлаш-тиклаш ишлари технологияси дренаж тизими демонтаж қилмасдан такомиллаштирилган.
IV. Тадқиқот натижаларининг жорий қилиниши.
Грунт тўғонлардаги горизонтал қувурли дренаж конструкцияси ва ҳисоблаш усулларини такомиллаштириш асосида:
горизонтал қувурли дренажнинг конструктив параметрлари такомиллаштирилган, Ўзбекистон Республикаси интеллектуал мулк агентлигидан фойдали моделга патент олинди (№FAP00718, “Грунт тўғонлардаги горизонтал қувурли дренаж”). Амалга ошириш натижасида эски тизимни демонтаж қилмасдан дренажнинг ишини тиклаш имкони яратилган;
сув ўтказиш қобилиятини ҳисоблаш усуллари, музлаш чуқурлиги, капилляр кўтарилишнинг баландлиги, пастки қияликни ишончлилиги ва барқарорлиги коэффициентини ҳисобга олган ҳолда дренаж жойини аниқлаш усули Сув хўжалиги вазирлигига тегишли бўлган Туябўйин гидроузелидан фойдаланиш бошқармаси томонидан ишлаб чиқаришга жорий қилинган (Ўзбекистон Республикаси Сув хўжалиги вазирлигининг 2019 йил 2 августдаги 02-25-3067-сон маълумотномаси). Натижада горизонтал қувурли дренаж қурилишида керакли чуқурлик таъминланган, дренаж сарфи ҳамда пластмасса қувурларнинг керакли сони аниқланган;
грунт тўғонлардаги горизонтал қувурли дренаж ишини тиклашнинг такомиллаштирилган технологияси Султонсанжар тўғонининг кузатув қудуқларига жорий этилган (Ўзбекистон Республикаси Сув хўжалиги вазирлигининг 2019 йил 2 августдаги 02-25-3067-сон маълумотномаси). Натижада гофрланган пластмасса қувурлар ва геотекстил каби маҳаллий инновацион қурилиш материалларидан фойдаланган ҳолда горизонтал қувурли дренажнинг ишини тиклашга имкон берган.