Олимов Ҳамид Ҳайдаровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ғўза қатор ораларида бўйлама пол ҳосил қилиш қурилмасининг технологик иш жараёни ва параметрларини асослаш”, 05.07.01–Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2018.1.PhD/T612.
Илмий раҳбар: Муродов Нусрат Муртазоевич, техника фанлари доктори, профессор.
Диссертация бажарилган муассаса номи: Тошкент ирригация ва қишлоқ хўжалигини механизациялаш муҳандислари институтининг Бухоро филиали.
ИК фаолият кўрсатаётган муассаса номи, ИК рақами: Тошкент ирригация ва қишлоқ хўжалигини механизациялаш муҳандислари институти, DSс.27.06.2017.Т.10.01.
Расмий оппонентлар: Нуриев Карим Катибович, техника фанлари доктори, профессор; Игамбердиев Асқар Кимсанович, техника фанлари бўйича доктори, доцент.
Етакчи ташкилот: “BMKB-Agromash” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади ғўза қатор ораларида бўйлама пол ҳосил қиладиган қурилмани ишлаб чиқиш ва параметрларини асослаш йўли билан ғўзани суғоришда меҳнат сарфи ва бошқа харажатларни камайтиришдан иборат.
III. Тадқиқотнинг илмий янгилиги:
ғўза қатор ораларида бўйлама пол ҳосил қиладиган шнекли иш органли қурилманинг конструкцияси ишлаб чиқилган;
бўйлама пол ҳосил қиладиган қурилма лемехининг эни ғўза қатор орасининг кенглиги ва тупроғининг хоссаларини ҳисобга олган ҳолда аниқланган;
қурилманинг шнекли иш органи параметрлари етарли ҳажмдаги тупроқнинг ташилиши, ғўза ниҳолларининг танаси ва илдиз тизимига шикаст етказмаслиги, энергия сарфи ҳамда иш органининг тортишга қаршилиги минимал бўлиши ҳисобга олинган ҳолда асосланган;
ғўза қатор ораларида бўйлама пол ҳосил қилиш қурилмаси  иш органи параметрларининг мақбул қийматлари унинг агротехник ва энергетик иш кўрсаткичларига таъсирини баҳоловчи регрессия тенгламаларини биргаликда ечиш орқали аниқланган.
IV. Тадқиқот натижаларининг жорий қилиниши.
Ғўза қаторлари орасида бўйлама пол ҳосил қилиш технологик жараёни ва параметрларини асослаш бўйича илмий тадқиқот ишини бажариш асосида:
бир ўтишда пол ҳосил қиладиган фаол иш органли қурилмани яратиш бўйича Ўзбекистон Республикаси Интеллектуал мулк агентлигининг фойдали моделга патенти олинган (“Ғўза қатор ораларига пол олиш қурилмаси”, № FAP 00671-2011 й.). Олинган натижалар асосида ғўза қаторлари орасида бўйлама пол ҳосил қилиш жараёнини механизациялаш имконини берадиган қурилма ишлаб чиқилган;
ишлаб чиқилган пол ҳосил қилиш қурилмаси Ўзбекистон Республикаси Қишлоқ хўжалиги вазирлиги тасарруфидаги фермер хўжаликларида, жумладан, Бухоро вилояти Бухоро, Когон, Пешку, Жондор туманлари фермер хўжаликларида жорий этилган (Ўзбекистон Республикаси Қишлоқ хўжалиги вазирлигининг 2019 йил 30 августдаги 02/023-2049-сон маълумотномаси). Натижада ғўзани биринчи суғориш учун поллар ҳосил қилишда иш унуми 80 бараваргача ошиб, меҳнат сарфи 40 фоизга камайган;
ғўза қатор ораларида бўйлама пол ҳосил қилиш технологик жараёнининг бажарилиши сифат кўрсаткичларини баҳолашга дастлабки талаблар ва бўйлама пол ҳосил қилиш қурилма конструкциясини лойиҳалашга техник топшириқ ишлаб чиқилган (Ўзбекистон Республикаси Қишлоқ хўжалиги вазирлигининг 2019 йил 30 августдаги 02/023-2049-сон маълумотномаси). Натижада бўйлама пол ҳосил қилиш технологик жараёнини механизациялаш имкони яратилган.