Кабулов Нозимжон Абдукаримовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ёғ-мой хомашёларини сақлаш ва саноатда қайта ишлашни назорат қилиш усуллари ва алгоритмлари», 05.01.08–Технологик жараёнлар ва ишлаб чиқаришларни автоматлаштириш ва бошқариш (техника фанлари).
Диссертация мавзуси рўйхатга олинган рақам: B2017.3.PhD/T456.
Илмий раҳбар: Юсупбеков Нодирбек Рустамбекович, техника фанлари доктори, профессор, академик.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети, DSc.27.06.2017.Т.03.02.
Расмий оппонентлар: Севинов Жасур Усмонович, техника фанлари доктори, доцент; Варламова Людмила Петровна, техника фанлари номзоди, доцент.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: замонавий Smart-омборхоналарда тез айнийдиган ёғ-мой хомашёларни узоқ муддатли сақлаш ва саноатни қайта ишлашни такомиллаштириш ва бошқариш тизимлари учун тизимли-параметрик синтезлаш бўйича алгоритмлар, дастурлар ва техник ечимлар тўпламини ишлаб чиқишдан иборат.
III. Тадқиқотнинг илмий янгилиги:
тез бузиладиган ёғ-мой хомашёсини сақлаш ва қайта ишлаш омборлари технологик мажмуаларидаги технологик жараёнларни мониторинг ва назорат қилиш ҳамда бошқариш учун муҳандислик ёндашуви ишлаб чиқилган;
ёғ-мой ишлаб чиқариш омбор хўжалигининг технологик мажмуаси сақланадиган ресурслари сезиларли ўзгарувчанлик хоссаларига эга бўлган автоматлаштириш объекти сифатида тадқиқ қилиш концепцияси асосланган ҳамда технологик мажмуани бошқариш масаласи хомашёни дастлабки ҳолатдан якуний ҳолатга минимал моддий йўқотишлар билан ўтказиш масаласи сифатида шакллантирилган;
башоратловчи моделли адаптив усуллардан фойдаланишга асосланган ҳамда нафақат ўлчашнинг инструментал усулларини, балки виртуал органолептик тажрибавий баҳолашни амалга оширувчи ўсимлик хомашёларини сақлаш ва қайта ишлаш жараёнларини моделлаштиришга бўлган ёндашув ишлаб чиқилган;
ўсимлик хомашёларини сақлаш ва қайта ишлашнинг кўп ўлчамли ва кўп алоқали жараёнларини башоратловчи моделлар асосида бошқариш имконияти асосланган.
IV. Тадқиқот натижаларининг жорий қилиниши.
Ёғ-мой хомашёсини сақлаш ва саноатда қайта ишлаш жараёнларининг автоматлаштирилган тизимларини бошқариш учун бошқариш усуллари, алгоритмлари ва моделларини ишлаб чиқиш натижалари асосида:
ёғ-мой хомашёсини сақлаш ва саноатда қайта ишлашнинг технологик жараёнлари моделлари «Асака ёғ» АЖда жорий қилинган («Ўзёғмойсаноат» ассоциациясининг 2019 йил 18 ноябрдаги АА/01-1619-сон маълумотномаси). Натижада жараённи бошқариш сифати яхшиланишига эришишга имкон берган;
сақланаётган хомашёларни қайта ишлаш бўйича технологик мажмуаларни автоматлаштириш тизимларини синтезлашнинг муҳандислик услубияти «Асака ёғ» АЖда жорий қилинган («Ўзёғмойсаноат» ассоциациясининг 2019 йил 18 ноябрдаги АА/01-1619-сон маълумотномаси). Натижада сақланаётган хомашёларни қайта ишлаш жараёнларини бошқариш тизимини такомиллаштиришга имкон берган;
ёғ-мой хомашёсини сақлашдаги микроиқлим параметрларини масофадан назорат қилиш қурилмаси ва қурилмани бошқаришнинг дастурий таъминоти «Асака ёғ» АЖда жорий қилинган («Ўзёғмойсаноат» ассоциациясининг 2019 йил 18 ноябрдаги АА/01-1619-сон маълумотномаси). Натижалар ёғ-мой хомашёсини сақлашдаги микроиқлим параметрларини назорат қилиш сифатини яхшилаш имконини берган.