Алимова Нодира Батирджановнанинг
фан доктори  (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Фото- ва инжекция-вольтаик эффектлар қўлланилиши асосида радиотехник элементлар, тугунлар ва қурилмаларнинг тузилиш тамойиллари ва усуллари», 05.04.02–Радиотехника, радионавигация, радиолокация ва телевидение тизимлари ва қурилмалари. Мобиль, толаоптик алоқа тизимлари (техника фанлари).
Диссертация мавзуси рўйхатга олинган рақам: В2019.3.DSc/Т305.
Илмий маслаҳатчи: Арипов Хайрулла Кабилович, физика-математика фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассасалар номи, ИК рақами: Тошкент ахборот технологиялари университети, DSc.28.12.2017.Т.07.02.
Расмий оппонентлар: Раджабов Тельман Дадаевич, физика-математика фанлари доктори, профессор, академик; Рахимов  Бахтиёржон Неъматович, техника фанлари доктори; Ташманов Эржан Байматович, техника фанлари доктори.
Етакчи ташкилот: Тошкент темир йўл транспорти муҳандислари институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: фото- ва инжекция-вольтаик эффектларни қўллашга асосланган радиотехник элементлар, тугунлар ва қурилмаларнинг тузилиш тамойиллари ва тадқиқот усулларини ишлаб чиқишдан иборат.
III. Тадқиқотнинг илмий янгилиги:
фото- ва инжекция-вольтаик эффектлар қўлланилиши асосида радиотехник элементлар, тугунлар ва қурилмаларни яратишнинг схемотехник ортиқчалик, эгизаклик, тескари алоқа, дуаллик тамойиллари ишлаб чиқилган;
радиотехник қурилмаларнинг ишчи ҳолатларини барқарорлашнинг фото-вольтаик, инжекция-вольтаик ҳамда комбинацион (фото- ва инжекция-вольтаик) усуллари ишлаб чиқилган;
инжекция-вольтаик режимда ишловчи, фойдали иш коэффициенти юқори бўлган ягона тузилмага эга ток ва кучланиш генератори ишлаб чиқилган;
контакт потенциаллар фарқи 0,7 В га тенг миқдордаги ишчи кучланишда ишловчи, комплиментар биполяр транзисторларда бажарилган инвертор асосида мантиқий элементлар тайёрлаш усули исботланган;
комплиментар биполяр транзисторларда бажарилган инвертор параметрларининг ҳароратга турғунлиги ва симметрик узатиш таснифга эга эканлиги билан ажралиб туриши исботланган;
кўп бўғинли гомоўтишли, гетероўтишли таркибий ва  каскодли транзисторларда коллектор токининг ўз-ўзини барқарорлаш усули асосланган;
гомоўтишли ва каскодли кучайтиргичли фотоўзгартиргичлар спектрал сезгирлик ва кучайтириш коэффициенти бўйича тузиш имконияти билан фарқ қилиши ҳамда юкламага узатилаётган қувват, коллектор-эмиттер кучланиши, ҳарорат бўйича кенг ишлаш диапазонига эга бўлиши исботланган;
фото- ва инжекция-вольтаик эффектлар қўлланилиши асосида ишловчи қувват кучайтирувчи фотоўзгартиргичнинг тинч ҳолатдаги токини барқарорлаш ва қўшимча созлаш талаб этилмаслик асоси ишлаб чиқилган.
IV. Тадқиқот натижаларининг жорий қилиниши.
Фото- ва инжекция-вольтаик эффектлар қўлланилиши асосида ишловчи радиотехник элементлар, тугунлар ва қурилмаларининг тузилиш тамойиллари ва усулларини ишлаб чиқиш бўйича олинган илмий натижалар асосида:
ишчи кучланишлар ва ҳарорат ўзгаришларида барқарор ишлаши билан фарқланувчи комплиментар биполяр транзисторларда бажарилган инвертор “Ўзэлтехсаноат” ассоциациясининг “Фотон” АЖда жорий этилган (“Ўзэлтехсаноат” ассоциациясининг 2019 йил 31 майдаги 04-4/615-сон маълумотномаси). Илмий натижаларни қўллаш электрон саноат технологияларини ривожлантириш ва модернизация қилиш имконини берган;
ишчи кучланиш 0,7 В гача пасайган  кичик қийматларда ишлайдиган комплиментар биполяр транзисторлар асосидаги инвертор электроника, микроэлектроника ва рақамли техника лаборатория комплекслари элемент базаси “Санк-Петербург давлат телекоммуникациялар университети қошидаги ўқув-услубий марказ” МЧЖда ҳамда телекоммуникациянинг радиотехник ва оптоэлектрон қурилмалари элемент базаси “Broadband Solution” МЧЖга жорий этилган (Ўзбекистон Республикаси Ахборот технологиялари ва коммуникацияларни ривожлантириш вазирлигининг 2019 йил 1 ноябрдаги 33-8/7784-сон маълумотномаси). Илмий тадқиқот натижаларини қўллаш ишчи кучланишни 0,7 В гача камайтириш, радиотехник ва телекоммуникация қурилмаларининг импорти ўрнини босувчи қурилмалар яратиш имконини берган;
схемотехник ортиқчалик, эгизаклик тамойиллари ва инжекция-вольтаик  усул  асосида ишлатиш жараёнида ишончлилик ва  параметрлар барқарорлигини ошириш имконини берувчи кўп бўғинли гомоўтишли, гетероўтишли ва каскодли таркибий транзисторлар “Smart vision” МЧЖ қўшма корхонасида жорий қилинган (Ўзбекистон Республикаси Ахборот технологиялари ва коммуникацияларни ривожлантириш вазирлигининг 2019 йил 1 ноябрдаги 33-8/7784-сон маълумотномаси). Илмий тадқиқот натижаларини қўллаш коллектор токи ўз-ўзини турғунлашни таъминлаган;
схемотехник ортиқчалик, эгизаклик тамойиллари ва комбинацион (фото- ва инжекция-вольтаик) усул  асосида ишлатиш жараёнида ишончлилик ва  параметрлар барқарорлигини ошириш имконини берувчи қувват кучайтирувчи фотоўзгартиргичлар “Smart vision” МЧЖ қўшма корхонасида жорий қилинган (Ўзбекистон Республикаси Ахборот технологиялари ва коммуникацияларни ривожлантириш вазирлигининг 2019 йил 1 ноябрдаги 33-8/7784-сон маълумотномаси).  Илмий тадқиқот натижаларини қўллаш қурилманинг тинч ҳолатдаги токини турғунлаш ва қўшимча созлашларсиз ишлатиш имконини берган.