Жумаев Одил Абдужалиловичнинг
фан доктори (DSc) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Ахборот оқимларининг ноаниқлиги шароитида суюқ ва газсимон муҳитлар сарфининг параметрларини назорат қилиш ва бошқариш тизимларини интеллектуаллаштириш», 05.03.01–Асбоблар. Ўлчаш ва назорат қилиш усуллари (тармоқлар бўйича) (техника фанлари).
Диссертация мавзуси рўйхатга олинган рақам: B2019.3.DSc/T304.
Илмий маслаҳатчи: Юсупбеков Нодирбек Рустамбекович, техника фанлари доктори, профессор, академик.
Диссертация бажарилган муассасалар номи: Тошкент давлат техника университети ва Навоий давлат кончилик институти.
ИК фаолият кўрсатаётган муассаса номи, ИК рақами: Тошкент давлат техника университети, DSc.27.06.2017.Т.03.02.
Расмий оппонентлар: Исматуллаев Патхулла Рахматович, техника фанлари доктори, профессор; Бахромов Хошим Шоимович, техника фанлари доктори; Сиддиков Илхом Хакимович, техника фанлари доктори, профессор.
Етакчи ташкилот: Тошкент ахборот технологиялари университети ҳузуридаги Ахборот- коммуникация технологиялари илмий-инновацион марказ. 
Диссертация йўналиши: назарий ва амалий аҳамиятга молик.
II. Тадқиқотнинг мақсади: суюқ ва газсимон муҳитлар сарфини назорат қилиш ва бошқаришнинг интеллектуаллашган ўлчаш тизимларини ишлаб чиқиш ва дастурий тизимини яратишдан иборат. 
III. Тадқиқотнинг илмий янгилиги: 
ахборот оқимлари ноаниқ бўлган шароитларда суюқ ва газсимон муҳитлар сарфини назорат қилиш ва бошқариш тизимларини интеллектуалаштиришнинг илмий-услубий асослари шакллантирилган;
ўлчаш канали ва умуман ахборот ўлчаш тизимлари (АЎТ)нинг метрологик тавсифларини оширишнинг, берилган схематехник ечимларда метрологик тавсифларнинг энг яхши кўрсаткичларини таъминлайдиган ва элемент базасининг номиналларини ўзгариши билан фарқланадиган усули ишлаб чиқилган;
фойдаланувчи билан ўзаро ишлай оладиган, ахборот ресурсларини аниқлаш имконини берадиган рухсат бериш параметрларини аниқлаш усули ишлаб чиқилган;
метрологик ресурснинг берилган қийматлари (метрологик ресурс қийматининг максимуми ва метрологик тўғриликни сақлаш эҳтимоллигининг максимуми) мезонлари бўйича АЎТ метрологик тавсифларини яхшилашнинг ва уларини лойиҳалаш босқичида тизимнинг элементлар базасини оптимал номиналларини қидиришдан иборат бўлган алгоритмлари таклиф этилган.
IV. Тадқиқот натижаларининг жорий қилиниши. 
Ахборот оқимларининг ноаниқлиги шароитида суюқ ва газсимон муҳитлар сарфининг параметрларини назорат қилиш ва бошқариш тизимларини интеллектуаллаштириш бўйича олинган натижалар асосида: 
суюқлик сатҳининг оптик-толали ўзгарткичига Ўзбекистон Республикаси Интеллектуал мулк агентлигининг ихтиро патенти олинган (№IAP 04937-2014 й.). Илмий тадқиқотлар натижалари суюқлик сатҳини ўлчаш ва назорат қилишда оптик-толали ўлчаш канали орқали ахборотларни автоматлаштирилган қайта ишлаш тизимини яратиш имкониятини берган;
суюқликлар сарфини назорат қилиш учун алгоритм ва дастурий-аппаратли мажмуа «Бирлашган энергетика хизмати» корхонасида жорий этилган («Навоий кон-металлургия комбинати» ДКнинг 2019 йил 1 ноябрдаги 01-01-09/13930-сон маълумотномаси). Натижада  назорат қилиш ва ҳисобга олиш асбобларининг метрологик тавсифларини ошириш услубияти, шунингдек суюқликнинг интеллектуал электр-магнитли сарф ўлчагичи сувни ҳисобга олиш ва назорат қилиш аниқлиги ва ишончлилигини ошириш, сув сарфини пасайтириш имконини берган;
суюқ ва газсимон муҳитлар сарфини назорат қилиш ва бошқаришнинг интеллектуаллаштирилган тизими «Бирлашган энергетика хизмати» корхонасида жорий этилган («Навоий кон-металлургия комбинати» ДКнинг 2019 йил 1 ноябрдаги 01-01-09/13930-сон маълумотномаси). Натижада ўлчаш ўзгартиришини юқори дифференциал сезгирлиги, статик тавсифларининг чизиқлилиги, тезкорлиги юқорилигини таъминловчи сифатли янги тизимни синтезлаш имконини берган;
назорат қилиш ва ҳисобга олиш асбобларининг метрологик тавсифларини ошириш услубияти, шунингдек суюқлик ва буғнинг интеллектуал электр-магнитли сарф ўлчагичи «Навоий ИЭС» АЖда жорий этилган («Навоий кон-металлургия комбинати» ДКнинг 2019 йил 1 ноябрдаги 01-01-09/13930-сон маълумотномаси). Натижада буғ-газ қурилмасининг турбо агрегатига тўғридан-тўғри бериладиган буғни ҳисобга олиш ва назорат қилиш аниқлиги ва ишончлилигини ошириш ва ишлаб чиқарилаётган электр энергияси таннархини пасайтириш имконини берган.