Ашурова Умида Алишеровнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Гестацион гипертензияда ҳомиладорликни олиб бориш ва унинг клиник-генетик ривожланиш хусусиятлари», 14.00.01–Акушерлик ва гинекология  (тиббиёт фанлари).
Диссертация мавзуси рўйхатга олинган рақам: В2017.3.PhD/Tib385.
Илмий раҳбар: Нажмутдинова Дилбар Камариддиновна, тиббиёт фанлари доктори, профессор.
Диссертация бажарилган муассаса номи: Республика ихтисослаштирилган акушерлик ва гинекология илмий-амалий тиббиёт маркази.
ИК фаолият кўрсатаётган муассаса (муассасалар) номи, ИК рақами: Тошкент педиатрия тиббиёт институти  DSc.27.06.2017.Tib.29.01.
Расмий оппонентлар: Гелдиева Маргарита Собировна, биология фанлари доктори; Каттаходжаева Махмуда Хамдамовна, тиббиёт фанлари доктори, профессор.
Етакчи ташкилот: Тошкент врачлар малака ошириш институти.
Диссертациянинг йўналиши: амалий аҳамиятга молик.
II. Тадқиқотнинг мақсади: гестацион гипертензияда ҳомиладорликни олиб бориш ва унинг клиник-генетик ривожланиш хусусиятларини аниқлашдан иборат.
III. Тадқиқотнинг илмий янгилиги:
илк бор ўзбек миллатига мансуб ҳомиладор аёлларда гестацион гипертензия, преэклампсия ва сурункали артериал гипертензия ривожланишида иштирок этувчи (CYP11B2, AGT) генларининг аллел вариантлари ва генотиплари билан боғлиқлиги аниқланган;
илк бор гестацион гипертензия ва сурункали артериал гипертензия ривожланиши альдостерон синтаза генининг (CYP11B2-344C>T) полиморфизми аллеллари (Т) ва генотиплари  (Т/Т ва С/Т) билан боғлиқлиги исботланган;
альдостерон синтаза CYP11B2 гени 344C>T полиморфизмининг гомозигот С/С генотипи гестацион гипертензия ва сурункали артериал гипертензияда протективлик  намоён қилиши аниқланган;
илк бор AGT гени T704C (Met235Thr) полиморфизми (Т/Т генотипи) учун нисбий хавф кўрсаткичи (OR) гестацион гипертензияда преэклампсияга нисбатан ортиши (ГГ) касаллик ривожланишининг сабаби эканлиги исботланган.
IV. Тадқиқот натижаларининг жорий қилиниши.
Гестацион гипертензияда ҳомиладорликни олиб бориш ва унинг клиник-генетик ривожланиш хусусиятларини  аниқлаш бўйича олинган илмий натижалар асосида:
«Гестацион артериал гипертензия ривожланиш хавфини аниқлаш усуллари» номли услубий тавсияномаси  тасдиқланган (Соғлиқни сақлаш вазирлигининг 2019 йил 24 декабрдаги 8н-д/320-сон маълумотномаси). Мазкур услубий тавсиянома ҳомиладорларда гестацион гипертензияни ривожланиш хавфи ва оғирлик даражасини эрта аниқлаш, касаллик кечишини башорат қилиш ва ўз вақтида даволаш чора-тадбирларини қўллашга хизмат қилган;
Ҳомиладорларда гестацион гипертензия ривожланиш хавфи ва унинг клиник-генетик хусусиятларини  аниқлаш бўйича олинган илмий натижалар соғлиқни сақлаш тизимига, жумладан, Самарқанд ва Қашқадарё вилоятлари перинатал марказлари амалиётларига  жорий этилган (Соғлиқни сақлаш вазирлигининг 2020  йил 12 февралдаги 8н-з/20-сон маълумотномаси). Жорий қилинган натижалар ҳомиладорлик даврида гипертензив ўзгаришларнинг олдини олиш, касаллик асоратларини камайтириш ҳисобига оналар ўлими кўрсаткичларини пасайтириш ҳамда уларнинг стационарда даволаниш муддатини қисқартириш билан бирга тиббий ёрдам кўрсатиш сифатини оширишга имкон яратган.