Бакиров Лутфилло Юлдошалиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Модификацияланган полифункционал полимер композицион материалларнинг структурасини тадқиқ қилиш ҳамда таркиби ва олиш технологиясини ишлаб чиқиш», 05.02.01–Машинасозликда материалшунослик, қуймачилик, металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: B2017.3.PhD/T457.
Илмий раҳбар: Зиямухамедова Умида Алижоновна, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассасалар номи, ИК рақами: Тошкент давлат техника университети ва Ўзбекистон Миллий университети, DSc.28.02.2018.Т.03.04.
Расмий оппонентлар: Норхуджаев Файзулла Рамазанович, техника фанлари доктори, профессор; Заирова Дилфуза Назировна, техника фанлари номзоди, доцент.
Етакчи ташкилот: Андижон машинасозлик институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: полифункционал кўп қатламли гетерокомпозит полимер материалларнинг физик-механик ва эксплуатацион хоссаларини самарали ошириш учун модификациялаш асосида оптимал структура ҳосил қилиш технологиясини ишлаб чиқишдан иборат. 
III. Тадқиқотнинг илмий янгилиги: 
пахта билан ўзаро фрикцион таъсирлашувда толанинг механик жароҳатланишини камайтирадиган ишқаланувчи сирт структураси ва хусусиятини ҳисобга олган ҳолда ҳақиқий тегишув юзасини баҳолашнинг такомиллаштирилган янги математик модели ишлаб чиқилган;
полифункционал гетерокомпозит полимер материаллар асосида кўп қатламли қопламаларнинг компонентлари таркиблари, хоссалари ва шакллантирилиш технологияси оптималлаштирилган;
оптимал ички ва ҳажмий структурасини ҳосил қилишда маҳаллий минерал тўлдирувчиларни полифункционал кўп қатламли қопламалар геометрик ўлчамлари, тўлдирувчилар миқдори ва гранулометрик таркиби аниқланган;
маҳаллий ашёвий ва энергетик ресурслардан оптимал фойдаланиш имконини яратадиган гетерокомпозит полимер материалларни модификациялаш ва термик ишлов бериш технологияси ишлаб чиқилган.
IV. Тадқиқот натижаларининг жорий қилиниши. 
Модификацияланган полифункционал полимер композицион материалларнинг структурасини тадқиқ қилиш ҳамда таркиби ва олиш технологиясини ишлаб чиқиш тадқиқотлари бўйича олинган натижалар асосида:
таклиф этилган янги таркибли гетерокомпозит полимер қопламаларни «Андижон 1-сон пахта тозалаш» АЖда жорий қилинган (“O‘ZPAXTASANOAT” АЖнинг 2019 йил 23 августдаги 02-18/5021-сон маълумотномаси). Натижада корхона технологик жиҳозининг иш унумдорлиги 10–15% га ошган;
олинган полифункционал кўп қатламли қопламалар «Андижон 1-сон пахта тозалаш» АЖда жорий қилинган (“O‘ZPAXTASANOAT” АЖнинг 2019 йил 23 августдаги 02-18/5021-сон маълумотномаси). Натижада корхона технологик жиҳозларининг ишлаш муддати ейилишдан сақлаш эвазига 30–35% га ошган;
ишлаб чиқилган антифрикцион қатлами қопламаларнинг оптимал таркиблари «Андижон 1-сон пахта тозалаш» АЖда жорий қилинган (“O‘ZPAXTASANOAT” АЖнинг 2019 йил 23 августдаги 02-18/5021-сон маълумотномаси). Натижада толанинг механик жароҳатланиши ўртача 0,45–0,90% га камайган;
ишлаб чиқилган  қопламаларнинг антифрикцион-ейилишбардош қатлами оптимал таркиблари «Андижон 1-сон пахта тозалаш» АЖда жорий қилинган (“O‘ZPAXTASANOAT” АЖнинг 2019 йил 23 августдаги 02-18/5021-сон маълумотномаси). Натижада чигитнинг эзилиши 6–10% га камайган.