Султанов Муроджон Бахтияровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): ««Ўзнефтгазқазибчиқариш» АЖ корхоналарида энергетик менежмент жараёнларининг модел ва алгоритмлари», 05.01.02–Тизимли таҳлил, бошқарув ва ахборотни қайта ишлаш (техника фанлари).
Диссертация мавзуси рўйхатга олинган рақам: В2017.3.PhD/Т350.
Илмий раҳбар: Ишанходжаев Ғайрат Қудратович, техника фанлари доктори.
Диссертация бажарилган муассаса номи: «Ўзбекэнерго» АЖ «Илмий-техника маркази» МЧЖ.
ИК фаолият кўрсатаётган муассаса номи, ИК рақами: Тошкент ахборот технологиялари университети, DSc.27.06.2017.Т.07.01.
Расмий оппонентлар: Сафаров Тошпўлат, техника фанлари доктори, профессор; Арифжанов Абдулла Шамхатович, техника фанлари номзоди, катта илмий ходим.
Етакчи ташкилот: Тошкент давлат техника университети. 
Диссертация йўналиши: назарий ва амалий аҳамиятга молик.
II. Тадқиқотнинг мақсади: энергетик менежмент жараёнларининг функционал масалаларини ўзаро ахборотли боғлаган ҳолда оптимал ва тезкор ечишнинг модел ва алгоритмларини ҳамда уларнинг ягона ахборот таъминотини ишлаб чиқишдан иборат. 
III. Тадқиқотнинг илмий янгилиги: 
энергетик менежмент жараёнларининг услубияти ва унинг ҳар бир босқичидаги усуллари такомиллаштирилган;
энергетик менежмент жараёнларининг ўзаро боғланган босқичларининг функционал масалаларини самарали ечишнинг модел ва алгоритмлари ишлаб чиқилган;
энергетик менежмент жараёнларининг ўзаро функционал боғланган босқичларини доимо такомиллаштириш ва тезкор ишлашини таъминлаш алгоритмлари ишлаб чиқилган;
энергетик менежмент жараёнларида тўғри ва тезкор қарор қабул қилиш учун иерархик таҳлил усулидан фойдаланиб, муаммо ечимларидан мақбулини аниқлашнинг модел ва алгоритмлари ишлаб чиқилган.
IV. Тадқиқот натижаларининг жорий қилиниши. 
Ишлаб чиқилган энергетик менежмент жараёнларининг ўзаро функционал боғланган барча босқичларининг модел ва алгоритмлари ҳамда яратилган дастурий мажмуалари асосида:
корхона бўйича жами ва ҳар бир ишлаб чиқариш бўлимлардаги ёқилғи-энергетика ресурслар оқимини бошқариш, қурилма, ускуна, технологик линия ва қувурларнинг истеъмол қилиши мумкин бўлган ёқилғи-энергетика ресурсларнинг меъёрий кўрсаткичларини аниқлаш ҳамда ёқилғи-энергетика ресурслардан фойдаланиш ҳолатлари тўғрисида тезкорлик билан ахборот берадиган энергетик менежмент жараёнларининг дастурий мажмуаси “Ўзтрансгаз” акциядорлик жамияти қошидаги “Хўжаобод” газни ер остида сақлаш станциясида жорий қилинган («Ўзнефтгазқазибчиқариш» акциядорлик жамиятининг 2019 йил 20 февралдаги 04/09-103Ж-сон маълумотномаси). Тадқиқот натижасида корхонадаги қурилма, ускуна, технологик линия ва қувурларнинг таъмирлашга бўлган эҳтиёжини 10% га ва уларга сарф бўладиган ёқилғи-энергетика ресурсларни 5% га ошириш имконини берган;
ёқилғи-энергетика ресурслар истеъмолини оптимал режалаштириш, реал истеъмол қилинаётган ёқилғи-энергетика ресурслар тўғрисида тезкорлик билан ишончли маълумотларни жамлаш, ташқи ва ички омиллар таъсирида аниқланган муаммоли ҳолатларнинг самарали ечимларини аниқлаш масалаларини ечишни амалга оширадиган энергетик менежмент жараёнларининг математик модел, алгоритм ва дастурий модуллари «Ўзнефтгазқазибчиқариш» акциядорлик жамияти корхоналарида жорий қилинган («Ўзнефтгазқазибчиқариш» акциядорлик жамиятининг 2019 йил 20 февралдаги 04/09-103Ж-сон маълумотномаси). Тадқиқот натижасида нефть ва газ қазиб чиқариш корхонасида муаммоли ҳолатларни аниқлаш ва бартараф этиш 14% га, маҳсулот ишлаб чиқариш учун сарф бўладиган ёқилғи-энергетика ресурсларни 7% га ва бошқа харажатларни 3% га камайтириш имконини берган.