Абдуганиева Эльнора Абраловнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): «Гемостазиологические нарушения у пациентов с хронической обструктивной болезнью легких и оптимизация мер профилактики и лечения», 14.00.05–Ички касалликлар (тиббиёт фанлари).
Диссертация мавзуси рўйхатга олинган рақам: В2019.1.PhD/Tib744.
Илмий раҳбар: Ливерко Ирина Владимировна, тиббиёт фанлари доктори.
Диссертация бажарилган муассаса номи: Республика ихтисослаштирилган фтизиатрия ва пульмонология илмий-амалий тиббиёт маркази.
ИК фаолият кўрсатаётган муассаса номи, ИК рақами: Тошкент тиббиёт академияси, DSc.27.06.2017.Тib.30.02 рақамли илмий кенгаш.
Расмий оппонентлар: Қаюмов Улугбек Каримович, тиббиёт фанлари доктори, профессор; Махмудова Азиза Джумановна, тиббиёт фанлари доктори.
Етакчи ташкилот: Қозоғистон Республикаси соғлиқни сақлаш вазирлиги Миллий илмий фтизиопульмонология маркази.
Диссертациянинг йўналиши: амалий аҳамиятга молик.
II. Тадқиқотнинг мақсади: сурункали обструктив ўпка касаллиги билан оғриган беморларда гемостазиологик бузилишларни даволаш ва профилактика чора-тадбирларини дифференцирлашган ёндашувларини ишлаб чиқишдан иборат.
III. Тадқиқотнинг илмий янгилиги:
cурункали обструктив ўпка касаллиги тизимли яллиғланиш билан кечувчи хасталик сифатида чуқур “гемостазиологик стресс” ҳолати билан кечиши ва бу фенотипик хусусиятлар ҳамда коагуляция, антикоагуляция ва фибринолитик фаоллик орасидаги тўғри ҳамда тескари боғланишларда ифодаланганлиги асосланган;
cурункали обструктив ўпка касаллигида касалликнинг фенотипик детерминанталари ва гемостазиологик мувозанатнинг ўзгариш характери орасидаги боғлиқлик хусусиятлари аниқланган ҳамда гемостазиологик бузилишларни ташҳислашда скрининг кўрсаткичларини кам ахборотлилиги исботланган;
cурункали обструктив ўпка касаллигида претромботик ҳолатлар ривожланиш хавфини прогнозлаш мезонлари ва претромботик ҳолатлар ривожланиш хавфидан келиб чиққан ҳолда ташҳисот ҳамда даволашнинг дифференциялашган ёндашувлари ишлаб чиқилган;
cурункали обструктив ўпка касаллиги юқори тромботик хавф касаллиги эканлиги, унда претромботик ҳолатлар ривожланиш хавфини ташҳислаш ҳамда антикоагуляцион даволаш таркибий қисмлари зарурурлиги асосланган. 
IV. Тадқиқот натижаларининг жорий қилиниши.
СОЎК билан оғриган беморларда гемостазни баҳолаш бўйича олинган илмий натижалар асосида:
«Сурункали обструктив ўпка касаллиги билан оғриган беморларда фенотипик предикторлар ва биомаркерларнинг миқдорий баҳолаш ҳамда хавф гуруҳлари шакллантириш усули ёрдамида гиперкоагуляцион бузилишлар профилактикасида дифференцирлашган ёндошув» номли услубий тавсияномаси тасдиқланган (Соғлиқни сақлаш вазирлигининг 2019 йил 6 декабрдаги 8н-д/304 – сон маълумотномаси). Мазкур услубий тавсиянома сурункали обструктив ўпка касаллиги билан оғриган беморлар орасида гиперкоагуляцион бузилишлар ривожланиш хавф гуруҳларини обьективлаштиришга, мутахассисларни бу муаммога диққатини жалб қилиш ва тромботик ҳодисаларнинг фаол профилактикаси доирасида ҳатти-характларини асослаб беришга имкон берган; 
«Сурункали обструктив ўпка касаллиги билан оғриган беморларда гиперкоагуляцион бузилишларни дифференцирлашган даволаш усули» номли услубий тавсиянома тасдиқланган (Соғлиқни сақлаш вазирлигининг 2019 йилдаги 6 декабрь 8н-д/304 - сон маълумотномаси). Мазкур услубий тавсиянома сурункали обструктив ўпка касаллигида гемостазнинг гиперкоагуляцион бузилиш хавфини прогнозлаш асосида антикоагуляцион даволашни дифференцирлашган ҳолда тайинлашга имкон беради, бу эса касалликнинг авж олишида гемостазиологик мувозанат индексининг меъёрлашишига ҳамда авж олишдан кейинги даврда тромботик ҳодисаларнинг олдини олинишга имкон берган.
Сурункали обструктив ўпка касаллик билан оғриган беморларда гиперкоагуляцион бузилишларни профилактикаси, ташҳисоти ва даволаш ёндашувларини оптимизациялаштириш бўйича олинган илмий натижалар соғлиқни сақлаш амалиётига, хусусан Тошкент шаҳар 3–клиник шифохонаси ва Самарканд шаҳар тиббиёт бирлашмаси пульмонология ва аллергология бўлими клиник амалиётига тадбиқ этилган (Соғлиқни сақлаш вазирлигининг 2019 йилдаги 11 декабрь 8н-з/222-сон маълумотномаси). Тадқиқот натижаларининг амалиётга тадбиқ этилиши тиббий самарадорлик кўрсаткичини яхшилаш, шифохонага ётқизиш сонини камайтириш, асоратлар ва ногиронликни учраш хавфини пасайтириш имконини берган.