Имомалиева Камила Махсудовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Экспериментал герпетик кератитни даволашда «ГлазАвир» кўз доривор плёнкаларининг самарадорлигини баҳолаш», 14.00.08–Офтальмология; 03.00.04–Микробилогия ва вирусология (тиббиёт фанлари).
Диссертация мавзуси рўйхатга олинган рақам: В 2019.3.PhD/Tib627.
Илмий раҳбарлар: Билалов Эркин Назимович, тиббиёт фанлари доктори, профессор;
Наровлянский Александр Наумович, биология фанлари доктори, профессор (Россия Федерацияси).
Диссертация бажарилган муассаса номи: Тошкент тиббиёт академияси; Россия Федерацияси Соғлиқни сақлаш вазирлигининг академик Н.Ф.Гамалеи номли эпидемиология ва микробиология милий илмий маркази. 
ИК фаолият кўрсатаётган муассаса номи, ИК рақами: Тошкент давлат стоматология институти, DSc.27.12.2017.Tib.59.01.
Расмий оппонентлар: Мусабаев Эркин Исакович, тиббиёт фанлари доктори, профессор;  Бузруков Батир Тулкунович, тиббиёт фанлари доктори, доцент.
Етакчи ташкилот: Н.Н. Бурденко номли Воронеж  Давлат тиббиёт университети (Россия Федерацияси).
Диссертация йўналиши: амалий аҳамиятга молик.
II. Тадқиқотнинг мақсади: экспериментал герпетик кератитни даволашда интерферон индукторли нанотузмилмавий, биологик сўриладиган кўз доривор плёнкаларининг антивирусли фаоллиги ва терапевтик самарадорлигини  баҳолашдан иборат.
III. Тадқиқотнинг илмий янгилиги: 
терапевтик миқдордаги интерферон индукторли кўз доривор плёнкалари тажриба ҳайвонларининг соматик статусига токсик таъсир кўрсатмаслиги, периферик қон кўрсаткичларининг меъёрий даражада бўлиши ҳамда цитолитик синдром белгиларининг қайд қилинмаганлиги билан исботланган;
интерферон индукторли кўз доривор плёнкаларининг маҳаллий  сўрилишининг қониқарли профилга эгалиги, тажриба ҳайвонлари кўз ички босимининг меъёрий даражаси, шох пардаси сезгирлигининг сақланиши ва тўқималарида микроскопик тузилмавий таркибининг ўзгармаслиги асосида  исботланган;
экспериментал герпетик кератит моделида интерферон индукторли кўз доривор плёнкаларининг терапевтик самарадорлиги, шох парда синдроми,  васкуляризация, инфильтрацияларни бартараф этилиши ва шох парда эпителизацияси муддатларининг камайиши кўрсаткичларининг ижобий динамикаси  билан исботланган;
интерферон индукторли кўз доривор плёнкаларининг интерферон индукторли кўз томчиларига нисбатан вирусларга қарши самарадорлиги, экспериментал тажриба ҳайвонларидаги касаллик симптомларининг ривожланиши интенсивлиги йиғиндиси ва ўртача яшаш давомийлиги кўрсаткичлари асосида исботланган.  
IV. Тадқиқот натижаларининг жорий қилиниши:
Экспериментал герпетик кератитни даволашда интерферон индукторли кўз доривор плёнкаларининг самарадорлигини баҳолаш бўйича олинган илмий натижалар асосида:
«Тажриба шароитида интерферон индукторли «ГлазАвир» кўз доривор плёнкаларининг кўтара олинишини экспериментал баҳолаш усули» услубий тавсияномаси тасдиқланган (Соғлиқни сақлаш вазирлигининг 2019 йил 10 сентябрдаги №8н-д/186-сон маълумотномаси). Мазкур услубий тавсиянома ишлаб чиқилган дори воситаси эндоген интерферон индукторининг организмга тушгандан кейин, тажриба ҳайвонларининг умумий ва маҳаллий ҳолатига салбий таъсир кўрсатмаслигини исботлаш имконини берган;
«Интерферон индуктори сифатида «ГлазАвир» кўз доривор плёнкасининг вирусларга қарши фаолиятини экспериментал баҳолаш» услубий тавсияномаси тасдиқланган ва жорий этилган (Соғлиқни сақлаш вазирлигининг 2019 йил 10 сентябрдаги №8н-д/186-сон маълумотномаси). Мазкур услубий тавсияномада экспериментал герпетик кератитда интерферон индукторли кўз доривор плёнкаларининг вирусга қарши фаоллиги ва терапевтик самарадорлиги ўрганилиб исботланган;
Экспериментал герпетик кератитни даволашда интерферон индукторли кўз доривор плёнкаларининг самарадорлигини баҳолаш бўйича олинган илмий натижалар соғлиқни сақлаш амалиётига, жумладан, Тошкент Фармацевтика институти ва Самарқанд давлат тиббиёт институти фундаментал тадқиқотлар лабораториялари амалиётига жорий қилинган (Соғлиқни сақлаш вазирлигининг 2019 йил 12 декабрдаги 8н-з/227–сон маълумотномаси). 
Олинган тадқиқот натижаларини амалиётга жорий этиш вирусга қарши интерферон индукторли кўз доривор плёнкаларига оид тажрибалар самарадорлигини ошириш имконини берган. Олинган натижалар маҳаллий қўлланган интерферон индукторининг хусусиятларини баҳолаш ва клиник синовлар босқичига ўтиш, кейинчалик кўзнинг доривор плёнкаларини ишлаб чиқариш ҳамда даволашга кетадиган харажатларнинг камайишига ва беморлар ҳаёт сифатини яхшилашга имкон беради.