Нурова Шоҳсанам Норпўлотовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи  номи): «Сурункали тонзиллит ва сурункали бронхит билан касалланган болаларда тиш-жағ  аномалияларини ташхислаш, профилактикаси ва даволашга мажмуавий ёндашув», 14.00.21–Стоматология (тиббиёт фанлари).
Диссертация мавзуси рўйхатга олинган рақам:  B2017.4. PhD /Tib435. 
Илмий раҳбар: Ғаффоров Суннатулло Амруллаевич, тиббиёт фанлари доктори.,профессор.
Диссертация бажарилган муассаса номи: Бухоро давлат тиббиёт институти ва Тошкент врачлар малакасини ошириш институти.
ИК фаолият кўрсатаётган муассаса (муассасалар) номи, ИК рақами: Бухоро Давлат тиббиёт институти, PhD.31.10.2019.Tib.93.01 
Расмий оппонентлар: Беленова Ирина Александровна тиббиёт фанлари доктори, профессор., Муртазаев Саидмуродхон Саидиалоевич тиббиёт фанлари доктори. 
Етакчи ташкилот: С.Д. Асфендияров номидаги Қозоғистон миллий тиббиёт университети (Қозоғистон). 
Диссертациянинг йўналиши: амалий аҳамиятга молик. 
II. Тадқиқотнинг мақсади. Сурункали тонзиллит ва сурункали бронхит билан касалланган болаларда тиш-жағ аномалияларини ташхислаш, даволаш ва олдини олиш тартибини такомиллаштиришдан иборат.
III. Тадқиқотнинг илмий янгилиги: 
мактаб ёшидаги ўқувчиларда юз – жағ аномалиялари ҳолатини тизимли баҳолашда, тиш–жағ аномалиялари тарқалиши, сурункали тонзиллит ва сурункали бронхит патологиясида, тиш – жағ аномалияларининг учраши ва ташхислашда антропометрик, телерентгенологик, цефалометрик кўрсаткичларнинг афзаллиги исботланган;
сурункали тонзиллит ва сурункали бронхит билан хасталанган мактаб ёшидаги болаларда тишлов ва тиш қатори аномалияларини ривожланиши ва шаклланишида суяклар таркибий ўзгаришлари, майда суяклар шаклланишидаги физиологик регуляциясини, тиш қаттиқ тўқималари минерализация жараёнинини бузилиши, пародонт тўқимаси патологияси, тизимли кариеснинг ривожланиши, махаллий тўқималарда тўқималар гипоксияси, липидлар перекис оксидланиши, протеаза фаоллиги ва оғиз суюқлигида гормонал ҳолат дисфункциясидаги салбий жараёнларнинг етакчи омил эканлиги исботланган;
сурункали тонзиллит ва сурункали бронхит билан касалланган мактаб ёшидаги болаларда тишлов ва тиш қатори аномалияларини даволашда махаллий анъанавий ва комплекс даволаниш усулларига қўшимча равишда антиоксидант, антигипоксант ва иммунитетни оширувчи дори воситаларини қўллашнинг аҳамиятлилиги исботланган;
болаларда тишлов ва тиш қатори аномалиялари этиопатогенезида клиник, иммунологик ва биокимёвий кўрсаткичлар натижасидаги ўзаро боғлиқлик омиллари, соматик касалликлар билан биргаликда тиш – жағ тизими аномалияларига сабабчи тўқима шикастланишини инобатга олган даволаш профилактик ва патология хавфини башоратловчи тизимли тартиб ишлаб чиқилган.
IV. Тадқиқот натижаларининг жорий қилиниши. Сурункали тонзиллит ва сурункали бронхит билан касалланган болаларда тиш-жағ аномалияларини ташхислаш, профилактикаси ва даволашга мажмуавий ёндашиш бўйича олиб борилган илмий натижалар асосида:
«Нафас йўли касалликлари асоратидан келиб чиқадиган тиш-жағ қаторлар нуқсонлари ва эндоген интоксикацияда патологик ҳолатларни ташхислаш» услубий тавсияномаси ишлаб чиқилган (Соғлиқни сақлаш вазирлигининг 2019 йил 26 сентябрдаги 8н-д/384-сон маълумотномаси). Мазкур услубий тавсиянома нафас йўли касалликлари асорати натижасида юзага келадиган тиш-жағ қаторлар нуқсонлари эрта ташхислаш, ортондотик даволаш тизими тадбиқ қилиш  имконини берган;
«Тиш-жағ қаторларнинг иккиламчи шакл бузилишларида сурункали тонзиллит ва уларнинг кечишини олдиндан баҳолаш алгоритми» услубий тавсияномаси ишлаб чиқилган (Соғлиқни сақлаш вазирлигининг 2019 йил 26 сентябрдаги 8н-д/383-сон маълумотномаси). Мазкур услубий тавсиянома мактаб ўқувчилари орасида тиш-жағ қаторларнинг иккиламчи шакл бузилишларида сурункали тонзиллит ва уларнинг кечишини олдиндан баҳолаш алгоритми ишлаб чиқиш ва тиш қаторлари ва тишлов нуқсонларини олдини олиш тартибини комплекс ёндошиувини тадбиқ қилиш имконини берган;
Сурункали тонзиллит ва сурункали бронхит билан касалланган болаларда тиш-жағ аномалияларини ташхислаш, профилактикаси ва даволашга мажмуавий ёндашиш бўйича олинган илмий натижалар соғлиқни сақлаш амалиётига, жумладан, Бухоро вилояти Ғиждувон, Олот, Вобкент, Пешку туманлари тиббиёт бирлашмаларнинг стоматологик поликлиникалари амалий фаолиятига тадбиқ этилган (Соғлиқни сақлаш вазирлигининг 2019 йил 10 октябрдаги 8н-з/215-сон маълумотномаси). Олинган илмий натижаларнинг амалиётга жорий қилиниши мактаб ўқувчилари орасида нафас йўли касалликлари асоратидан келиб чиқадиган тиш-жағ қаторлар нуқсонлари ва эндоген интоксикацияда патологик ҳолатларни ташхислаш  касаллик ривожланишини, башоратлаш ва касалликни олдини олиш орқали тиш қаторлари ва тишлов нуқсонлари камайтириш имконини берган.