Камалидинова Шахноза Махмудхановнанинг
фан доктори (DSс) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ҳомиланинг туғма нуқсонлари ва хромосома аномалияларини ташхислашда ультратовуш ва биокимёвий скрининг усулларининг самарадорлиги», 14.00.19–Клиник радиология (тиббиёт фанлари). 
Диссертация мавзуси рўйхатга олинган рақам: В2017.2.DSc/Тib165.
Илмий маслаҳатчи: Фазилов Акрам Акмалович, тиббиёт фанлари доктори, профессор.
Диссертация бажарилган муассаса номи: Тошкент врачлар малакасини ошириш институти.
ИК фаолият кўрсатаётган муассаса (муассасалар) номи, ИК рақами: Республика ихтисослаштирилган онкология ва радиология илмий-амалий тиббиёт маркази, DSc.04.12.2018.Tib.77.01.
Расмий оппонентлар: Алтинник Наталья Анатольевна, тиббиёт фанлари доктори, профессор (Россия Федерацияси); Юсупалиева Гульнара Акмаловна, тиббиёт фанлари доктори, доцент; Курбанов Джахангир Жамалович, тиббиёт фанлари доктори, профессор.
Етакчи ташкилот: Н.И.Пирогов номидаги Россия миллий тадқиқот тиббиёт университети (Россия Федерацияси).
Диссертациянинг йўналиши: амалий аҳамиятга молик.
II. Тадқиқотнинг мақсади: ҳомиладорликнинг биринчи триместрида ультратовуш ва биокимёвий скринингни қўллаш ёрдамида ҳомила туғма нуқсонлари ва ирсий касалликларини ташхислаш самарадорлигини такомиллаштиришдан иборат.
III. Тадқиқотнинг илмий янгилиги:
ҳомила ўсиши ва унинг хажмининг ҳомиладорлик муддатига мослигини объектив баҳолашдаилк даврда фетометрик меъёрий кўрсаткичларда бошнинг тепа-думғаза ўлчамининг минтақавий хусусиятлари асосланган;
биометрик кўрсаткичлар ҳамда думғаза тепа ўлчами, бўйин бўшлиғи қалинлиги, бурун суяги ва фронто-мандибуляр меъёрларни ҳисобга олган ҳолда ривожланиш нуқсонлари ва хромосома аномалиялари билан ҳомилани пренатал идентификациялашнинг ультратовуш мезонлари исботланган;
ҳомиладорликнинг эрта муддатларида Даун синдроми ва микроцефалия ривожланиш хавфини тасдиқлашнинг фетометрик ҳамда биометрик хусусиятлари ва специфик биокимёвий ҳамда ультратовуш скрининг мезонлари исботланган;
ноинвазив пренатал тестни қўллаган ҳолда скрининг текширувида ҳомиланинг хромосом аномалиялари ва ультратовуш анатомиясини эхографик белгиларини баҳолашга комплекс ёндашув тизими ишлаб чиқилган;
ҳомиладорликнинг дастлабки босқичларида хромосома аномалиялари ва ҳомила нуқсонлари белгиларини ўз вақтида аниқлаш учун текширувни босқичма-босқич комплекс скрининг қилиш учун ультратовуш протоколи такомиллаштирилган.
IV. Тадқиқот натижаларининг жорий қилиниши.
Ҳомиланинг туғма нуқсонлари ва хромосома аномалияларни ташхислашда ултратовуш ва биокимёвий скрининг усулларнинг самарадорлигини такомиллаштириш бўйича олинган илмий натижалар асосида:
«Ҳомиладорларнинг ультратовуш ва биокимёвий скрининги» услубий тавсияномаси тасдиқланган (Соғлиқни сақлаш вазирлигининг 2016 йил 29 декабрдаги 8н–р/209-сон маълумотномаси). Мазкур услубий тавсиянома ҳомиладорликнинг эрта муддатларида хромосома аномалиялари ва турли хил туғма нуқсонларни ўз вақтида пренатал ташхислаш сифати ва самарадорлигини яхшилаш, шунингдек ультратовуш ташхисот шифкорларнинг ушбу четга оғишларни тасдиқлаш борасидаги билим ва малакаларини ошириш имконини берган; 
Ҳомиланинг туғма нуқсонлари ва хромосома аномалияларни ташхислашда ультратовуш ва биокимёвий скрининг усулларнинг самарадорлигини ташхислаш бўйича олинган илмий натижалар соғлиқни сақлаш амалиётига, жумладан, Республика она ва бола скрининг маркази, Тошкент врачлар малакасини ошириш институти, Наманган ва Фарғона скрининг марказлари амалий фаолиятига жорий қилинган (Соғлиқни сақлаш вазирлигининг 2019 йил 12 июлдаги 8н–з/51-сон маълумотномаси). Олинган илмий натижаларнинг амалиётга жорий қилиниши пренатал ташхисотини амалга ошириш тактикасини такомиллаштириш, ривожланиш нуқсонлари ва хромосома аномалиялари билан болалар туғилиши хавф гуруҳларини эрта баҳолаш ва шакллантириш имконини бериш, хусусан, 67,4% ҳомилада хромосома патологиялари, шу жумладан 76,4% ҳомилада Даун касаллиги, сохта мусбат натижалар даражасини 12,6% ташкил қилишга имкон берган.