Махмудов Шерзод Суръатовичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тўқимачилик саноати корхоналарида ишчанлик фаоллигини бошқаришни такомиллаштириш», 08.00.13–Менежмент (иқтисодиёт фанлари).
Диссертация мавзуси рўйхатга олинган рақам: B2018.1.PhD/Iqt604.
Илмий раҳбар: Махмудов Носир Махмудович, иқтисодиёт фанлари доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.27.06.2017.I.16.01.
Расмий оппонентлар: Рахимова Дилфуза Нигматовна, иқтисодиёт фанлари доктори, профессор; Хошимов Акром Абдиевич, иқтисодиёт фанлари доктори, профессор.
Етакчи ташкилот: Тошкент тўқимачилик ва енгил саноат институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: тўқимачилик саноати корхоналарида ишчанлик фаоллигини бошқаришни такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
тўқимачилик саноати корхоналарида ишчанлик фаоллигини бошқаришнинг ташкилий-иқтисодий механизми ишлаб чиқаришни бозор ўзгаришларига мослашувчанлигини таъминлаш, мавжуд моддий ва молиявий ресурсларнинг муқобил тақсимотини амалга ошириш, хорижий инвестицияларни жалб этиш ва нарх сиёсатини эркинлаштириш асосида такомиллаштирилган;
тўқимачилик саноати корхоналарида ишчанлик фаоллигини баҳолаш усули ишлаб чиқариш, сотиш, инвестиция ва молия соҳаларидаги миқдор ва сифат кўрсаткичларининг салмоқ коэффициентларини интеграл ҳисоблаш асосида такомиллаштирилган;
тўқимачилик саноати корхоналари барқарор ривожланишини таъминлашга ва рақобатбардошлигини оширишга йўналтирилган ишчанлик фаоллигини бошқаришнинг мувозанатлашган модели ишлаб чиқилган;
тўқимачилик саноати корхоналарида ишчанлик фаоллигини бошқаришнинг мотивлаштириш механизми ҳар бир ходимнинг потенциал имкониятини ҳисобга олиш, моддий ва маънавий рағбатлантиришни жорий этиш асосида такомиллаштирилган.
IV. Тадқиқот натижаларининг жорий қилиниши.
Тўқимачилик саноати корхоналарида ишчанлик фаоллигини бошқаришни такомиллаштириш бўйича олинган илмий натижалар асосида:
тўқимачилик саноати корхоналарида ишчанлик фаоллигини бошқаришнинг такомиллаштирилган ташкилий-иқтисодий механизми "Ўзтўқимачиликсаноат" уюшмаси корхоналарининг бошқарув фаолиятига жорий этилган (“Ўзтўқимачиликсаноат” уюшмасининг 2019 йил 22 апрелдаги 03/06-1862-сон маълумотномаси).  Натижада тўқимачилик корхоналарида бошқарув харажатлари  15% га камайган;
тўқимачилик саноати корхоналарида ишчанлик фаоллигини баҳолашнинг такомиллаштирилган  усули  "Ўзтўқимачиликсаноат"  уюшмаси корхоналари фаолиятини бошқариш амалиётига жорий этилган (“Ўзтўқимачиликсаноат” уюшмасининг 2019 йил 22 апрелдаги 03/06-1862-сон маълумотномаси). Натижада сотишдан олинган ялпи фойданинг таққослама нархлардаги  ўсиш суръати 2018 йилда 2017 йилга нисбатан 18,75% ни ташкил этган;
тўқимачилик саноати корхоналари барқарор ривожланишини таъминлашга ва рақобатбардошлигини оширишга йўналтирилган ишчанлик фаоллигини бошқаришнинг мувозанатлашган модели "Ўзтўқимачиликсаноат"  уюшмаси корхоналари фаолиятини бошқариш амалиётига жорий этилган (“Ўзтўқимачиликсаноат” уюшмасининг 2019 йил 22 апрелдаги 03/06-1862-сон маълуотномаси). Натижада сотишдан тушган ялпи даромаднинг таққослама нархлардаги  ўсиш суръати 2018 йилда 2017 йилга нисбатан 14,25% ни ташкил этган;
тўқимачилик саноати корхоналарида ишчанлик фаоллигини бошқаришнинг такомиллаштириш мотивлаштириш механизми "Ўзтўқимачиликсаноат"  уюшмаси корхоналарида иш фаолиятини ташкил этиш ва рағбатлантириш тизими амалиётига жорий этилган (“Ўзтўқимачиликсаноат” уюшмасининг 2019 йил 22 апрелдаги 03/06-1862-сон маълумотномаси). Тўқимачилик корхоналарида мотивлаштириш механизмини такомиллаштириш натижасида меҳнат унумдорлиги 2018 йилда 2017 йилга нисбатан 12,60 % га ошган.