Джуракулов Шохрух Давроновичнинг
фалсафа доктори  (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Реклама хизматлари самарадорлигини оширишнинг ташкилий-иқтисодий механизмларини такомиллаштириш”, 08.00.05–Хизмат кўрсатиш тармоқлари иқтисодиёти (иқтисодиёт фанлари).
Диссертация мавзуси рўйхатга олинган рақам: B2019.1.PhD/Iqt828.
Илмий раҳбар: Пардаев Мамаюнус Қаршибоевич, иқтисодиёт фанлари доктори, профессор.
Диссертация бажарилган муассаса номи: Самарқанд давлат университети.
ИК фаолият кўрсатаётган муассаса номи, ИК рақами: Самарқанд иқтисодиёт ва сервис институти, DSс.27.06.2017.I.18.01
Расмий оппонентлар: Адилова Зулфия Джавдатовна, иқтисодиёт фанлари доктори, профессор;   Тухлиев Нурислом, иқтисодиёт фанлари доктори, профессор.
Етакчи ташкилот: Қарши муҳандислик-иқтисодиёт институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: иқтисодиётнинг инновацион ривожланиши шароитида реклама хизматлари самарадорлигини оширишнинг ташкилий-иқтисодий механизмини такомиллаштириш бўйича илмий асосланган таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
реклама билан шуғулланувчи хўжалик юритувчи субъектлар фаолияти самарадорлигини, соҳанинг ривожланиш йўналишларини, улардаги кадрлар салоҳиятини, реклама фаолияти харажатлари ва натижаларини ифодаловчи кўрсаткичлари таснифини шакллантириш орқали баҳолаш методикаси ишлаб чиқилган;
реклама кампаниялари фаолиятини режалаштириш, товарлар ҳаракати ва истеъмолчиларнинг мақсадли бозорларини аниқлаш, ахборотларни миқдор ва сифат жиҳатдан қайта ишлаш, реклама маълумотлари мазмуни ва шаклларини баҳолашда қўлланиладиган контент-таҳлил усули асосида рекламани самарали шаклда ташкил этиш тизими такомиллаштирилган;
реклама бозори сегментларини бошқариш, инновацияларни амалга ошириш билан боғлиқ операцион харажатларни пасайтириш, реклама маҳсулотлари ва хизматларини ишлаб чиқиш, инновацион фаолиятни бошқариш самарадорлигини ифодаловчи кўрсаткичлар орқали интеграл баҳолаш методикаси такомиллаштирилган;
реклама агентликлари фаолиятининг стратегиясини такомиллаштириш, реклама бозори иштирокчиларининг инновацион ривожланиш йўналишларини аниқлаш, реклама фаолиятини амалга оширишнинг ташкилий-иқтисодий механизмлари самарадорлигини баҳолашга йўналтирилган концепцияси ишлаб чиқилган.
IV. Тадқиқот натижаларининг жорий қилиниши.
Ўзбекистон Республикасида реклама хизматлари самарадорлигини оширишнинг ташкилий-иқтисодий механизми бўйича олинган илмий натижалар асосида:
реклама билан шуғулланувчи хўжалик юритувчи субъектлар фаолияти самарадорлигини, соҳанинг ривожланиш йўналишларини, улардаги кадрлар салоҳиятини, реклама фаолияти харажатлари ва натижаларини ифодаловчи кўрсаткичлари таснифини шакллантириш орқали баҳолаш методикаси Ўзбекистон Миллий телерадиокомпаниясининг «Реклама ва маркетинг»  бўлими фаолиятида реклама хизматлари ривожланишининг динамик самарадорлигини аниқлаш жараёнига жорий этилган (Ўзбекистон Миллий телерадиокомпаниясининг 2019 йил 9 январдаги 02-16/71-сон маълумотномаси). Ушбу таклифдан фойдаланиш Ўзбекистон Миллий телерадиокомпаниясининг «Реклама ва маркетинг» бўлими фаолияти ривожланишининг алоҳида йўналишлари динамик самарадорлигини баҳолаш имконини берган;
реклама кампаниялари фаолиятини режалаштириш, товарлар ҳаракати ва истеъмолчиларнинг мақсадли бозорларини аниқлаш, ахборотларни миқдор ва сифат жиҳатдан қайта ишлаш, реклама маълумотлари мазмуни ва шаклларини баҳолашда қўлланиладиган контент-таҳлил усули асосида рекламани самарали шаклда ташкил этиш тизими Ўзбекистон Миллий телерадиокомпаниясининг «Реклама ва маркетинг» бўлими фаолиятида реклама кампанияларини режалаштириш жараёнида фойдаланиш учун қабул қилинган  (Ўзбекистон Миллий телерадиокомпаниясининг 2019 йил 9 январдаги 02-16/71-сон маълумотномаси). Ушбу таклифдан фойдаланиш реклама кампанияларини режалаштириш жараёнини зарурий ахборотлар билан таъминлаш самарадорлигини 1,5 мартага ошириш имконини берган;
реклама бозори сегментларини бошқариш, инновацияларни амалга ошириш билан боғлиқ операцион харажатларни пасайтириш, реклама маҳсулотлари ва хизматларини ишлаб чиқиш, инновацион фаолиятни бошқариш самарадорлигини ифодаловчи кўрсаткичлар орқали интеграл баҳолаш методикаси Ўзбекистон Миллий телерадиокомпаниясининг «Реклама ва маркетинг» бўлими амалиётида инновацион фаолиятни баҳолаш жараёнида фойдаланиш учун қабул қилинган  (Ўзбекистон Миллий телерадиокомпаниясининг 2019 йил 9 январдаги 02-16/71-сон маълумотномаси). Ушбу таклифдан фойдаланиш реклама бозоридаги рақобатчилар билан таққослаш асосида инновацион фаолиятни бошқариш самарадорлигини ҳар томонлама баҳолаш имконини берган;
реклама агентликлари фаолиятининг стратегиясини такомиллаштириш, реклама бозори иштирокчиларининг инновацион ривожланиш йўналишларини аниқлаш, реклама фаолиятини амалга оширишнинг ташкилий-иқтисодий механизмлари самарадорлигини баҳолашга йўналтирилган концепцияси Ўзбекистон Миллий телерадиокомпаниясининг «Реклама ва маркетинг» бўлими амалиётида инновацион фаолиятни баҳолаш жараёнида фойдаланиш учун қабул қилинган (Ўзбекистон Миллий телерадиокомпаниясининг 2019 йил 9 январдаги 02-16/71-сон маълумотномаси). Ушбу таклифдан фойдаланиш реклама фаолиятини амалга оширишнинг мақсадли дастурларини ҳамда реклама агентликлари ривожланишининг рақобат стратегиясини ишлаб чиқишда илмий асосланганлик даражасини оширган.