Махкамов Нажмиддин Козимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Юрак ишемик ва уйқу томир касаллиги мавжуд беморларда рентгенэндоваскуляр даволаш диагностикаси ва тактикасини оптималлаштириш», 14.00.34–Юрак-қон томир хирургияси (тиббиёт фанлари).
Диссертация мавзуси рўйхатга олинган рақам: В2018.1.PhD/Tib588.
Илмий раҳбар: Зуфаров Миржамол Мирумарович, тиббиёт фанлари доктори, профессор.
Диссертация бажарилган муассаса номи: Академик В.Воҳидов номидаги Республика ихтисослаштирилган хирургия илмий-амалий тиббиёт маркази.
ИК фаолият кўрсатаётган муассасалар номи, ИК рақами: Академик В.Воҳидов номидаги Республика ихтисослаштирилган хирургия илмий-амалий тиббиёт маркази ва Тошкент тиббиёт академияси, DSc.27.06.2017.Tib.49.01.
Расмий оппонентлар: Алиев Шерзод Махмудович, тиббиёт фанлари доктори; Юлдошев Набижон Примович, тиббиёт фанлари доктори.
Етакчи ташкилот: Кардиология ва ички касалликлар илмий-тадқиқот институти (Қозоғистон).
Диссертация йўналиши: амалий аҳамиятга молик.
II. Тадқиқотнинг мақсади: замонавий диагностика усулларини қўллаш ва рентгенэндоваскуляр аралашув тактикасини оптималлаштириш йўли билан уйқу артериялари шикастланиши кузатилган юрак ишемик касаллигини даволаш натижаларини яхшилашдан иборат.
III. Тадқиқотнинг илмий янгилиги:
мия қон айланиши бузилишининг клиник кўриниши ёки асимптом кечиши мавжуд бўлган беморларда коронар ва каротид ҳавзанинг биргаликда атеросклеротик шикастланишининг кечиш оғирлигини баҳолашнинг гемодинамик мезонлари аниқланган;
эндоваскуляр оптик-когерент томография маълумотлари бўйича анатомик-функционал жиҳатдан бузилишлар даражасини объектив баҳолаш учун коронар артериялар деворларининг морфологик хусусиятлари ва атеросклеротик таърифи аниқланган;
мураккаб шикастланишларда (бифуркацион, чап тож қон томир ўзани, сурункали тож қон томир окклюзияси) коронар артериялардаги эндоваскуляр аралашувларни баҳолаш учун амалиёт вақтидаги мезонларни оптималлаштиришда оптик когерент томография имкониятлари аниқланган;
рентгенэндоваскуляр ёки хирургик йўл билан даволаш тактикасини аниқлаш учун коронар ва каротид артерия ҳавзаларининг биргаликда атеросклероз билан шикастланиши кечиш оғирлигини баҳолашнинг махсус тизими ишлаб чиқилган.
IV. Тадқиқот натижаларининг жорий қилиниши.
Уйқу артерияларининг биргаликда шикастланишларида юрак ишемия касаллиги диагностикаси ва даволаш сифатини яхшилашга бағишланган тадқиқот бўйича олинган илмий натижалар асосида:
«Коронар ва уйқу артериялар мультифокал атеросклеротик шикастланиши билан касалланган беморларни даволаш тактикаси алгоритми» услубий тавсияномаси тасдиқланган (Соғлиқни сақлаш вазирлигининг 2019 йил 12 декабрдаги 8н-з/223-сон маълумотномаси). Таклиф этилган тавсиялар уйқу артерияларнинг биргаликда шикастланишлари билан юрак ишемия касаллигида рентгенэндоваскуляр ва хирургик аралашувларидан кейин турли асоратлар ривожланиш эҳтимоли мавжудлигини аниқлаш имконини берган;
«Коронар ва уйқу артериялар мультифокал атеросклеротик шикастланиши билан касалланган беморларни даволаш тактикасини танлаш учун дастур» тасдиқланган (Соғлиқни сақлаш вазирлигининг 2019 йил 12 декабрдаги 8н-з/223-сон маълумотномаси). Таклиф этилган ЭҲМ учун дастур уйқу артерияларининг бирга қўшилган шикастланишлари билан беморларни рентгенэндоваскуляр ва хирургик даволашда хавф ва кўрсаткичлар даражасини юқори аниқлик билан ҳисоблаш учун оптимал тактикани танлаш имконини берган;
уйқу артерияларининг шикастланиши билан биргаликда юрак ишемик касаллиги билан беморлар диагностикаси ва даволаш сифатини яхшилашга бағишланган тадқиқот бўйича олинган илмий натижалар соғлиқни сақлаш амалиётига, шу жумладан, Академик В.Воҳидов номидаги Республика ихтисослаштирилган хирургия илмий-амалий тиббиёт маркази, Республика ихтисослаштирилган кардиология илмий-амалий тиббиёт марказининг Наманган ва Хоразм филиаллари амалий фаолиятига (Соғлиқни сақлаш вазирлигининг 2019 йил 12 декабрдаги 8н-з/223-сон маълумотномаси) татбиқ этилган. Уйқу артерияларининг шикастланишлари билан биргаликда юрак ишемик касаллиги билан беморларда ишлаб чиқилган рентгенэндоваскуляр аралашувларнинг тактик-техник жиҳатларини амалга ошириш амалиётдан кейинги асоратлар частотаси, масалан, стенокардиянинг қайтадан такрорланишини 12,5% дан 4,7% гача қисқартириш, коронар артериялар рестенози ва стент тромбози хавфини камайтириш, шунингдек, узоқ муддатли яхши натижалар улушини 87,5% дан 95,3% гача ошириш имконини берган.