Мусаева Нодира Низомовнанинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Узлуксиз касб-ҳунар таълим тизимида ўқитиш узвийлигини таъминлаш технологияси”, 13.00.05–Касб-ҳунар таълими назарияси ва методикаси (педагогика фанлари).
Диссертация мавзуси рўйхатга олинган рақам: B2018.1.DSc/Ped68.    
Илмий маслаҳатчи: Олимов Кахрамон Танзилович, педагогика фанлари доктори, профессор
Диссертация бажарилган муассаса номи: Бухоро муҳандислик-технология институти.
ИК фаолият кўрсатаётган муассаса (муассасалар) номи, ИК рақами: Педагогик инновациялар, касб-ҳунар таълими бошқарув ҳамда педагогик   кадрларни қайта тайёрлаш ва уларнинг малакасини ошириш институти, DSc.27.06.2017.Ped.48.01.
Расмий оппонентлар: Уразова Марина Батировна, педагогика фанлари доктори, доцент; Ҳакимова Муҳаббат Файзиевна, педагогика фанлари доктори, профессор; Рахимов Бахтиёр Худайберидиевич, педагогика фанлари доктори, доцент.
Етакчи ташкилот: Тошкент ирригация ва қишлоқ ҳўжалигини механизациялаш муҳандислари институти
Диссертация йўналиши: амалий ва назарий  аҳамиятга молик.
II. Тадқиқотнинг мақсади  “коллеж – олий таълим муассасалари” узлуксиз профессионал таълим тизимида умумкасбий ва махсус фанларни ўқитиш узвийлигини таъминлаш технологиясини такомиллаштиришдан  иборат.
III. Тадқиқотнинг илмий янгилиги:
профессионал таълим компонентлари (“коллеж – олий таълим муассасалари” тизими) узвийлиги ва мақсадга йўналтирилганлигини таъминлашга имкон яратувчи ўқитиш мазмунининг Шарқий қарашлар тизими ва миллийлик тамойили асосида таълим босқичлари интеграцияси (ўзаро боғлиқлик, яхлитлик ва тизимлилик) шарт-шароитлари (стратегик мақсад, ривожланиш дастури ва таҳлилий-баҳолаш) мазмунан тизимлаштирилган;
бўлажак мутахассисларни ўқитишда аксиологик ва фаолиятли ёндашувлар асосида ўқув мақсадларининг инновацион тоифаларини синтезлаш орқали ахборотлашган жамиятнинг илмий-техник тараққиёт тенденцияларига мослаштирилган педагогик таксономия мазмуни (“тасаввур” ва “муносабат”) прогностик лойиҳалаштирилган;
узлуксиз таълим тизимида малакали мутахассисларни тайёрлашнинг дидактик таъминоти (узвийлик технологиялари, ўқув-услубий манбалар)ни мантиқийлик ва модулли ёндашувлар асосида ишлаб чиқиш орқали турдош умумкасбий ва махсус фанларини ўқитиш узвийлигини таъминлашнинг мажмуавий тузилмаси компонентлари (мақсад, жараён ва натижа) мазмуни такомиллаштирилган;
таълим олувчиларнинг ўқув материалини ўзлаштириш даражасининг унификацияланган кўрсаткичлари (тасаввур, билим, кўникма ва малака) ва ўқув мақсадларининг дифференциаллаш асосида узлуксиз профессионал таълимда турдош фанларнинг таянч тушунчалар тизимини интеграциялаш технологияси ишлаб чиқилган;
умумкасбий ва ихтисослик фанларининг мазмуний ва қиёсий кўрсаткичларини ўзаро қарама-қарши занжир реакцияси ва креативлик тамойиллари асосида мақбуллаштириш орқали ўқув жараёнини лойиҳалашда таълим олувчиларнинг касбий фаолиятга тайёргарлик даражаларининг диагностик, қулайлик, ихчамлик имкониятлари кенгайтирилган.
IV. Тадқиқот натижаларининг жорий қилиниши:
Узлуксиз профессионал таълим тизимида ўқитиш узвийлигини таъминлаш технологияси бўйича олинган илмий натижалар асосида:
профессионал таълим компонентлари узвийлиги ва мақсадга йўналтирилганлигини таъминлашга имкон яратувчи ўқитиш мазмунининг Шарқий қарашлар тизими ва миллийлик тамойили асосида таълим босқичларини интеграциялашга доир тавсиялардан «Узлуксиз таълим тизимида таълим-тарбия жараёнини модернизациялаш ва оптималлаштириш технологиялари» (2012–2020) амалий мавзудаги лойиҳа, “Ўрта Осиёда касбий таълим ва ўқитиш дастури” (2011–2012) мавзуидаги халқаро грант доирасида илмий ишланмалар, ўқув-методик тавсиялар ва кўрсатмалар ишлаб чиқиш ҳамда миллийлик тамойиллари асосида таълим узвийлиги ва узлуксизлигини таъминлашга оид ёндашувларни такомиллаштиришда фойдаланилган (Олий ва ўрта махсус таълим вазирлигининг 2019 йил 11 февралдаги 89-03-615-сон маълумотномаси). Ушбу тавсиялар «коллеж – олий таълим муассасаси» тизимида ўқитишнинг узвийлигини таъминлашга хизмат қилган;
ўқув мақсадларининг инновацион тоифаларини синтезлаш орқали ахборотлашган жамиятнинг илмий-техник тараққиёт тенденцияларига мослаштирилган педагогик таксономия мазмунини лойиҳалаштириш асосида Ўзбекистон Республикаси Олий ва ўрта махсус таълим вазирлигининг 2011 йил 17 августдаги 392-сонли қарори билан тасдиқланган «Pedagogik texnologiya» дарслиги ишлаб чиқилган ва ўқув жараёнига жорий этилган (Олий ва ўрта махсус таълим вазирлигининг 2011 йил 17 сентябрдаги 392-сон буйруғи, 392-86 рақамли гувоҳномаси). Ушбу дарслик педагогик технологиялардан фойдаланиш самарадорлигини ва таълим сифатини оширишга хизмат қилган;
таълим олувчиларнинг ўқув материалини ўзлаштириш даражасининг унификацияланган кўрсаткичлари ва ўқув мақсадларнини дифференциаллаш асосида узлуксиз профессионал таълимда турдош фанларнинг таянч тушунчалар тизимини интеграциялаш технологияси «Узлуксиз касб-ҳунар таълими тизимида материаллар мажмуасини ишлаб чиқиш технологияси»,  «Нефть-газ соҳасида ишлаб чиқаришнинг метрология таъминоти» ўқув-услубий таъминот  мазмунига сингдирилган (Олий ва ўрта махсус таълим вазирлигининг 2019 йил 11 февралдаги 89-03-615-сон маълумотномаси). Ушбу ўқув-методик таъминот ўқув материалини ўзлаштириш учун зарур бўлган ўқув вақтини оптималлаштириш ва таълим сифатини 23% га оширишга хизмат қилган;
фанларнинг мазмуний ва қиёсий кўрсаткичларини ўзаро қарама-қарши занжир реакцияси ва креативлик тамойиллари асосида мақбуллаштириш, ўқув материалларини ўзлаштириш даражасининг унификацияланган кўрсаткичларини ишлаб чиқишга оид илмий ишланмалардан Бухоро муҳандислик-технология институти, Навоий давлат кончилик институти, Жиззах политехника институти, Бухоро «нефть ва газ саноати» касб-ҳунар коллежи, Пешку «саноат, транспорт ва алоқа» касб-ҳунар коллежи, Навоий кончилик коллежида умумкасбий ва ихтисослик фанларининг меъёрий ҳамда услубий таъминотини ишлаб чиқишда фойдаланилган (Олий ва ўрта махсус таълим вазирлигининг 2019 йил 11 февралдаги 89-03-615-сон маълумотномаси). Ушбу ишланмалар узлуксиз профессионал таълим жараёнини илмий асосда ташкил этишнинг методик асосларини такомиллаштиришга хизмат қилган.