Тураева Бахора Исмоиловнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Истиқболли маҳаллий микромицет штаммларининг ўсимликлар ривожланишига таъсири ва антифунгал хусусияти», 03.00.04–Микробиология ва вирусология (биология фанлари).
Диссертация мавзуси рўйхатга олинган рақам: В2019.1.PhD/В11. 
Илмий раҳбар: Хамидова Хуршеда Муминовна, биология фанлари номзоди, катта илмий ходим. 
Диссертация бажарилган муассаса номи: Микробиология институти.
ИК фаолият кўрсатаётган муассаса (муассасалар) номи, ИК рақами: Микробиология институти, Ўзбекистон Миллий университети, DSc.27.06.2017.В.38.01. 
Расмий оппонентлар: Исмаилов Зафар Файзуллаевич, биология фанлари доктори; Махсумханов Ахмаджон Аъзамхонович, биология фанлари номзоди.
Етакчи ташкилот: Тошкент давлат аграр университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ГК ва ИСК ҳосил қилувчи фаол, маҳаллий микромицет штаммларини скрининг қилиш, уларнинг морфологик-культурал хусусиятларини, ўсимликларнинг ривожланишига таъсирини аниқлаш ва улар асосида комплекс таъсирга эга биопрепарат яратишдан иборат.
III. Тадқиқотнинг илмий янгилиги:
лаборатория коллекциясидан гипокотиль биотести асосида маккажўхори ва буғдойнинг ўсишини стимулловчи, юқори ўстирувчан фаолликка эга Trichoderma sp.55, Penicillium sp.54, Fusarium sp.12 маҳаллий микромицет штаммлари танлаб олинган ва идентификацияланган;
углерод манбаи (меласса) билан бойитилган Мандельс (рН-5,5) озуқа муҳитида T.harzianum-55 ва Чапек (рН-6,8) озуқа муҳитида P.canescens-54, F.moniliforme-12 замбуруғларини 28-30°С ҳароратда 10 кун давомида ўстирилганда микромицетларнинг юқори миқдорда ГК, ИСК ҳосил қилиши аниқланган;
T.harzianum-55 замбуруғининг касалланган ғўза ўсимлигидан ажратиб олинган Fusarium, Alternaria, Verticillium, Aspergillus, Scopulariopsis, Rhizoctonia туркумига мансуб фитопатоген замбуруғларига қарши юқори антифунгал фаоллиги асосланган;
илк бор Ўзбекистонда културал суюқлигида юқори миқдорда ГК ҳосил қилувчи F.moniliforme-12, юқори миқдорда ИСК ҳосил қилувчи P.сanescens-54, фитопатогенларга қарши антифунгал фаолликка эга, қишлоқ хўжалиги экинларининг ўсиш ва ривожланишини рағбатлантирувчи ҳамда ҳосилдорлигини оширувчи T.harzianum-55 замбуруғ штаммлари асосида янги комплекс таъсирга эга «Микроустиргич» препарати яратилган.
IV. Тадқиқот натижаларининг жорий қилиниши.
T.harzianum UzCF-55, P.сanescens UzCF-54, F.moniliforme UzGC-12 замбуруғ штаммларининг культурал суюқлигидан комплекс таъсирга эга биопрепарат олиш бўйича олинган илмий натижалар асосида:
целлюлоза ферментлари мажмуаси, оқсил, гибберил кислотаси, гетероауксин ва В гуруҳи витаминларини синтезловчи Trichoderma hdrzianum UzCF-55 замбуруғи штамми  учун Ўзбекистон Республикаси Интеллектуал мулк агентлиги томонидан ихтиро патенти (IAP 04900, 2014 й.) олинган. Натижада қишлоқ хўжалиги экинларининг ўсиши ва ривожланишини тезлаштирувчи, турли хил фитопатоген микроорганизмлардан ҳимояловчи препарат тайёрлаш имконини берган;
А4 ва А7 гиббереллинлар, фитогормонларни ҳосил қилувчи Fusarium moniiforme UzGC-12 штамми учун Ўзбекистон Республикаси Интеллектуал мулк агентлиги томонидан ихтиро патенти (IAP 05002, 2014 й.) олинган. Натижада юқори ўстирувчан фаоликка эга бўлган истиқболли маҳаллий микромицетлар асосида янги экологик тоза «Микроустиргич» биопрепаратини яратиш имконини берган;
«Микроустиргич» биопрепарати Бухоро вилояти Вобкент туманида «Камол Жамол Шерзод» фермер хўжалигида 44 гектар ғўза майдонларида жорий этилган (Ўзбекистон Республикаси Қишлоқ хўжалиги вазирлигининг 2018 йил 26 декабрдаги 02/021-356-сон маълумотномаси). Натижада пахта ҳосилдорлиги юқори бўлган ва эртароқ муддатда пишиб етилиш имконини берган.