Маматқулов Зухридин Урмоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Тиканли қовул (Capparis spinosa L.) ўсимлиги асосида биологик фаол қўшимча технологиясини ишлаб чиқиш», 15.00.01–Дори технологияси. 
Диссертация мавзуси рўйхатга олинган рақам: B2018.1.PhD/Far28.
Илмий раҳбар: Искандарова Шохиста Фехрузовна, фармацевтика фанлари доктори, доцент.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса (муассасалар) номи, ИК рақами: Тошкент фармацевтика институти, DSc.27.06.2017.Far.32.01.
Расмий оппонентлар: Тўхтаев Ҳаким Раҳманович, фармацевтика фанлари доктори, профессор; Каримова Севара Аббасовна, фармацевтика фанлари номзоди. 
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: маҳаллий тиканли қовул (Capparis spinosa L.) ўсимлиги барги ва гулидан қуруқ экстракт олиш ҳамда капсула шаклдаги БФҚ таркиби ва технологиясини ишлаб чиқишдан иборат.
III. Тадқиқотнинг илмий янгилиги:
илк бор маҳаллий доривор ўсимлик – тиканли қовул баргидан биологик фаол моддалар мажмуасини сақловчи гепатопротектор таъсирга эга қуруқ экстракт технологияси ишлаб чиқилган;
қуруқ экстрактнинг аминокислота ва элемент таркиби аниқланган;
илк бор тиканли қовул ўсимлиги қуруқ экстракти асосида капсула дори турининг илмий асосланган таркиби ва технологияси ишлаб чиқилган;
тиканли қовул ўсимлиги қуруқ экстракти, ундан олинган капсула дори турининг сифат меъёрлари ишлаб чиқилган.
IV. Тадқиқот натижаларининг жорий қилиниши.
Тиканли қовул (Capparis spinosa L.) қуруқ экстракти ва капсула технологиясини ишлаб чиқиш бўйича олинган илмий натижалар асосида:
олинган қуруқ экстрактга Техник шартлар «Узстандарт» агентлиги томонидан (Ts 25404342-008:2019) ва Технологик йўриқнома Ўзбекистон Республикаси Соғлиқни сақлаш вазирлигининг Давлат санитария-эпидемиология назорати маркази томонидан тасдиқланган (ТИ 25404342-008:2019). Натижада гепатопротектор хусусиятига эга биологик фаол қўшимчани ишлаб чиқариш имконини берган;
тиканли қовул ўсимлиги қуруқ экстрактига ишлаб чиқариш технологияси  бўйича  тажриба-саноат регламенти (ОПР – 04156-224538-2019) «MARJON GLOBAL» МЧЖ маҳаллий  фармацевтик  корхонаси билан ҳамкорликда ишлаб чиқилган ва тасдиқланган. Мазкур ҳужжатнинг тасдиқланиши натижасида гепатопротектор хусусиятга эга биологик фаол қўшимча учун меъёрий ҳужжатларни ўрнатилган тартибда ишлаб чиқилиши ва рўйхатга олиниши таъминланган;
тиканли қовул қуруқ экстракти учун специфик фармакологик фаоллиги исботланган (Соғлиқни сақлаш вазирлигининг 2018 йил 15 октябрдаги 8н-3/280-сон хати). Натижада гепатопротектор хусусиятли ишончли фаолликга эга ва безарар воситани ишлаб чиқариш имконини берган.