Хусаинова Райхона Ашрафовнанинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Цефалоспорин қатор антибиотикларининг сифатини назорат қилиш ва стандартлаш усулларини ишлаб чиқиш», 15.00.02–Фармацевтик кимё ва фармакогнозия (фармацевтика фанлари).
Диссертация мавзуси рўйхатга олинган рақам: В2017.3.DSc/Far11.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса (муассасалар) номи, ИК рақами: Тошкент фармацевтика институти, DSc.27.06.2017.Far.32.01. 
Расмий оппонентлар: Иброгимов Абдулла Якубович, фармацевтика фанлари доктори, профессор; Тухтаев Хаким Рахмонович, фармацевтика фанлари доктори, профессор; Бобоев Иссомиддин Давронович, кимё фанлари доктори.
Етакчи ташкилот: Ўзбекистон кимё-фармацевтика илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: цефалоспорин қатор антибиотик дори воситаларининг сифатини назорат қилиш ва стандартлаш учун илмий асосланган замонавий таҳлил усулларини ишлаб чиқишдан иборат.
III. Тадқиқотнинг илмий янгилиги:
илк бор турли корхоналарда ишлаб чиқариладиган цефалоспорин қатор дори препаратларининг ИҚ-спектрлари атласи тузилган ва ИҚ-спектрларнинг интерпретацияланиб, қаттиқ фазада цефалоспорин молекулаларининг цвиттерион кўринишида мавжуд бўлиши асосланган;
цефалоспоринларнинг УБ-спектрларига эритувчилар ва муҳитнинг рН таъсири, цефалоспорин дори моддалари ва дори препаратларини УБ спектрофотометрия ёрдамида чинлиги аниқланган ва миқдорий таҳлил усули ишлаб чиқилган ҳамда турли шароитларда олинган цефалоспоринларнинг УБ-спектрлари атласи тузилган; 
дори моддалари ва дори воситаларининг таҳлили учун ЮҚХ, ЮССХ ва ЮҚХ-МС  усуллари ишлаб чиқилган ҳамда цефалоспоринларни кўрсатилган усулларда таҳлилини олиб бориш учун қўзғалувчан фазалар таъсири аниқланиб, фойдаланиш имкони мавжудлиги исботланган;
илк бор цефалоспоринлар сифатини назорат қилиш учун унифицирланган услублари, жумладан чинлигини аниқлашда  ЮҚХ усули, ёт аралашмаларни аниқлаш ва миқдорий таҳлили учун  ЮССХ ва ЮССХ-МС усуллари ишлаб чиқилган;
ГСХ усули учун хроматографиялаш шароитлари ва намунани тайёрлаш талаблари асосланган ҳамда «Ацетон», «дихлорметан», «этанол», «метанол», «N,N-диметиланилин», «2-этилгексановая кислота» ва «триэтиламин» каби қолдиқ эритувчиларни аниқлаш усуллари ишлаб чиқилган;
ИК спектроскопия, хоматография усуллари ва сифат реакциялар ёрдамида қалбакилаштирилган дори воситаларини аниқлашнинг комплекс ёндашиш тамойиллари аниқланган. 
IV. Тадқиқот натижаларининг жорий қилиниши.
Цефалоспорин қатор дори воситаларини стандартлаш ва сифатини назорат қилиш усулларини ишлаб чиқиш бўйича олинган илмий натижалар асосида:
Ўзбекистон Республикаси Соғлиқни сақлаш вазирлиги «Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУК томонидан «Витаксон» 0,5 ёки 1,0 г (КФМ 42 Уз-16327128-0760-2014),  «Интралин» 0,5 ёки 1,0 г (КФМ 42 Уз-16327128-0761-2014),  «Цеффаст» 0,5 ёки 1,0 г инъекцион эритмасини тайёрлаш учун кукунларга (КФМ 42 Уз-16327128-0762-2014) тиббиётда қўллашга рухсат берилган. Натижада нисбатан безарар, арзон ва юқори самарали цефалоспоринларни ишлаб чиқариш имконини берган;
цефалоспорин қатор антибиотиклар таҳлилида ишлатиладиган аналитик усулларини валидацион кўрсаткичларга оид кўрсатмаларнинг мастер-режа ва протоколларни тузиш асосида «5510500-фармация» бакалавриат таълим йўналиши бўйича «Дори воситаларини ишлаб чиқариш валидацияси» ўқув қўлланмаси ишлаб чиқилган (Гувоҳнома, №26-108). Натижада бакалаврларнинг стандартлаш соҳасидаги билимларини бойитиш ва мустаҳкамлаш имконини берган;
цефаласпорин қатор антибиотиклар сифатини назорат қилиш ва стандартлаш асосида олиб борилган тадқиқотлар ва қўлланилган замонавий физик-кимёвий таҳлил усуллари Фармация тармоғини ривожлантириш агентлиги ДАКнинг Ўзбекистон Республикасининг Миллий фармакопеясининг II бўлимига киритилиши ҳақида қарор олинган (Фармация тармоғини ривожлантириш агентлиги ДАКнинг 2019 йил 2 декабрдаги 25-01/3142-сон хати). Натижада  цефалоспорин қатор дори воситаларининг таҳлилини олиб бориш имконини берган.