Баракаев Нусратилла Ражабовичнинг
докторлик диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Дон маҳсулотларини саралаш ва фракцияларга ажратиш технологик машиналарини яратиш», 02.00.16–Кимё технологияси ва озиқ-овқат ишлаб чиқариш жараёнлари ва аппаратлари (техника фанлари).
Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: /техника фанлари номзоди/.
Диссертация мавзуси рўйхатга олинган рақам: 30.09.2014/В2014.5.Т286.
Илмий маслаҳатчи: Бахадиров Ғайрат Атаханович, техника фанлари доктори.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассаса номи, ИК рақами: Тошкент кимё-технология институти, 16.07.2013.T.08.01 рақамли илмий кенгаш асосидаги бир марталик илмий кенгаш.
Расмий оппенентлар: Негматов Сойибжон Содиқович, техника фанлари доктори, профессор, Ўзбекистон Республикаси ФА академиги; Гулямов Шухрат Манапович, техника фанлари доктори, профессор; Артиков Асқар Артикович, техника фанлари доктори, профессор
Етакчи ташкилот номи: Бухоро мухандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади дон маҳсулотларини сепарациялаш ва массасига кўра фракцияларга ажратиш машинасини яратиш ва унинг технологик, кинематик ҳамда конструктив параметрларини асослашдан иборат.
III. Тадқиқотнинг илмий янгилиги:
маҳаллий дон навларининг физик-механик хусусиятлари ҳудудлар кесимида аниқланган;
дон маҳсулотларини сепарациялаш ва фракцияларга ажратиш жараён-лари параметрларининг ўзаро боғлиқлик хусусиятлари аниқланган;
фракцияларга ажратиш камерасидаги таьминловчи валик юзасида дон ҳаракатининг дон кўндаланг кесим юзасига ҳавонинг қаршилигини инобатга олган ҳолда ҳаракатланиш тенгламаси яратилган;
комбинацияланган сепараторнинг кинематик ва технологик параметрлари маҳаллий дон маҳсулотларининг физик-механик хусусиятларини инобатга олган ҳолда аниқланган;
дон маҳсулотларини бошқа аралашмалардан тозалаш ва массасига кўра фракцияларга ажратишда иш унумдорлиги 7,5 т/с, габарит ўлчамлари: - l=4500 мм, h=2000 мм, b=500 мм бўлган технологик машина-комбинацияланган сепаратор яратилган.
IV. Тадқиқот натижаларининг жорий қилиниши.
Дон маҳсулотларини сепарациялаш ва фракцияларга ажратиш комбинацион сепаратори «Ўздонмаҳсулот» акциянерлик компанияси донни қайта ишлаш корхоналарида ишлаб чиқаришга жорий қилинган («Ўздонмаҳсулот» АКнинг 2016 йил 22 мартдаги 11-2-8/4299-сон маълумотномаси). Илмий натижанинг жорий қилиниши ишлаб чиқаришнинг технологик линиясини ихчамлаштириш, энергия сарфини камайтириш, тегирмонларнинг ҳар бир фракция бўйича технологик иш режимини танлаш, маҳаллий буғдой навларидан сифатли ун ва ун маҳсулотларини олиш имконини беради.
