Рысюкова Юлия Васильевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтиссослик шифри (илмий даража бериладиган фан тармоғи): «Касб таълими» йўналиши талабаларида илмий-методик web-фаолиятни шакллантириш», 13.00.06–Электрон таълим назарияси ва методикаси (таълим соҳалари ва босқичлари бўйича) (педагогика фанлари).
Диссертация мавзуси рўйхатга олинган рақам: B2019.1.PhD/Ped864.
Илмий раҳбар: Закирова Феруза Махмудовна, педагогика фанлари доктори, профессор.
Диссертация бажарилган муассаса номи: Тошкент давлат педагогика университети.
ИК фаолият кўрсатаётган муассасалар номи, ИК рақами:  Тошкент вилояти Чирчиқ давлат педагогика институти, PhD.28.03.2019.Ped.82.01.
Расмий оппонентлар: Махмудов Абдухалим Хамидович, педагогика фанлари доктори, профессор; Бекназарова Саида Сафибуллаевна, техника фанлари доктори.
Етакчи ташкилот: Олий ва ўрта махсус таълим вазирлиги ҳузуридаги Бош илмий-методик марказ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: олий таълим муассасалари “Касб таълими” йўналиши талабаларида илмий-методик web-фаолиятни шакллантириш методикасини такомиллаштиришдан иборат.
III. Тадқиқотнинг илмий янгилиги:
ўқитувчининг педагогик фаолиятида илмий-методик web-фаолият белгиланиб, унинг мазмуни ва таркиби замонавий web-технологиялар муҳитида илмий тадқиқот ва методик фаолиятнинг маълумотларни    индивидуал тартибда жамлаш, булутли сақлаш, асинхрон алмашинув, ҳамкорликда таҳрирлаш ва мулоқот қилиш, ижтимоий қўллаш ва баҳолаш каби компонентларини белгилаш асосида аниқланган;
олий таълим муассасаларида on-line/off-line дарс машғулотларини ўтказиш методикаси ўқув жараёнига web-квест-машғулотларнинг web-квест-вазифалар билан жамоавий таништириш, унинг қисмларини индивидуал тарздаги ролли ижро, web-квест-маҳсулотни гуруҳ билан яратиш ҳамда уни ижтимоий нуқтаи назардан баҳолаш каби таркибий компонентларини белгилаш орқали такомиллаштирилган;
талабаларда илмий-методик web-фаолиятнинг шакллантирилганлиги даражасини баҳолаш мезонлари репродуктив-методик, продуктив-методик, тадқиқот-методик фаолиятни ўзлаштириш даражалари таксономиясини ҳисобга олган ҳолда белгиланган;
талабаларда илмий-методик web-фаолиятнинг шакллантириш учун «Касбий педагогик фаолиятга кириш» ва «Касбий педагогика» ўқув фанлари бўйича электрон ўқув-методик таъминоти педагогик характерга эга бўлган тадқиқий web-квестларни киритиш орқали такомиллаштирилган.
IV. Тадқиқот натижаларининг жорий қилиниши:
«Касб таълими» йўналиши талабаларида илмий-методик web-фаолиятни шакллантириш  бўйича олинган илмий натижалар асосида:
талабаларининг илмий-методик web-фаолиятини мазмуни, шакллантириш методикаси ва баҳолаш бўйича таклифлар, шаклланганликнинг таркиби, мазмуни ва баҳолаш мезонлари 5330400 – «Ахборот-коммуникация технологиялари соҳасида касбий таълим» йўналиши давлат таълим стандартини ишлаб чиқишда қўлланилган (Олий ва ўрта махсус таълим вазирлигининг 2019 йил 14 сентябрдаги 89-03-3484-сон маълумотномаси). Натижада таълим мазмуни такомиллаштирилган ҳамда «Ахборот-коммуникация технологиялари соҳасида касбий таълим» йўналиши  талабаларининг билим ва кўникма даражалари ошган;
олий таълим муассасаларда web-квест-машғулотларларни web-квест-вазифалар асосида ўтказиш бўйича таклифлар “Касбий педагогик фаолиятга кириш” номли ўқув қўлланмаси мазмунига синдирилган (Олий ва ўрта махсус таълим вазирлигининг 2019 йил 14 сентябрдаги 89-03-3484-сон маълумотномаси). Натижада олий таълим муассасалари амалиётида электрон ўқитиш технологиялари жорий қилинган, бу эса ёш авлоднинг ахборот компетентлигини ривожлантириш имкониятини берган;
педагогик характерга эга бўлган тадқиқий web-квестларни яратиш ва улардан фойдаланиш бўйича ишлаб чиқилган тавсиялар ЁА1-ОТ-0-16695  рақамли “Электрон ўқув-методик материалларни ривожлантириш орқали ўрта махсус ва касб-ҳунар таълими тизимида махсус фан ўқитувчиларининг касбий компетентлигини ривожлантириш” мавзусидаги лойиҳасида қўлланилган (Олий ва ўрта махсус таълим вазирлигининг 2019 йил 14 сентябрдаги 89-03-3484-сон маълумотномаси). Натижада таълим муассасаларда электрон ўқитиш кейс ва лойиҳа методлари ҳамда  квест воситалари такомиллаштирилган.