Нуриллоев Зафар Исматиллоевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ишлаб чиқариш иккиламчи маҳсулотлари асосида самарали коррозия ингибиторларини олиш», 02.00.14–Органик моддалар ва улар асосидаги материаллар технологияси (техника фанлари). 
Диссертация мавзуси рўйхатга олинган рақам: B2019.2.PhD/Т1056. 
Илмий раҳбар: Бекназаров Ҳасан Сойибназарович, техника фанлари доктори, катта илмий ходим. 
Диссертация бажарилган муассаса номи: Бухоро муҳандислик-технология  институти.
ИК фаолият кўрсатаётган муассаса (муассасалар) номи, ИК рақами: Термиз давлат университети, Тошкент кимё-технология илмий-тадқиқот институти, PhD.29.12.2018.Т.78.01. 
Расмий оппонентлар: Каримов Масъуд Убайдулла ўғли, техника фанлари доктори, катта илмий ходим; Қурбонов Мингниқул Жумағулович, кимё фанлари номзоди, доцент. 
Етакчи ташкилот: Урганч давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: кротон альдегиди, ди(тио)амидофосфатлар, тиомочевина, ацетальдегид асосида янги олигомер коррозия ингибиторлари олиш ҳамда улар асосидаги коррозия ингибиторларини олиш технологияларини ишлаб чиқишдан иборат.
III. Тадқиқотнинг илмий янгилиги:
кротон альдегиди, ди(тио)амидофосфатлар, тиомочевина ва ацетальдегид асосида синтез қилинган олигомер коррозия ингибиторларининг тузилиши, физик-кимёвий хоссалари аниқланган;
таркибида ҳар хил функционал фаол гуруҳлари бўлган янги олигомер коррозия ингибиторлари иштирокида пўлат коррозиясини ингибирлашнинг электрокимёвий механизми исботланган; 
металларни тузли, водород сульфидли ва кислотали коррозиядан ҳимоялаш учун ишлаб чиқилган олигомер коррозия ингибиторларининг ингибирлаш хоссалари аниқланган;
металлар коррозиясини ингибирловчи коррозия ингибиторлари ҳамда металларни коррозиядан ҳимояловчи олигомер таркибли коррозия ингибиторларини олиш технологиялари яратилган.
IV. Тадқиқот натижаларининг жорий қилиниши.
Кротон альдегидининг ди(тио)амидофосфатлар тиомочевина ва ацетальдегид асосида олигомер коррозия ингибиторларини синтез қилиш ва кўп функцияли ингибиторларни ишлаб чиқиш бўйича олинган илмий натижалар асосида: 
янги ингибирловчи системалар «Gissarneftgaz» ҚКда амалиётга жорий этилган («Gissarneftgaz» ҚКнинг 2019 йил 26 апрелдаги 875/04-GNG-сон маълумотномаси). Натижада кротон альдегиди, ди(тио)амидофосфатлар тиомочевина ва ацетальдегид асосида импорт ўрнини босувчи ингибиторларни олиш имконини берган; 
ишлаб чиқилган олигомер коррозия ингибиторлари «Навоийазот» АЖда ва «Ўзкимёсаноат» АЖ корхоналарида коррозияга қарши сув айланма системаларида жорий этилган («Ўзкимёсаноат» АЖнинг 2019 йил 26 августдаги 01/3-5141-сон маълумотномаси). Натижада импорт ўрнини босувчи коррозия ингибиторини олиш ва унинг асосида металларни ҳимоялашнинг самарали технологиясини ишлаб чиқиш имконини берган.