Қиёмов Шарифжон Нозимовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Маҳаллий хомашёлар асосида эпоксиуретан олиш ва қўллаш технологиясини ишлаб чиқиш», 02.00.14–Органик моддалар ва улар асосидаги материаллар технологияси (техника фанлари). 
Диссертация мавзуси рўйхатга олинган рақам: B2019.3.PhD/Т578. 
Илмий раҳбар: Джалилов Абдулахат Турапович, кимё фанлари доктори, профессор, академик.
Диссертация бажарилган муассаса номи: Тошкент кимё-технология илмий-тадқиқот институти.
ИК фаолият кўрсатаётган муассаса (муассасалар) номи, ИК рақами: Термиз давлат университети, Тошкент кимё-технология илмий-тадқиқот институти, PhD.29.12.2018.Т.78.01. 
Расмий оппонентлар: Файзуллаев Нормурод Ибодуллаевич, техника фанлари доктори, профессор; Камолов Луқмон Сирожиддинович, техника фанлари номзоди, доцент.
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: уретан гуруҳлар тутган янги олигомерларни ва улар асосида эпоксиуретан полимер материалларини олиш ва эпоксиуретанларни полимер компоундлар учун матрица сифатида қўллаш технологияларини ишлаб чиқишдан иборат.
III. Тадқиқотнинг илмий янгилиги:
изоцианатсиз усулда таркибида уретан гуруҳларини сақлаган олигомерлар синтезининг мақбул шароитлари ва ушбу олигоуретанларнинг физик ҳамда кимёвий хоссалари аниқланган; 
этиленгликоль ёки глицерин асосида олинган олигоуретанларнинг эпоксид смолалари билан кимёвий таъсирлашув механизмлари ва ҳосил бўладиган эпоксиуретан полимерларни қотириш усуллари аниқланган;
синтез қилинган олигоуретанлар ва эпоксид смолалари асосида олинган термореактив эпоксиуретан полимерлар кимёвий структура тузулишлари ва физик-кимёвий хоссаларининг олигоуретанлар миқдорларига боғлиқлиги исботланган;
эпоксиуретан реактопласт полимерлари асосида полимер композицион материаллар олинган ва уларнинг адгезион, антикоррозион, триботехник ҳамда деформацион-мустаҳкамлик хоссалари аниқланган;
маҳаллий хомашёлар асосида, изоцианатсиз усулда таркибида уретан гуруҳларини сақлаган олигомерлар синтез қилиш ва улар асосида эпоксиуретан полимер материаллар олиш технологиялари ишлаб чиқилган
IV. Тадқиқот натижаларининг жорий қилиниши.
Маҳаллий хомашё асосида эпоксиуретан полимерларини ишлаб чиқариш ва улардан фойдаланиш технологияларини яратиш бўйича олинган илмий натижалар асосида:
эпоксиуретан полимерлар асосидаги антикоррозион қопламалар «Jarkurgonneftqaytaishlash» Ўзбекистон-Россия қўшма корхонасида амалиётга жорий этилган («Jarkurgonneftqaytaishlash» ҚКнинг 2019 йил 16 сентябрдаги 12/500-сон маълумотномаси). Натижада корхона товар хомашё базасидаги нефть маҳсулотларига мўлжалланган сиғимларнинг ички юзаларини агрессив муҳитлар таъсиридан самарали ҳимоялаш имконини берган; 
олинган эпоксиуретан қопламалари «Petromaruz Oversaes LLP» Буюк-Британиянинг Ўзбекистондаги доимий ваколатли корхонасида амалиётга жорий этилган («Petromaruz Oversaes LLP»нинг 2019 йил 16 сентябрдаги UZB01-01/624-сон маълумотномаси). Натижада эпоксиуретан қопламалари қазиб олинган нефтни сақловчи сиғимларнинг ишлаш муддатини узайтириш имконини берган;
эпоксиуретан полимерлари нефть қудуқларининг қувурларини коррозиядан ҳимоялашда «Petromaruz Oversaes LLP» Буюк-Британиянинг Ўзбекистондаги доимий ваколатли корхонасида амалиётга жорий этилган («Petromaruz Oversaes LLP»нинг 2019 йил 16 сентябрдаги UZB01-01/624-сон маълумотномаси). Натижада четдан импорт қилинаётган антикоррозион қопламаларни ишлаб чиқарилган эпоксиуретан полимер қопламалари билан алмаштириш имконини берган.