Темиров Фаррух Умедовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Садриддин Айнийнинг Бухородаги жадидчилик ҳаракатида тутган ўрни ва ижтимоий фаолияти”, 07.00.01–Ўзбекистон тарихи (тарих фанлари). 
Диссертация мавзуси рўйхатга олинган рақам: В 2019.1.PhD/Tar127.
Илмий раҳбар: Ражабов Қаҳрамон  Кенжаевич тарих фанлари доктори, профессор;
Диссертация бажарилган муассаса номи: Бухоро давлат университети.
ИК фаолият кўрсатаётган муассаса номи, ИК рақами: Ўзбекистон миллий университети Қорақолпоқ ижтимоий фанлар илмий-тадқиқот институти, DSc.27.06.2017.Tar.01.04.
Расмий оппонентлар: Маҳкамова Нодира Раҳмановна, тарих фанлари доктори, профессор; Ҳасанов Бахтиёр Вахапович, тарих фанлари доктори, профессор
Етакчи ташкилот: Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: “Садриддин Айнийнинг Бухородаги жадидчилик ҳаракатида тутган ўрни ва ижтимоий фаолияти”нинг моҳияти ва мазмунини очиб беришдан иборат.
III. Тадқиқотнинг илмий янгилиги: 
Садриддин Айнийнинг дастлабки сиёсий фаолияти, хусусан, ислоҳотчилик ва жадидчилик ҳаракатлари Бухоро амирлигидаги мутаассиб руҳонийлар ва амирлик ҳукуматининг қаттиқ қаршилик кўрсатиши шароитида шаклланиб, Ёш бухороликлар партиясидаги иштироки орқали Бухорони демократик тамойиллар асосида бошқариш тарафдори бўлганлиги исботланган;
Бухорода дастлабки жадид мактабларининг очилиши ва фаолият кўрсатишида татар мактаблари ҳамда уларнинг ўқув дастурлари асос сифатида хизмат қилиб, мазкур жараёнда Садриддин Айнийнинг педагог ва новаторлик фаолияти тарихий маълумотлар асосида ёритиб  берилган;
Ёш бухороликлар асос солган “Тарбияи атфол” (“Болалар тарбияси”) ва “Бухоро таъмими маориф жамияти” (“Бухоро умумий маориф жамияти”) каби хайрия ташкилотлари томонидан Садриддин Айнийнинг жадид мактаблари учун ёзилган ўқув дастурлари, дарслик ва қўлланмалари (“Таҳсиб ус-сибён”, “Заруриёти диния”, “Тартиб ул-Қуръон”) нашр этилганлиги, шулар асосида ёшларнинг ақлий ривожланилишига ижобий таъсир кўрсатганлиги очиб берилган;
ўзбек давлатчилигида салмоқли из қолдирган манғит амирлари (ўн нафар), Муқанна, Жалолиддин Мангуберди, Темур Малик ва Амир Темур каби машҳур тарихий шахслар феноменига С.Айний томонидан дастлабки баҳо берилганлиги исботланган.
IV. Тадқиқот натижаларнинг жорий қилиниши:
Садриддин Айнийнинг Бухородаги жадидчилик ҳаракатида тутган ўрни ва ижтимоий фаолияти мавзуси бўйича ишлаб чиқилган илмий хулоса ва таклифлар асосида:
Тадқиқот натижаларининг жорий қилиниши. 
Садриддин Айнийнинг Бухородаги жадидчилик ҳаракатида тутган ўрни ва ижтимоий фаолияти мавзуси бўйича ишлаб чиқилган илмий хулоса ва таклифлар асосида:
Садриддин Айнийнинг жадидчилик, маърифатпарварлик ва ижтимоий фаолияти ҳамда XIX асрнинг иккинчи ярми ва XX асрнинг бошларидаги Бухоро амирлигининг ижтимоий, иқтисодий ва маданий аҳволи тарихига оид янги фактларга асосланган илмий натижалар Бухоро давлат бадиий-меъморчилик музей-қўриқхонасининг “Арк” музейи, “Бухоро адабиёт тарихи” музейи кўргазмаси ва “Ҳужжатлар” фондиларини бойитишда фойдаланилган (Ўзбекистон Республикаси Маданият Вазирлигининг 2019 йил 11 январдаги 01-12-10-152-сон маълумотномаси). Илмий натижаларнинг музей экспозицияларига жорий этилиши жадид мактаблари тизимидаги хусусиятлар, Ёш бухороликлар томонидан асос солинган ташкилотларнинг фаолияти, уларнинг Бухоро ижтимоий-иқтисодий ва маънавий ҳаётидаги иштирокини тарихий манбалар асосида очиб беришга хизмат қилган; 
Садриддин Айнийнинг ислоҳотчилик ва жадидчилик ҳаракатлари Бухоро амирлигидаги мутаассиб руҳонийлар ва амирлик ҳукуматининг қаттиқ қаршилик кўрсатиши шароитида шаклланиб, Ёш бухороликлар партиясидаги иштирокига оид хулосалардан Ўзбекистон Республикаси Олий Мажлиси ҳузуридаги нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди томонидан “Бухоро мероси” илмий тадқиқот марказида бажарилган 35-06-15 рақамли лойиҳада фойдаланилган (“Бухоро мероси” илмий-тадқиқот марказининг 2017 йил 18 сентябрдаги 51-сон маълумотномаси). Марказ томонидан Бухоро воҳаси тарихий меросини ўрганиш, ислоҳотчилик ва жадидчилик ҳаракатлардан ўрин олган миллий тарбия анъаналарини асраб авайлаш, ёшлар ўртасида марифатпарварлик ғояларини кенг ёйишга оид дастурларни ишлаб чиқиш  ва шаклланишига оид вазифаларни амалга ошириш имконини берган;
Садриддин Айнийнинг Бухородаги жадидчилик ҳаракатида тутган ўрни дастлабки жадид мактабларининг очилиши ва уларнинг фаолияти, мазкур жараёнда Садриддин Айнийнинг педагог ва новаторлик фаолияти, қарашлари ва илмий-адабий ишларига оид маълумотлардан Бухоро вилоят телевидениесининг “Менга сўз беринг”, “Паёми рўз”, “Муносабат”, “Ассалом Бухоро” каби телекўрсатувларни тайёрлашда фойдаланилган (Бухоро вилоят телерадиокомпаниясининг 2018 йил 5 декабрдаги 1/559-сон маълумотномаси). Тадқиқот натижалари илмий лойиҳани материаллар, манбалар ва маълумотлар билан тўлдириш, жададичилик фаолияти ҳақидаги маълумотларни илмий асосда ёритишга хизмат қилган.