Маллаева Эътиборхон Махрамовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар
Диссертация мавзуси, ихтисослик шифри (илмий даража бериладиган фан тармоғи номи): «Фуқаролар сиёсий маданиятини ривожлантиришнинг мафкуравий омиллари», 23.00.03–Сиёсий маданият ва мафкура (сиёсий фанлар).
Диссертация мавзуси рўйхатга олинган рақам: B2019.4.PhD/Ss127.
Илмий раҳбар: Мусаев Одил Рахматович, фалсафа фанлар доктори.
Диссертация бажарилган муассаса номи: Ўзбекистон Миллий  университети. 
ИК фаолият кўрсатаётган муассаса (муассасалар) номи, ИК рақами: Ўзбекистон Миллий университети, DSc.29.08.2017.S.01.08.
Расмий оппонентлар: Ғойибназаров Шухрат Ғойибназарович, сиёсий фанлар доктори; Назаров Насриддин Атакулович, сиёсий фанлар доктори.
Етакчи ташкилот: Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: жамиятда фуқаролар сиёсий маданиятини ривожлантиришнинг мафкуравий омилларини аниқлаш ҳамда бу жараёнда миллий ғоянинг ролини очиб беришдан иборат.
III. Тадқиқотнинг илмий янгилиги:
фуқаролар сиёсий маданияти ва мафкура ўртасидаги диалектик алоқадорлик ҳамда мафкура таркибидаги дихотомик (эзгулик ва ёвузлик, яхшилик ва ёмонлик, яратувчанлик ва вайронкорлик каби) характердаги  бир бирига қарама-қарши бўлган категорияларнинг фуқаролар сиёсий онгига таъсири илмий жиҳатдан очиб берилган;
демократик жамиятларда фуқароларнинг сиёсий маданият даражасини аниқловчи мезонлари ментал хусусиятларни (диний омиллар, миллий қадриятлар, урф-одатлар, анъаналар) инобатга олган ҳолда такомиллаштирилган;
фуқароларнинг сиёсий маданиятини ривожлантиришнинг объектив шарт-шароитлари сифатида фуқаро+давлат, фуқаро+таълим тизими, фуқаро+ННТ, фуқаро+сиёсий партия, фуқаро+миллий ғоя форматида ижтимоий ҳамкорликни йўлга қўйиш лозимлиги очиб берилган;
фуқаролар сиёсий маданиятини ривожлантириш ва жамият барқарорлигини таъминлаш жараёнида миллий мафкура концепциясини такомиллаштиришда миллий, ҳудудий, минтақавий, умуминсоний хусусиятларни ҳисобга олиш лозимлиги каби тавсиялар ишлаб чиқилган.
IV. Тадқиқот натижаларининг жорий қилиниши.
Фуқаролар сиёсий маданиятини ривожлантиришнинг мафкуравий омиллари бўйича олинган натижалар асосида:
фуқаролар сиёсий маданияти ва мафкура ўртасидаги диалектик алоқадорлик ҳамда мафкура таркибидаги дихотомик (эзгулик ва ёвузлик, яхшилик ва ёмонлик, яратувчанлик ва вайронкорлик каби) характердаги  бир бирига қарама-қарши бўлган категорияларнинг фуқаролар сиёсий онгига таъсири илмий жиҳатдан очиб берилганлигига доир хулосалардан Ўзбекистон «Миллий тикланиш» демократик партиясининг 2019 йилга мўлжалланган иш режасининг V. Хавфсизлик, миллатлараро тотувлик ва диний бағрикенгликни таъминлаш ҳамда ташқи сиёсат соҳасидаги устувор йўналишлар бўлимининг 27. “Фуқаролар сиёсий маданиятини ривожлантириш ҳамда миллатлараро муносабатларни янада жадаллаштириш мақсадида юртимизда фаолият юритаётган миллий маданият марказлари билан ҳамкорликни кенгайтириш”  ҳамда 28. “Миллий ахборот маконини ҳимоя қилиш бўйича Интернет тармоғида миллий контентни ривожлантириш”бандлари ижросида фойдаланилган (Ўзбекистон “Миллий тикланиш” демократик партиясининг 2019 йил 5 октябрдаги 01-616-сон маълумотномаси). Мазкур таклиф ва тавсиялар Ўзбекистон «Миллий тикланиш» демократик партияси ўзининг мафкурасини ишлаб чиқиш ва тарғибот  ишларини ривожлантиришга катта ҳисса қўшган;
демократик жамиятларда фуқароларнинг сиёсий маданият даражасини аниқловчи мезонлари ментал хусусиятларни (миллий қадриятлар, урф одатлар, анъаналар) инобатга олишга ҳамда сиёсий маданиятни ривожланишига таъсир этувчи тарихий мафкуравий омилларни қиёсий ўрганиш орқали миллий мафкура концепциясини такомиллаштиришда тарихий, миллий, диний омилларга таяниш лозимлигига оид таклиф ва тавсиялардан Фуқаролик жамияти шаклланишини мониторинг қилиш мустақил институтининг 2019 йилда ёшлар сиёсий маданиятни ривожланишига таъсир этувчи қўшимча чора-тадбирлар дастурининг 1-бўлим 12-бандини амалга оширишда фойдаланилган (Фуқаролик жамияти шаклланишини мониторинг қилиш мустақил институтининг 2019 йил 17 майдаги 01/711-сон маълумотномаси). Ушбу хулоса ва таклифлар институтнинг жамиятимиз ижтимоий-сиёсий ислоҳотлар жараёнида ННТ ва сиёсий партиялар ролини мустаҳкамлашга доир методик қўлланма ва «йўл харита»ларини ишлаб чиқишда илмий манба бўлиб хизмат қилган.
фуқароларнинг сиёсий маданиятини ривожлантиришнинг объектив шарт-шароитлари сифатида фуқаро+давлат, фуқаро+таълим тизими, фуқаро+ННТ, фуқаро+сиёсий партия, фуқаро+миллий ғоя форматида ижтимоий ҳамкорликни йўлга қўйиш лозимлигига оид таклиф ва тавсиялардан Ўзбекистон «Миллий тикланиш» демократик партиясининг 2019 йилга мўлжалланган иш режасининг IV. “Ижтимоий соҳани ривожлантириш бўйича устувор йўналишлар” бўлимининг 17.“ Ўзбекистон Миллий телерадиокомпанияси таркибида «Ўзбекистон тарихи» каналини ташкил этиб, илмий жамоатчилик, ижодкор зиёлиларимиз билан биргаликда унинг дастурларини миллий мафкура ғоялари билан тўйинтириш” ҳамда 21.“ Буюк аллома ва адибларимиз, азиз авлиёларимиз, енгилмас саркарда ва арбобларимизнинг бебаҳо мероси, миллий қаҳрамонларимиз жасоратини ёшлар онгига болаликдан бошлаб сингдириш, уларда миллий ғурур ва ифтихор туйғуларини шакллантириш ва сиёсий маданиятини ривожлантиришга алоҳида эътибор қаратиш” каби бандларини тайёрлашда фойдаланилган (Ўзбекистон “Миллий тикланиш” демократик партиясининг 2019 йил 5 октябрдаги 01-616-сон маълумотномаси). Мазкур таклиф ва тавсияларнинг Ўзбекистон «Миллий тикланиш» демократик партияси иш режасига киритилиши ҳамда амалиётга жорий этилиши фуқароларнинг сиёсий маданиятини ривожлантириш ва жамият  барқарорлигини таъминлашнинг мафкуравий омилларига партия эътиборини янада кучайтиришга катта ҳисса қўшган; 
фуқаролар сиёсий маданиятини ривожлантириш ва жамият барқарорлигини таъминлаш жараёнида миллий мафкура концепциясини такомиллаштиришда миллий, ҳудудий, минтақавий, умуминсоний хусусиятларни ҳисобга олиш лозимлиги юзасидан билдирилган таклиф ва тавсиялардан Республика Маънавият ва маърифат марказининг жамият ҳаётини демократлаштириш жараёнида мафкура ва маънавий-ахлоқий қадриятлар ривожини тадқиқ қилиш соҳасидаги фаолиятида фойдаланилган (Республика маънавият ва маърифат марказнинг 2019 йил 11февралдаги 1654-сон маълумотномаси). Натижада Республика Маънавият ва маърифат марказининг “Ўзбекистон Республикасида 2019 йилда маънавий-маърифий ишлар самарадорлигини ошириш ва соҳани ривожлантиришни янги босқичга кўтаришга доир қўшимча чора-тадбирлар” Дастурининг VI боби “Жамиятимизнинг барқарор ривожланишига тўсқинлик қилаётган ички таҳдидлар – эл-юрт тақдирига лоқайдлик, коррупция, маҳаллийчилик, уруғ-аймоқчилик, оилавий қадриятлар ва ёшлар тарбиясига эътиборсизлик каби ҳолатларга барҳам беришга қаратилган тадбирлар” қисмида белгиланган вазифаларни самарали амалга оширишга хизмат қилган.