Асадов Шавкат Ғайбуллоевичнинг
юридик фанлар доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистон Республикаси давлат суверенитетини таъминлашнинг ташкилий-ҳуқуқий асосларини такомиллаштириш», 12.00.02–«Конституциявий ҳуқуқ. Маъмурий ҳуқуқ. Молия ва божхона ҳуқуқи» (юридик фанлар).
Диссертация мавзуси рўйхатга олинган рақам: В2018.1.DSc/Yu73.
Илмий раҳбар: Ҳусанов Озод Тиллабоевич, юридик фанлар доктори, профессор.
Диссертация бажарилган муассаса номи: Ўзбекистон Республикаси Президенти ҳузуридаги Давлат бошқаруви академияси.
ИК фаолият кўрсатаётган муассаса (муассасалар) номи, ИК рақами: Ўзбекистон Республикаси Президенти ҳузуридаги Давлат бошқаруви академияси, DSc.27.06.2017.Yu.23.01.
Расмий оппонентлар: Рузметов Хайрулла Ибодуллаевич, юридик фанлар доктори, Бобоқулов Иномжон  Ибрагимович, юридик фанлар доктори, профессор; Қутыбаева Елизавета Дуйсенбаевна юридик фанлар доктори, профессор. 
Етакчи ташкилот: Ўзбекистон Республикаси Миллий гвардияси Ҳарбий-техник институти.
Диссертация йўналиши: амалий ва назарий аҳамиятга молик.
II. Тадқиқотнинг мақсади: Ўзбекистон Республикасида давлат суверенитетини таъминлашнинг ташкилий-ҳуқуқий асосларини таҳлил қилиш ва такомиллаштириш бўйича таклиф ва тавсияларни ишлаб чиқишдан иборат.
III. Тадқиқотнинг илмий янгилиги:
Ўзбекистон Республикаси Миллий гвардиясининг терроризмга қарши курашиш, ҳуқуқ тартибот, шунингдек жамоат тартиби ва хавфсизлигини таъминлаш ҳамда террорчилик ҳаракатларининг оқибатларини бартараф этиш бўйича иштирокига оид ваколатларини кучайтириш Ўзбекистон Республикасининг “Терроризмга қарши кураш тўғрисида”ги Қонуни билан асослантирилган;
давлат суверенитетини таъминлаш шарти сифатида Ўзбекистон Республикасига ҳужум ёки тажовузлардан мудофаа қилиш билан боғлиқ ҳарбий ва фавқулодда ҳолат, ҳудудий мудофаа, фуқаро муҳофазаси ҳамда мудофаанинг ҳарбий-иқтисодий таъминотини ривожлантириш борасида Ўзбекистон Республикасининг “Мудофаа тўғрисида”ги Қонунини такомиллаштириш лозимлиги асослаб берилган; 
марказий ва маҳаллий органлар ўртасида мувозанатни ўрнатувчи ҳуқуқий механизмларни мустаҳкамлаш орқали давлат суверенитетини таъминлашда туман ва шаҳар ҳокимининг ҳисоботини эшитишга тегишли сайлов округларидан сайланган Ўзбекистон Республикаси Олий Мажлиси Сенати аъзолари, Қонунчилик палатаси депутатлари ва халқ депутатлари вилоят ва Тошкент шаҳар Кенгашлари депутатлари, Ўзбекистон Республикаси Вазирлар Маҳкамасининг, давлат бошқаруви органларининг вакиллари, вилоят, Тошкент шаҳар ҳокими ёки унинг ўринбосарлари, туман ва шаҳар ижроия ҳокимияти органлари таркибий бўлинмаларининг раҳбарларини иштирок этиши зарурати Ўзбекистон Республикасининг “Маҳаллий давлат ҳокимияти тўғрисида”ги Қонунини такомиллаштириш билан асослантирилган; 
Туркий тилли давлатлар ҳамкорлик Кенгаши (халқаро ҳукуматлараро ташкилот)ни тузиш тўғрисидаги Нахичеван Битимига (2009 йил 3 октябрь) қўшилиш орқали Ўзбекистонга туркий тилли мамлакатлар билан ҳамкорликни ривожлантириш, хавфсизликни таъминлаш ва қўшничиликни мустаҳкамлаш лозимлиги асослантирилган.  
IV. Тадқиқот натижаларининг жорий қилиниши.
Ўзбекистон Республикаси давлат суверенитетини таъминлашнинг ташкилий-ҳуқуқий асосларини такомиллаштириш бўйича олинган илмий натижалар асосида: 
Ўзбекистон Республикасининг “Терроризмга қарши кураш тўғрисида”ги Қонунига Ўзбекистон Республикаси Миллий гвардиясининг терроризмга қарши кураш соҳасидаги ваколатлари бўйича алоҳида 91-модда “терроризмга қарши курашишда, ҳуқуқ тартиботни, шунингдек жамоат тартиби ва хавфсизлигини таъминлашда иштирок этади; террорчилик ҳаракатларининг оқибатларини бартараф этишда иштирок этади” қўшимча сифатида киритилиб жорий қилинган (Ўзбекистон Республикаси Олий Мажлиси Қонунчилик палатасининг 2019 йил 26 сентябрдаги 06/2-06-сон маълумотномаси). Ушбу таклифлар асосида Ўзбекистон Республикаси Миллий гвардиясига ҳуқуқ тартибот, жамоат тартиби ва хавфсизлигини таъминлаш, террористик ҳаракатларни олдини олиш бўйича вазифаларни юкланиши Ўзбекистон Республикаси давлат суверенитетининг ҳимоясини кучайтиришга хизмат қилган; 
Ўзбекистон Республикасининг “Мудофаа тўғрисида”ги Қонунига Мудофаа соҳасидаги давлат сиёсатининг асосий принциплари (5-модда), Қуролли Кучларнинг асосий вазифалари (8-модда), Мамлакат мудофаасига ва Қуролли Кучларига раҳбарлик қилиш (9-модда), шунингдек, Ўзбекистон Республикасига ҳужум ёки тажовузлардан мудофаа қилиш билан боғлиқ Ҳарбий ва фавқулодда ҳолат, ҳудудий мудофаа, фуқаро муҳофазасига оид 4-боби ҳамда мудофаанинг ҳарбий-иқтисодий таъминоти (29-модда) бўйича таклифлари жорий қилинган (Ўзбекистон Республикаси Олий Мажлиси Қонунчилик палатасининг 2019 йил 26 сентябрдаги 06/2-06-сон маълумотномаси). Мазкур таклифлар давлат суверенитетини таъминлаш шарти сифатида Ўзбекистон Республикасига ҳужум ёки тажовузлардан мудофаа қилиш билан боғлиқ ҳарбий ва фавқулодда ҳолат, ҳудудий мудофаа, фуқаро муҳофазаси ҳамда мудофаанинг ҳарбий-иқтисодий таъминотини кучайтиришга хизмат қилган. 
Туман ва шаҳар ҳокимининг ҳисоботини эшитишга тегишли сайлов округларидан сайланган Ўзбекистон Республикаси Олий Мажлиси Сенати аъзолари, Қонунчилик палатаси депутатлари ва халқ депутатлари вилоят ва Тошкент шаҳар Кенгашлари депутатлари, Ўзбекистон Республикаси Вазирлар Маҳкамасининг, давлат бошқаруви органларининг вакиллари, вилоят, Тошкент шаҳар ҳокими ёки унинг ўринбосарлари, туман ва шаҳар ижроия ҳокимияти органлари таркибий бўлинмалари раҳбарларининг иштирок этиши тўғрисидаги таклифлар Ўзбекистон Республикасининг “Маҳаллий давлат ҳокимияти тўғрисида”ги Қонунининг 24 ва 251-моддаларига жорий қилинган (Ўзбекистон Республикаси Олий Мажлиси Қонунчилик палатасининг 2019 йил 18 сентябрдаги 06/1-51-сон маълумотномаси). Мазкур таклифлар марказий ва маҳаллий органлар ўртасида мувозанатни ўрнатувчи ҳуқуқий механизмларни белгилаш натижасида давлат суверенитетини мустаҳкамлашга хизмат қилган; 
халқаро ҳукуматлараро Туркий тилли давлатлар ҳамкорлик Кенгаши фаолиятини ва туркий тилли мамлакатлар ҳамкорлигини ривожлантириш, улар ўртасида биродарлик, дўстлик ва қўшничиликни мустаҳкамлаш, тинчликни сақлаш, хавфсизлик ва ўзаро ишончни мустаҳкамлашга қаратилгани ҳамда унинг фаолияти Ўзбекистон Республикаси манфаатларига тўлиқ мос тушишига оид таклифларни инобатга олган ҳолда Ўзбекистон Республикасининг “Туркий тилли давлатлар ҳамкорлик Кенгашини тузиш тўғрисидаги Нахичеван Битими (Нахичеван, 2009 йил 3 октябрь) ратификация қилиниши билан жорий қилинган (Ўзбекистон Республикаси Олий Мажлиси Қонунчилик палатасининг 2019 йил 19 ноябрдаги 10/1-782-сон маълумотномаси). Мазкур таклиф Ўзбекистонинг Туркий тилли давлатлар: Туркия, Туркманистон, Озарбайжон, Қирғизистон, Қозоғистон каби қардош республикалар билан ижтимоий-иқтисодий ва сиёсий соҳада ҳамкорликни янада мустаҳкамлаш учун замин яратган ҳамда Ўзбекистон суверенитетини таъминлашга ҳисса қўшган.