Мамажонов Акрамжон Тургуновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи):  «Фермер хўжаликларида ишлаб чиқариш харажатлари ва маҳсулот таннархи таҳлилини такомиллаштириш», 08.00.08–Бухгалтерия ҳисоби, иқтисодий таҳлил ва аудит (иқтисодиёт фанлари).
Диссертация мавзуси рўйхатга олинган рақам: В2018.1.PhD/Iqt523.
Илмий раҳбар: Ибрагимов Абдугапур Каримович, иқтисодиёт фанлари доктори, профессор.
Диссертация бажарилган муассаса номи: Ўзбекистон Республикаси Банк-молия академияси.
ИК фаолият кўрсатаётган муассаса номи, ИК рақами: Тошкент молия институти, DSc.27.06.2017.I.17.01.
Расмий оппонентлар: Каримов Неъматулла Фатхуллаевич, иқтисодиёт фанлари доктор,  профессор; Хакимов Бунёджон Жураевич, иқтисодиёт фанлари номзоди, доцент.
Етакчи ташкилот: Самарқанд иқтисодиёт ва сервис институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: фермер хўжаликларида ишлаб чиқариш харажатлари ва маҳсулот таннархи таҳлилини такомиллаштириш бўйича илмий-назарий ва амалий йўналишдаги таклиф ҳамда тавсияларни ишлаб чиқишдан иборат. 
III. Тадқиқотнинг илмий янгилиги:
фермер хўжаликларида ишлаб чиқариш харажатлари таҳлилини амалга оширишнинг соддалаштирилган шакли таклиф этилган;
фермер хўжаликларида маҳсулот ишлаб чиқариш харажатларини таҳлил қилишда жами харажатлар таркибида ишлаб чиқариш таннархига киритиладиган билвосита харажат турларини фаолиятга нисбатан давр харажатлари таркибига киритилиши таклиф этилган; 
фермер хўжаликларида халқаро ҳисоб тизими (“Директ-костинг”)ни қўллаш асосида харажатларни тезкор бошқариш усули таклиф этилган; 
фермер хўжаликларида молиявий коэффициентларни ҳисоблаш ва уларни таҳлили методикаси такомиллаштирилган;
фермер хўжаликларида статистик усулларни киритиш асосида бошқарув қарорларини қабул қилиш учун молиявий ҳисоботларни ахборот имкониятлари такомиллаштирилган.
IV. Тадқиқот натижаларининг жорий қилиниши. 
Фермер хўжаликларида ишлаб чиқариш харажатлари ва маҳсулот таннархи тaҳлили мeтoдикaсини тaкoмиллaштириш бўйичa олинган натижалaр aсoсидa:
фермер хўжаликларида ишлаб чиқариш харажатлари таҳлилини амалга оширишда соддалаштирилган вариантлардан фойдаланиш таклифи Ўзбекистон Республикаси Қишлоқ хўжалиги вазирлиги Қишлоқ хўжалиги ва озиқ-овқат таъминоти ишлаб чиқариш маркази томонидан амалиётг жорий этилган. (Ўзбекистон Республикаси Қишлоқ хўжалиги вазирлиги Қишлоқ хўжалиги ва озиқ-овқат таъминоти ишлаб чиқариш марказининг  2019 йил 16 октябрдаги  05/03-04-1028-сон маълумотномаси). Мазкур таклифни жорий қилиш натижасида фермер хўжаликларида махсулот ишлаб чиқариш харажатлари ва таннарх таҳлилини амалга оширишда сарфланган вақт 10 фоизга тежалган; 
фермер хўжаликларида махсулот ишлаб чиқариш харажатларини таҳлил қилиш, харажатлар таркибида ишлаб чиқариш таннархига киритиладиган айрим харажат турларини фаолиятга нисбатан давр харажатлари таркибига киритилиши таклифи Ўзбекистон Республикаси Қишлоқ хўжалиги вазирлиги Қишлоқ хўжалиги ва озиқ-овқат таъминоти ишлаб чиқариш маркази томонидан амалиётда фойдаланилган (Ўзбекистон Республикаси Қишлоқ хўжалиги вазирлиги Ққишлоқ хўжалиги ва озиқ овқат таъминоти ишлаб чиқариш марказининг 2019 йил 16 октябрдаги 05/03-04-1028-сон маълумотномаси). Натижада маҳсулот ишлаб чиқариш таннархини 3,4 фоизга тежаш имкони яратилган; 
фермер хўжаликларида молиявий таҳлилини ўтказиш ва унинг натижалари бўйича бошқарув қарорларини қабул қилишда статистик усуллардан фойдаланиб таҳлилий амаллар учун аудиторлик далилларни тўплаш ва унинг натижасида ахборот риски даражасини пасайтиришга ва шу асосда унинг молиявий ҳисоботи таҳлилини ташкил этишни такомиллаштиришга оид таклифи Ўзбекистон аудиторлар палатаси томонидан амалиётга жорий этилган (Ўзбекистон аудиторлар Палатасининг 2019 йил 14 июндаги  6-сонли маълумотномаси). Мазкур таклифни жорий қилиш  натижасида фермер хўжаликларида ишлаб чиқариш харажатлари ва маҳсулот таннархи таҳлилини ўтказиш методикаси такомиллаштирилган;
молиявий ҳисоботнинг халқаро стандартлари(МҲХС)га мувофиқ молиявий коэффициентларни ҳисоблаш тартибини аниқлаш бўйича таклифи Ўзбекистон аудиторлар палатаси томонидан амалиётда услубий тавсияларни ишлаб чиқишда фойдаланилган (Ўзбекистон аудиторлар палатасининг 2019 йил 14 июндаги  6-сон маълумотномаси). Натижада фермер хўжаликларида молиявий ҳисоботларни ахборот имкониятларини кенгайтиришга эришилган.