Каримова Гулбахор Абдусаттаровнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Миллий иқтисодиётга хорижий инвестицияларни жалб қилишнинг молиявий механизмларини такомиллаштириш», 08.00.07–Молия, пул муомаласи ва кредит (иқтисодиёт фанлари).
Диссертация мавзуси рўйхатга олинган рақам: В2018.1.PhD/Iqt485.
Илмий раҳбар: Хайдаров Низомиддин Хамраевич, иқтисодиёт фанлари доктори, профессор.
Диссертация бажарилган муассаса номи: Тошкент молия институти.
ИК фаолият кўрсатаётган муассаса номи, ИК рақами: Тошкент молия институти, DSc.27.06.2017.I.17.01.
Расмий оппонентлар: Олимжонов Одил  Олимович, иқтисодиёт фанлари доктори, профессор; Мустафакулов Шерзод Игамбердиевич, иқтисодиёт фанлари доктори, доцент.
Етакчи ташкилот: Ўзбекистон Республикаси Президенти ҳузуридаги давлат бошқаруви академияси.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Мамлакат иқтисодиётига хорижий инвестицияларни жалб қилишнинг молиявий механизмларини такомиллаштиришга қаратилган илмий таклиф ва амалий тавсиялар ишлаб чиқишдан иборат.
III. Тадқиқотнинг илмий янгилиги:
маҳаллий акциядорлик жамиятлари томонидан еврооблигацияларни эмиссия қилиш ва жаҳон бозорида жойлаштириш амалиётини жорий этиш таклиф этилган;
хорижий инвестицияларни жалб қилишда, халқаро бизнес ва молиявий марказларда потенциал инвесторлар учун мўлжалланган тақдимотлар асосида Road show дастурларини ишлаб чиқиш ва тақдим этиш таклиф этилган;
инвестиция лойиҳаларини амалга киритиш муддатларини янада қисқартиришда, хорижий инвесторларга истиқболли инвестиция таклифлари рўйхатини тақдим этиш таклиф этилган;
хорижий инвестицияларни ҳудудлараро диспропорцияси муаммосини ечиш мақсадида айнан ҳудудларга жалб қилинган тўғридан-тўғри хорижий инвестицияларга солиқ имтиёзларини қўллаш амалиёти такомиллаштирилган.
IV. Тадқиқот натижаларининг жорий қилиниши. 
Миллий иқтисодиётга хорижий инвестицияларни жалб қилишнинг молиявий механизмларини такомиллаштириш борасида ишлаб чиқилган таклифлар асосида:
йирик акциядорлик жамиятлари томонидан еврооблигацияларни эмиссия қилиниши ва жаҳон бозорида жойлаш тўғрисидаги таклифи Ўзбекистон Республикаси Президентининг 2019 йил 17 январдаги ПҚ-4124-сонли қарорида ўз аксини топган (Ўзбекистон Республикаси Молия вазирлигининг 2019 йил 2 августдаги 06/04-02-01-32/3605-сон маълумотномаси). Ушбу таклифни жорий қилиниши натижасида йирик корхоналарда халқаро стандартлар асосида молиявий ҳисоботлар тузиш жорий қилинди ва 2019 йил якунига кўра мазкур корхоналар томонидан еврооблигациялар эмиссия қилиниши кўзда тутилган;
хорижий инвестицияларни жалб қилиш мақсадида, халқаро молиявий марказлар билан бевосита ҳамкорлик қилиш тўғрисидаги таклифи Ўзбекистон Республикаси Президентининг 2019 йил 29 апрелдаги ПҚ-4300-сонли қарорида ўз аксини топган (Ўзбекистон Республикаси Молия вазирлигининг 2019 йил 2 августдаги 06/04-02-01-32/3605-сон маълумотномаси). Ушбу таклифнинг жорий этилиши мунтазам равишда йирик халқаро бизнес ва молиявий хабларга мақсадли аудитория учун мўлжалланган тақдимотлар билан ташриф буюрган ҳолда "Road Show"дастурларини ишлаб чиқиш ва тақдим этиб бориш имконияти яратилган;
инвестиция лойиҳаларининг амалга киритиш муддатларини қисқартириш мақсадида, хорижий инвесторларга тайёр инвестиция лойиҳалар пакетини тақдим этиш тўғрисидаги таклифи Ўзбекистон Республикаси Президентининг 2019 йил 29 апрелдаги ПҚ-4300-сонли қарорида ўз аксини топган (Ўзбекистон Республикаси Молия вазирлигининг 2019 йил 2 августдаги 06/04-02-01-32/3605-сон маълумотномаси). Мазкур таклифни жорий этиш натижасида  хорижий инвесторларга сотилиши мумкин бўлган 20 та лойиҳа рўйхати тасдиқланган ва натижада Ўзбекистонга қарийб 4,4 млрд. долларлик инвестиция киритилиши имконияти яратилган;
ҳудудларга тўғридан-тўғри хорижий инвестицияларни жалб қилишда солиқ имтиёзларидан фойдаланиш тўғрисидаги таклифи Ўзбекистон Республикаси Молия вазирлиги,  Ўзбекистон Республикаси Давлат солиқ қўмитаси, Ўзбекистон Республикаси иқтисодиёт вазирлигининг қарори билан тасдиқланган «Тўғридан-тўғри хусусий хорижий инвестицияларни жалб қилувчи корхоналар учун солиқ имтиёзларини қўллаш тартиби тўғрисидаги низом» (Адлия вазирлигидан 2016 йил 26 августда 2822-сон билан рўйхатга олинган)да ўз аксини топган (Ўзбекистон Республикаси Молия вазирлигининг 2019 йил 2 августдаги 06/04-02-01-32/3605-сон маълумотномаси). Мазкур таклифни жорий этиш натижасида 2018 йил якунларига кўра 61 та субъект 75 млрд. сўмлик имтиёздан фойдаланишга эришган.