Каримов Омилжон Махмудовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Сурункали гайморитларнинг қайталанишини клиник-функционал баҳолаш ва уларни даволашни оптималлаштириш», 14.00.04–Оториноларингология (тиббиёт фанлари).
Диссертация мавзуси рўйхатга олинган рақам: B2018.2.PhD/Tib619.
Илмий раҳбар: Шамсиев Джахонгир Фаздитдинович, тиббиёт фанлари доктори, доцент.
Диссертация бажарилган муассаса номи: Тошкент давлат стоматология институти.
ИК фаолият кўрсатаётган муассаса номи, ИК рақами: Тошкент давлат стоматология институти, DSc.28.12.2017.Tib.59.01.
Расмий оппонентлар: Кудайбергенова Сауле Фазыловна, тиббиёт фанлари доктори, профессор; Бакиева Шахло Хамидуллаевна, тиббиёт фанлари доктори, доцент.
Етакчи ташкилот: А.Алиев номидаги Озарбайжон давлат врачлар малакасини ошириш институти (Озарбайжон).
Диссертация йўналиши: амалий аҳамиятга молик.
II. Тадқиқотнинг мақсади: сурункали гайморитнинг қайталаниш сабабларини аниқлаш ва кечишини клиник-функционал баҳолаш ҳамда касаллик қайталанишининг олдини олиш учун  даволаш алгоритмини ишлаб чиқишдан иборат.
III. Тадқиқотнинг илмий янгилиги:
сурункали гайморитларни қайталанишига бурун тўсиғи қийшиқлиги, пастки бурун чиғаноқлари гипертрофияси, concha bullosa ва шартли-патоген микрофлоранинг мавжудлиги, норационал даволаш сабаб бўлиши аниқланган;
сурункали гайморитлар бўлган беморларнинг бурун шиллиқ қавати транспорт ва сўриш функциясининг пасайиши, ажратиш функциясининг ошиши сурункали жараённинг давомли кечишига олиб келиши аниқланган;
фаол риноманометрия текшируви ёрдамида бурун бўшлиғида бурун тўсиғи қийшиқлиги, пастки бурун чиғаноқлари гипертрофияси, concha bullosa натижасида аэрациянинг бузилиши ва бурун ичи жарроҳлик амаллари орқали аэрациянинг яхшиланиши исботланган;
бурун шиллиқ қаватида эозинофил ва нейтрофилларнинг кескин ошиши, ҳужайра элементларининг деструкцияси натижасида касалликнинг қайталаниши исботланган;
сурункали гайморит бўлган беморлардп касалликнинг ўзига хос кечиши бўйича клиник текширувнинг ҳажми ва жарроҳлик амалиётидан сўнгги даврда шиллиқ қаватнинг хусусиятлари асосида беморларни парваришлаш усули ишлаб чиқилган.
IV. Тадқиқот натижаларининг жорий қилиниши.
Сурункали гайморитларнинг қайталанишини клиник-функционал баҳолаш ва уларни даволашни оптималлаштириш бўлган беморларда бурун ва бурун ёндош бўшлиқлари касалликларини ташхислаш ва даволаш бўйича олинган илмий натижалар асосида:
Сурункали гайморитни ташхислаш ва даволаш бўйича олинган илмий натижалар асосида:
“Сурункали гайморит бўлган беморларда бурун ва юқори жағ бўшлиқлари шиллиқ қаватини функционал баҳолаш” ва “Сурункали гайморит бўлган беморларни комплекс даволашни мақбуллаштириш” мавзусидаги услубий тавсияномалар тасдиқланган (Соғлиқни сақлаш вазирлигининг 2019 йил 3 июндаги 8Н-р/223-сон ва 2019 йил 3 июндаги 8Н-р/224-сон маълумотномалари). Ушбу услубий тавсиянома сурункали гайморит бўлган беморларни ташхислаш ва даволаш самарадорлигини оширишга имкон берган.
сурункали гайморит бўлган беморларни ташхислаш ва даволаш асосида олинган илмий натижалар соғлиқни сақлаш тизимига, хусусан Тошкент тиббиёт академияси 2-клиникаси ва Тошкент 1-шаҳар клиник шифохонаси амалиётига жорий қилинган (Соғлиқни сақлаш вазирлигининг 2019 йил 28 октябрдаги 8н-з/172-сон маълумотномаси). Олинган илмий натижалар сурункали гайморит бўлган беморларни даволаш самарадорлигини 25%га оширишга хизмат қилган.