Воитова Гавхар Алишеровнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Анамнезида бепуштлик бўлган аёлларни индуцирланган ҳомиладорликнинг биринчи уч ойлигида кечиш ва психоэмоционал хусусиятлари», 14.00.01–Акушерлик ва гинекология (тиббиёт фанлари).
Диссертация мавзуси рўйхатга олинган рақам: B2017.2.PhD/Tib186.
Илмий раҳбар: Асатова Мунира Мирюсуповна, тиббиёт фанлари доктори.
Диссертация бажарилган муассаса номи: Тошкент врачлар малакасини ошириш институти.
ИК фаолият кўрсатаётган муассаса (муассасалар) номи, ИК рақами: Тошкент педиатрия тиббиёт институти  DSc.27.06.2017.Tib.29.01.
Расмий оппонентлар: Каттаходжаева Махмуда Хамдамовна, тиббиёт фанлари доктори, профессор; Аюпова Фарида Мирзаевна, тиббиёт фанлари доктори, профессор.
Етакчи ташкилот: Республика ихтисослаштирилган акушерлик ва гинекология илмий-амалий тиббиёт маркази.
Диссертациянинг йўналиши: амалий аҳамиятга молик.
II. Тадқиқотнинг мақсади: анамнезида бепуштлик бўлган аёлларнинг руҳий-эмоционал ҳолатини ҳисобга олган ҳолда индуцирланган ҳомиладорлик биринчи триместрини олиб бориш тактикасини оптималлаштиришдан иборат.
III. Тадқиқотнинг илмий янгилиги:
бирламчи ва иккиламчи эндокрин аёллар бепуштлигининг патогенетик жиҳатлари аниқланган ҳамда гипоталамус-гипофиз-тухумдонлар системаси гормонал метаболизми бузилишининг асосий этиологик хавф омилларининг структураси ва таъсир даражаси аниқлаштирилган;
анамнезида бепуштлик бўлган аёлларда руҳий-эмоционал ҳолат ҳамда гестацион давр асоратлари частотаси ва ифодаланганлиги орасида боғлиқлик борлиги аниқланган;
анамнезида бепуштлик бўлган аёлларда индуцирланган ҳомиладорликда хавотир-депрессив холатлар шаклланишининг психоэмоционал хусусиятлари ва уларнинг гестацион даврда кўнгил айниш ва қайт қилшнинг ривожланишига таъсири аниқланган;
анамнезида бепуштлик бўлган аёллар психологик таранглик даражасини аниқлаш индуцирланган ҳомиладорлик кечишини башорат қилиш ва гестацион давр асоратлари ривожланиши хавфини бартараф қилиш учун эрта психотерапия ўтказишнинг потенциал зарурати аниқланган.
IV. Тадқиқот натижаларининг жорий қилиниши.
Анамнезида бепуштлик бўлган аёлларда индуцирланган ҳомиладорликни олиб бориш натижаларини яхшилаш бўйича илмий изланишлар натижаларига кўра:
«Индуцирланган ҳомиладорлик биринчи триместрида кўнгил айниш ва қайт қилиш клиник кечиши хусусиятлари ва олиб бориш тактикаси услубий тавсияномаси» тасдиқланган (Соғлиқни сақлаш вазирлигининг 2019 йил 15 майдаги №8н-р/189-сон маълумотномаси). Таклиф этилган тавсиялар индуцирланган ҳомиладорлик билан аёлларда кўнгил айниш ва қайт қилиш ҳамда кўп учровчи эрта токсикозларни камайтириш ҳисобига биринчи триместрнинг кечишини яхшилаш имконини берган;
«Индуцирланган ҳомиладорлик биринчи триместрида кўнгил айниш ва қайт қилишда даволаш тактикасини танлаш учун услубий қўлланма» тасдиқланган (Соғлиқни сақлаш вазирлигининг 2019 йил 15 майдаги 8н-р/189-сон маълумотномаси). Мазкур натижалар индуцирланган ҳомиладорликнинг биринчи триместрини олиб боришга дифференциал ёндашувни оптималлаштириш имконини берган;
анамнезида бепуштлик бўлган аёлларда индуцирланган ҳомиладорликни олиб бориш натижаларини яхшилаш бўйича бажарилган диссертация ишидан олинган илмий натижалар соғлиқни сақлаш амалий фаолиятига, хусусан, Тошкент шаҳар перинатал маркази, Тошкент вилоят перинатал маркази амалий фаолиятига татбиқ этилган (Соғлиқни сақлаш вазирлигининг 2019 йил 15 майдаги 8н-р/189-сон маълумотномаси). Мазкур натижаларнинг жорий этилиши анамнезида бепуштлик бўлган аёллар руҳий-эмоционал ҳолатини ҳисобга олган ҳолда индуцирланган ҳомиладорлик биринчи триместри асоратларини ташхислаш сифатини ошириш, олиб бориш тактикасини оптималлаштириш, эрта кўнгил айниш ва қайт қилиш частотасини ва оғирлигини камайтириш имконини берган.