Салаҳиддинов Камолиддин Зуҳриддиновичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Уролитиазнинг медикаментоз даво усулларини такомиллаштириш», 14.00.27–Хирургия (тиббиёт фанлари).
Диссертация мавзуси рўйхатга олинган рақам: В2017.1.DSc/Tib108.
Илмий маслаҳатчи: Алексеев Андрей Анатольевич, тиббиёт фанлари доктори, профессор.
Диссертация бажарилган муассаса номи: Андижон давлат  тиббиёт институти.
ИК фаолият кўрсатаётган муассасалар номи, ИК рақами: Академик В.Воҳидов номидаги Республика ихтисослаштирилган хирургия илмий-амалий тиббиёт маркази ва Тошкент тиббиёт академияси, DSc.27.06.2017.Tib.49.01
Расмий оппонентлар: Фаязов Абдулазиз Джалилович, тиббиёт фанлари доктори; Хакимов Мурод Шавкатович, тиббиёт фанлари доктори, профессор; Карабаев Худойберди Карабаевич, тиббиёт фанлари доктори, профессор
Етакчи ташкилот: Харьков миллий тиббиёт университети (Украина).
Диссертация йўналиши: амалий аҳамиятга молик.
II. Тадқиқотнинг мақсади: замонавий жароҳат қопламлари ва инсон тери ҳужайраларидан фойдаланиш асосида тери қопламларини тиклашнинг биотехнологик усулларини такомиллаштириш асосида куйишдан жабрланганларни даволаш натижаларини яхшилашдан иборат.
III. Тадқиқотнинг илмий янгилиги:
кенг куйишда биосинтетик («Биокол», «Парапран») ва гидрогелелли жароҳат қопламалари («Биокол гел», «Гелепран») таъсирида жароҳат юзасини механик ҳимоялаш ҳамда регенератив жараёнлар фаоллашишининг асосий патофизиологик хусусиятлари аниқланган;
гел композициясида тақсимланган ўстирилган фибробластларни қўллаш билан куйишнинг турли оғир даражаларида чуқур жароҳатларни даволаш усуллари ишлаб чиқилган;
регенератив жараёнларни кучайтириш ва некрозланган тўқималардан куйган жароҳатни тозалашга ёрдам берувчи янги гелли жароҳат қопламини қўллаш билан куйишнинг турли оғир даражаларида кенг жароҳатларни даволаш усуллари ишлаб чиқилган;
интерференцион тадқиқотда кенг куйган тери танқислиги аутодермопластика комбинациясида гелдан фойдаланиш регенератив жараёнларнинг кучайишига сабаб бўлувчи ҳаётийликнинг узоқ муддатда сақланиши ва фибробластлар пролиферациясининг ортишини таъминлаши кўрсатилган;
намлантирувчи самарага эга материал тиниқлиги ва фиксация зичлиги, некротик тўқима ҳамда фибриндан тозаланиш сифати, анатомик моделлаштириш, шунингдек, эпителизация муддатига таъсири ҳисобга олинган ҳолда ишлаб чиқилган жароҳат қопламаларининг клиник-биологик хусусиятлари аниқланган;
юзаки ва чуқур куйишнинг турли даражаларида регенерация жараёнида гел асосида турли биосинтетик жароҳат қопламлари ва ўстирилган фибробластларнинг биологик таъсирига хос хусусиятлар аниқланган.
IV. Тадқиқот натижаларининг жорий қилиниши.
Турли соҳаларнинг юзаки, чуқур ва кенг куйишидан жабрланган беморларни даволаш натижаларини такомиллаштириш бўйича олинган илмий тадқиқот натижалари асосида:
ишлаб чиқилган «Чуқур куйишни даволаш усуллари»га Интеллектуал мулк агентлигининг ихтиро патенти олинган (№RU 2385744-10.04.2010 й.). Тавсия қилинган усул чуқур куйишни даволаш натижаларини яхшилаш, йиринглаш, трансплантат лизиси ва ўлим сингари асорат миқдорининг камайишига ёрдам берган;
ишлаб чиқилган «Кенг куйишни даволаш усуллари»га Интеллектуал мулк агентлигининг ихтиро патенти олинган (№RU 2386436-20.04.2010 й.). Тавсия қилинган усул маҳаллий асорат тезлигининг қисқариши ва регенерация жараёнининг кучайиши ҳисобига юзаки куйишни даволаш натижаларини яхшилашга имкон беради;
“Куйган жароҳатларни даволаш усулларини такомиллаштириш” услубий тавсияномаси тасдиқланган (Соғлиқни сақлаш вазирлигининг 2019 йил 29 октябрдаги 8н-р/176-сон маълумотномаси). Тақдим қилинган тавсиянома даволаш сифатини яхшилаш, тери қопламлари тикланиш муддатини тезлаштириш, асоратларни камайтириш ва беморларни касалхонада даволаниш муддатини қисқартиришга имкон берган;
юзаки ва чуқур куйишдан жабрланган беморларни даволашни такомиллаштириш бўйича олинган илмий натижалар соғлиқни сақлаш тизимининг амалий фаолиятига, жумладан, Республика шошилинч тиббий ёрдам илмий марказининг Андижон ва Бухоро вилоят филиаллари амалий фаолиятига  татбиқ этилган (Соғлиқни сақлаш вазирлигининг 2019 йил 29 октябрдаги 8н-р/176-сон маълумотномаси). Тақдим этилган тадқиқот натижалари асосида кенг юзаки ва чуқур куйишдан жабрланган беморларга ихтисослаштирилган юқори технологияли тиббий ёрдам кўрсатиш спектрининг кенгайишига, шунингдек эрта муддатларда умумий асоратларнинг 15% дан 6,8% камайишига эришилган.