Аннақулов Тўлқин Жовбековичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Кўмир конларини қазиб олишда мобил комплексларни қўллаш билан даврий-узлуксиз технологияларни жадаллаштириш», 04.00.10–Геотехнология (очик, ер ости ва қурилиш) (техника фанлари).
Диссертация мавзуси рўйхатга олинган рақам: В2019.1.PhD/T303.
Илмий раҳбар: Заиров Шерзод Шарипович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассасалар номи, ИК рақами: Навоий давлат кончилик институти, Тошкент давлат техника университети, DSc.27.06.2017.T.06.01.
Расмий оппонентлар: Умаров Фарходбек Яркулович, техника фанлари доктори; Махмудов Азамат Махмудович, техника фанлари номзоди, доцент.
Етакчи ташкилот: «Навоий кон-металлургия комбинати» ДК.
Диссертация йўналиши: назарий ва амалий аҳамиятга молик.
II. Тадқиқотнинг мақсади: кўмир конларини қазиб олиш техник-иқтисодий кўрсатгичларини ошириш учун мобил майдалаш-қайта юклаш-конвейер комплексларидан фойдаланиб, даврий-узлуксиз технологик схемасини ишлаб чиқиш ва технологик кўрсаткичларини асослашдан иборат.
III. Тадқиқотнинг илмий янгилиги:
фойдали қазилма конларини очиқ усулда қазиб олишда мобил майдалаш-қайта юклаш-конвейер комплекслари (ММҚЮКК) ускуналарининг технологик кўрсаткичларини танлаш ва ҳисоблаш усули асосланган ва структуравий схемаси ишлаб чиқилган;
ММҚЮКК ишлатилганда экскаватор иш забойининг оптимал кенглигини аниқлаш усули ишлаб чиқилган ва экскаватор унумдорлигининг забой кенглигига боғлиқлиги аниқланган;
ММҚЮККнинг технологик параметрларини юқори аниқликда ҳисоблашга ёрдам берувчи комплекснинг иш вақти ва йиллик унумдорлигини аниқлаш усули ишлаб чиқилган;
кон ишларини юқори техник-иқтисодий кўрсаткичларда динамик ривожланишини таъминловчи ММҚЮКК ишлатиш билан қоплама жинсларни қазиб олишнинг янги технологик схемаси ишлаб чиқилган ва ММҚЮКК йиллик унумдорлигининг блок узунлигига боғлиқлиги аниқланган;
иш фронтининг оптимал узунлигини аниқлаш усули ишлаб чиқилган ва ММҚЮКК билан қазиб олишда конвейер транспорти иш фронти узунлигининг умумий нисбий харажатларга параболик боғлиқлиги аниқланган.
IV. Тадқиқот натижаларининг жорий қилиниши.
Кўмир конларини қазиб олишда мобил майдалаш-қайта юклаш-конвейер комплексларини ишлатиш билан даврий-узлуксиз технологик схемаларини такомиллаштириш бўйича олинган илмий натижалар асосида:
мобил майдалаш-қайта юклаш-конвейер комплексини қўллаш билан ишлаб чиқилган технологик схемаси «Ўзбеккўмир» АЖнинг Ангрен кўмир конида жорий этилган («Ўзбеккўмир» АЖнинг 2019 йил 1 августдаги 01-13/1028-сон маълумотномаси). Натижада кўмир конини очиш самарадорлигини ошириш, қазиб олиш харажатларини камайтириш ва разрез транспорт тизими технологик узлуксизлигини ошириш имконини берган;
мобил комплекслар қўлланилгандаги ишлаб чиқилган забой оптимал параметрлари «Ўзбеккўмир» АЖнинг Ангрен кўмир конида жорий этилган («Ўзбеккўмир» АЖнинг 2019 йил
1 августдаги 01-13/1028-сон маълумотномаси). Натижада кон машиналарининг ишсиз вақтларини ва транспорт ҳаражатларини камайтириш, «экскаватор-майдалаш қурилмаси-конвейер транспорти» тизимининг унумдорлигини ошириш, комплекснинг бўш юришлари вақтини 58,9%га, съезд поғонасида юриш вақтини 50%га камайтириш ва бутун комплекснинг унумдорлигини 13,7%га ошириш имконини берган.
