Мустакимов Отабек Маннабиевичнинг
диссертация ҳимоясисиз ихтиро патенти асосида
фалсафа доктори (PhD) илмий даражасини бериш бўйича эълон матни

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Руда қуюқлаштиргичнинг бўтана қабул қилиш камерасини модернизация қилиш ҳисобига қийин ажраладиган олтин таркибли рудаларни қайта ишлашда қуюлтириш жараёнини жадаллаштириш», 04.00.14–Фойдали қазилмаларни бойитиш (техника фанлари).
Диссертация мавзуси рўйхатга олинган рақам: В2019.4.PhD/T1090.
Илмий раҳбар: Санақулов Қувондиқ Санақулович, техника фанлари доктори, профессор.
Илмий тадқиқот иши бажарилган муассаса номи: Навоий давлат кончилик институти.
ИК фаолият кўрсатаётган муассаса номи, ИК рақами: Навоий давлат кончилик институти, Тошкент давлат техника университети, DSc.27.06.2017.T.06.01.
II. Тадқиқотнинг мақсади: қуюлтириш жараёнида қўлланиладиган қуюлтиргичларнинг конструкциясини такомиллаштириш ҳисобига уларнинг ишлаш самарадорлигини ошириш ва қўлланиладиган реагентларнинг сарфини камайтиришдан иборат.
III. Тадқиқотнинг илмий янгилиги:
илк бор флокулянтнинг қуюлтириш юзасига тенг миқдорда ва туғри тақсимланиши натижасида қуюлтириш жараёнидаги кўрсаткичларнинг юқори самарадорлиги аниқланган;
илк бор қуюлтириш жараёнида бошланғич материални (бўтанани) тоза сув қатлами ёрдамида юмшатиш ва бўтанага флокулянт таъсирини ошириб, флокулалар занжирини ҳосил бўлиши натижасида жараён тезлашиши аниқланган;
илк бор флоуклянтни тенг ва туғри тақсимланишини таъминлайдиган туйнукларга эга бўлган айлана коллектор конструкцияси ишлаб чиқилган;
бўтана зичлигини белгиланган зичликка қадар етказиш қуюлтириш кўрсаткичларига ва бўтана ҳаракатига таъсир кўрсатиши аниқланган.
IV. Тадқиқот натижаларининг жорий қилиниши.
Руда қуюқлаштиргичнинг бўтана қабул қилиш камерасини модеринизация қилиш ҳисобига қийин ажраладиган олтин таркибли рудаларни қайта ишлашда қуюлтириш жараёнини жадаллаштириш бўйича олинган илмий натижалар асосида:
айлана коллектори ва қуюлтириш жараёнида бўтанани тоза сув қатлами ёрдамида юмшатиш, бўтанага флокулянт таъсирини ошириб, флокулалар занжирини ҳосил бўлишини юзага келтирадиган камера «Навоий кон-металлургия комбинати» ДК 1-сон гидрометаллургия заводида жорий этилган («Навоий кон-металлургия комбинати» ДКнинг 2019 йил 30 сентябрдаги 02-06-03/12351-сон маълумотномаси). Натижада радиал қуюлтиргичнинг солиштирма иш ҳажмини ошириш ва жараёнда қўлланиладиган флоукулянтнинг сарфланиш миқдорини камайтириш имконини берган;
радиал қуюқлаштиргич «Навоий кон-металлургия комбинати» ДК 1-сон гидрометаллургия заводида жорий этилган («Навоий кон-металлургия комбинати» ДКнинг 2019 йил 30 сентябрдаги 02-06-03/12351-сон маълумотномаси). Натижада таркибида мавжуд бўлган радиал қуюлтиргич конструкциясининг такомиллаштирилиши бўтананинг чўкиш тезлигини 0,12 м/соатдан 0,4 м/соатгача ошириш, флокулянтнинг сарфини 14 г/т дан 10 г/т гача камайтириш ва радиал қуюқлаштиргичнинг солиштирма иш ҳажмини 0,7 т/м2 суткадан 2,0 т/м2 суткагача ҳамда қайта ишлаш комплексининг иш унумдорлигини 1,7 мартага ошириш ҳисобига (2014-2018 й.) 11,2 млрд. сўмдан ортиқ иқтисодий самара олиш имконини берган.
V. Ихтирога патенти.  
«Радиал қуюқлаштиргич»га берилган ихтиро патентига (№IAP04611-2012 й.). Ўзбекистон Республикаси Интеллектуал мулк агентлигининг 2019 йил 2 октябрдаги
01-11/1942-сон хулосаси.