Мирзаев Муроджон Абдурахимджановичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Шарқий Ўзбекистоннинг сейсмик хавфини миқдорий баҳолаш», 04.00.06–Геофизика. Фойдали қазилмаларни қидиришнинг геофизик усуллари (физика-математика фанлари).
Диссертация мавзуси рўйхатга олинган рақам: В2019.1.PhD/FM321.
Илмий раҳбар: Артиков Турдали Усманалиевич, физика-математика фанлари доктори, профессор.
Диссертация бажарилган муассаса номи: Сейсмология институти.
ИК фаолият кўрсатаётган муассаса (муассасалар) номи, ИК рақами: Минерал ресурслар институти, Геология ва геофизика институти, Гидрогеология ва инженерлик геологияси институти, Сейсмология институти, Ўзбекистон Миллий университети ва Тошкент давлат техника университети ҳузуридаги DSc.27.06.2017.GM.40.01 рақамли илмий кенгаш асосидаги бир марталик илмий кенгаш.
Расмий оппонентлар: Максудов Собит Хамидович, физика-математика фанлари доктори; Нуртаев Бахтиер Сайфуллаевич, физика-математика фанлари номзоди.
Етакчи ташкилот: Нефть ва газ конлари геологияси ҳамда қидируви институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Шарқий Ўзбекистон ҳудудининг сейсмик хавфини миқдорий баҳолашдан иборат.
III. Тадқиқотнинг илмий янгилиги:
илк бор турли сейсмик манбалар асосида Шарқий Ўзбекистон ҳудудининг сейсмик хавфи миқдорий аниқланган;
илк бор Шарқий Ўзбекистон ҳудуди сейсмик хавфини аниқлаш учун бошланғич параметрларининг ноаниқлик омиллари баҳоланган;
бошланғич параметрлар ноаниқлик омиллари асосида Шарқий Ўзбекистон ҳудудининг сейсмик хавфи миқдорий баҳоланган;
Шарқий Ўзбекистон ҳудудининг янги сейсмик районлаштириш хариталари ишлаб чиқилган.
IV. Тадқиқот натижаларининг жорий қилиниши.
Шарқий Ўзбекистоннинг сейсмик хавфини миқдорий баҳолаш бўйича олинган илмий натижалар асосида:
сейсмик жараён ва сейсмик таъсирнинг минтақавий қонуниятлари Ўзбекистон Республикаси Фавқулодда вазиятлар вазирлиги фаолиятига жорий этилган (Ўзбекистон Республикаси Фавқулодда вазиятлар вазирлигининг 2019 йил 4 октябрдаги 2/4/24-2600-сон маълумотномаси). Натижада Шарқий Ўзбекистон ҳудудининг миқдорий сейсмик хавфини аниқлаштириш имконини берган;
Шарқий Ўзбекистоннинг макросейсмик балларда ва грунт тебранишининг максимал тезланишларидаги янги сейсмик районлаштириш хариталар мажмуаси Ўзбекистон Республикаси Фавқулодда вазиятлар вазирлиги фаолиятига жорий этилган (Ўзбекистон Республикаси Фавқулодда вазиятлар вазирлигининг 2019 йил 4 октябрдаги 2/4/24-2600-сон маълумотномаси). Натижада Шарқий Ўзбекистон ҳудудини макросейсмик балларда ва грунтнинг тебраниш тезланишларида баҳолаш имконини берган;
зилзилалар учун сейсмик таъсирининг масофа бўйича сўниши қонуниятлари Ўзбекистон Республикаси Фавқулодда вазиятлар вазирлиги фаолиятига жорий этилган (Ўзбекистон Республикаси Фавқулодда вазиятлар вазирлигининг 2019 йил 4 октябрдаги 2/4/24-2600-сон маълумотномаси). Натижада бўлиб ўтган зилзила координатасини аниқлашга ва Шарқий Ўзбекистон ҳудудининг сейсмик хавфини баҳолаш муаммоларини ечишга хизмат қилган.