Хужақулов Сайдулла Мирзаевичнинг
фалсафа доктори  (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Мева-сабзавот омборларининг иссиқлик-технологик жараёнларида қуёш энергиясидан самарали фойдаланиш тизимини ишлаб чиқиш», 05.05.06–Қайта тикланувчи энергия турлари асосидаги энергия қурилмалари (техника фанлари).
Диссертация мавзуси рўйхатга олинган рақам: В2017.2.PhD/T207.
Илмий раҳбар: Узоқов Ғулом Норбоевич, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: ЎзР ФА Физика-техника институти, DSc.30.05.2018.FM/T.34.01.
Расмий оппонентлар: Аббасов Еркин Содиқович, техника фанлари доктори, доцент; Ахадов Жобир Замирович, техника фанлари номзоди.
Етакчи ташкилот: Бухоро давлат университети.
Диссертация йўналиши: амалий аҳамиятга молик.
II. Тадқиқотнинг мақсади: мева-сабзавот омборларининг иссиқлик-технологик жараёнларида қуёш энергиясидан самарали фойдаланиш тизимини ишлаб чиқиш ва асослашдан иборат.
III. Тадқиқотнинг илмий янгилиги:
актив вентиляциялаш ва адсорбентларни қуёш-термик регенерациялаш тизимига эга омборнинг иссиқлик ва намлик баланслари математик модели ишлаб чиқилган;
адсорбентларни термик регенерациялаш ва актив вентиляциялаш учун қуёш ҳаво қиздириш қурилмасининг принципиал иссиқлик схемаси ишлаб чиқилган;
мева-сабзавот омборида адсорбентларни термик регенерациялаш ва актив вентиляциялаш учун қуёш ҳаво қиздириш тизими ишлаб чиқилган ва фойдаланиш самарадорлиги асосланган;
иссиқ ҳаво билан қуёшли-термик регенерациялаш режимида адсорбент қатлами қиздирилганда нобарқарор иссиқлик-масса алмашинувининг математик модели ишлаб чиқилган.
IV. Тадқиқот натижаларининг жорий қилиниши.
Мева-сабзавот омборларининг иссиқлик-технологик жараёнларида қуёш энергиясидан самарали фойдаланиш тизимини ишлаб чиқиш асосида:
Адсорбентларни регенерация қилиш учун қурилмага Ўзбекистон Республикаси Интеллектуал мулк агентлигининг фойдали моделига патент олинган («Адсорбентларни регенерация қилиш учун қурилма», № FAP 0125904-2014 й.);
Қашқадарё ва Бухоро вилоятларининг фермер хўжаликларида адсорбентларни регенерациялаш ва актив вентиляциялаш қуёш ҳаво қиздириш қурилмасининг принципиал иссиқлик схемаси жорий этилган (Ўзбекистон Республикаси Қишлоқ хўжалиги вазирлигининг 2019 йил 31 августдаги 02/011-2077-сон маълумотномаси) Натижада мавжуд тизимлардагига нисбатан электр энергияси харажатларини 60% гача камайтириш имкони яратилган.