Ismailov Alisher Agzamovichning

doktorlik dissertatsiyasihimoyasihaqida e’lon

    I. Umumiy ma’lumotlar.

Dissertatsiya mavzusi, ixtisoslik shifri: «O‘zbekiston Respublikasi pul tizimini mustahkamlashning nazariy-uslubiy asoslarini takomillashtirish» 08.00.07-Moliya. Buxgalteriya hisobi (iqtisodiyot fanlari).

Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: guvohnoma LA № 0000299.

Dissertatsiya mavzusi ro‘yxatga olingan raqam: 30.09.2014/B2014.3-4.I136.

Ilmiy maslahatchining F.I.Sh., ilmiy darajasi va unvoni: T.I. Bobakulov, iqtisodiyot fanlari doktori, professor.

Dissertatsiya bajarilgan muassasa nomi: Toshkent moliya instituti.

IK faoliyat ko‘rsatayotgan muassasa nomi, IK raqami: O‘zbekiston Respublikasi Bank-moliya akademiyasi, Toshkent Irrigatsiya va melioratsiya instituti va Toshkent Moliya instituti, 16.07.2013.I.31.01.

Rasmiy opponentlar: O.K. Iminov, iqtisod fanlari doktori, professor; F.I. Mirzaev, iqtisod  fanlari doktori; A.U. Burxanov, iqtisod fanlari doktori.

Yetakchi tashkilot: Toshkent davlat iqtisodiyot universiteti.

Dissertatsiya yo‘nalishi: nazariy va amaliy ahamiyatga molik.

    II. Tadqiqotning maqsadi milliy iqtisodiyot pul tizimini mustahkamlashning nazariy – uslubiy asoslarini takomillashtirishga qaratilgan ilmiy takliflar va amaliy tavsiyalar ishlab chiqishdan iborat.

    III. Tadqiqotning ilmiy yangiligi:

qayta moliyalash stavkasi va majburiy zaxira talabnomalarining bazaviy stavkasini inflyasiya darajasiga mutanosib ravishda pasaytirish hamda tijorat banklari kreditlarining nominal foiz stavkalari barqarorligini ta’minlash yo‘li bilan tijorat banklarining kredit ekspansiyasini rag‘batlantirish orqali monetizatsiya darajasini oshirishning maqsadga muvofiqligi asoslangan;

pul massasi o‘sish sur’atlarining barqarorligini ta’minlovchi monetar siyosat instrumentlaridan foydalanish amaliyotini takomillashtirish va pul bozorini rivojlantirish asosida pullar taklifini tartibga solish mexanizmini takomillashtirish yo‘llari ishlab chiqilgan;

milliy valyuta – so‘mning qadrsizlanish sur’atini pasaytirish uchun konversion operatsiyalar hajmini oshirish asoslab berilgan;

pullar taklifini targetlash sharoitida, monetar siyosat instrumentlarining elastikligini ta’minlagan holda, inflyasiya sur’atini o‘sishiga yo‘l qo‘ymaslik, milliy valyutaning nominal almashuv kursining past va barqaror darajasini saqlab turish va uning real almashuv kursining oshishiga yo‘l qo‘ymaslik yo‘li bilan eksportni rag‘batlantirish taklifi asoslangan. 

    IV. Tadqiqot natijalarining joriy qilinishi. Pul tizimini mustahkamlashning nazariy-uslubiy asoslarini takomillashtirish bo‘yicha ishlab chiqilgan takliflar va amaliy tavsiyalar O‘zbekiston Respublikasi Markaziy banki tomonidan amaliyotga tatbiq etilgan (O‘zbekiston Respublikasi Markaziy bankining 2015 yil 30 iyundagi 10-16/998A-son dalolatnomasi), jumladan:

tijorat banklarining kredit ekspansiyasini rag‘batlantirish orqali monetizatsiya darajasini oshirish xususidagi taklifning amaliyotga tatbiqi natijasida tijorat banklarining kreditlari 2014 yilda 2013 yilga nisbatan 31,2 foizga ko‘paygani holda, monetizatsiya darajasi 0,2 foizli punktga oshgan;

iqtisodiyotda pul taklifini tartibga solish mexanizmini takomillashtirish yo‘li bilan pul massasi o‘sish sur’atining barqarorligini ta’minlash taklifining amaliyotga tatbiqi natijasida Markaziy bankning depozit operatsiyalari hajmi 2014 yilda 2013 yilga nisbatan 215 mlrd. so‘mga oshgan;

konversion operatsiyalar hajmini oshirish yo‘li bilan milliy valyutaning deval`vatsiya sur’atini pasaytirish xususidagi tavsiyaning amaliyotga tatbiqi natijasida milliy valyutaning AQSh dollariga nisbatan deval`vatsiya sur’ati 2014 yilda 2013 yilga nisbatan 1,0 foizli punktga pasaygan va 2015 yilning 1 yanvar` holatiga, so‘mning 1 AQSh dollariga nisbatan nominal almashuv kursi 2420,40 so‘mni tashkil etgan;

pullar taklifini targetlash sharoitida, monetar siyosat instrumentlarining elastikligini ta’minlagan holda, inflyasiyani o‘sishiga yo‘l qo‘ymaslik, milliy valyutaning nominal almashuv kursining past va barqaror darajasini saqlab turish va uning real almashuv kursining oshishiga yo‘l qo‘ymaslik yo‘li bilan eksportni rag‘batlantirish xususidagi amaliy tavsiyaning amaliyotga tatbiqi natijasida 2014 yilda 2013 yilga nisbatan inflyasiyaning yillik darajasi 0,7 foizli punktga pasaygani holda, milliy valyuta - so‘mning real almashuv kursini Xitoy yuaniga nisbatan 7,2 foizga, Buyuk Britaniya funt sterlingiga nisbatan 4,0 foizga, Janubiy Koreya voniga nisbatan 5,7 foizga pasayishiga erishilgan.