Ахмедов Муроджон Убайдуллаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси ихтисослик шифри (илмий даража бериладиган фан тармоғи номи): “Умумтаълим мактаб директорларининг малакасини ошириш жараёнида таълим сифати мониторингини такомиллаштириш”, 13.00.07–Таълимда менежмент (педагогика фанлари).
Диссертация мавзуси рўйхатга олинган рақам: B2019.3.Phd/Ped487.
Илмий раҳбар: Рахманкулова Наргиз Хаджиакбаровна, педагогика фанлари доктори, профессор.
Диссертация бажарилган муассаса номи: Халқ таълими тизими раҳбар ва мутахассис ходимларини қайта тайёрлаш ва малакасини ошириш институти.
ИК фаолият кўрсатаётган муассаса (муассасалар) номи, ИК рақами: Халқ таълими тизими раҳбар ва мутахассис ходимларини қайта тайёрлаш ва малакасини ошириш институти, Бош илмий методик маркази, DSc.30.05.2018.Ped.68.01.
Расмий оппонентлар: Юлдашев Мақсуджон Абдуллаевич педагогика фанлари доктори, доцент; Асқаров Аброр Давлатмирзаевич педагогика фанлари бўйича фалсафа доктори, PhD.
Етакчи ташкилот: Андижон давлат университети
Диссертация йўналиши: назарий ва амалий аҳамиятга молик.
II. Тадқиқотнинг мақсади умумтаълим мактаб директорлари малакасини ошириш жараёнида таълим сифати мониторингини такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
мактаб директорлари компетентлигига қўйиладиган Давлат талаблари уларнинг малака тавсифи ва ўқув-тарбиявий, педагогик, молия-иқтисод, жамоатчилик бўйича бошқарув фаолияти йўналишларини инобатга олган ҳолда такомиллаштирилган;
малака ошириш жараёнидаги таълим сифати мониторинг механизми мактаб директорларининг креатив ва ижодий фикрлаш ҳамда самарали бошқарув қарорларини қабул қилиш компетенцияларини баҳолаш босқичи (IQ ва EQ тестлар)ни жорий этиш асосида такомиллаштирилган;
малака ошириш курслари таълим сифати мониторинги самарадорлиги мактаб директорларини узлуксиз касбий ривожлантириш ягона ахборот платформасида директорларнинг менежерликка оид билимлари, стратегик режалаштириш ва лойиҳаларни бошқариш, коммуникатив ва ахборот технологиялари бўйича кўникмаларини баҳолаш компонентларини ишлаб чиқиш асосида такомиллаштирилган;
мактаб директорлари малакасини ошириш таълим сифати мониторинги менежерлик курслари самарадорлигининг уч даражасини аниқлаштириш (билим даражаси, менежерлик кўникмаси, бошқарув малакаси) асосида такомиллаштирилган.
IV. Тадқиқот натижаларининг жорий қилиниши. 
Умумтаълим мактаб директорларининг малакасини ошириш жараёнида таълим сифати мониторингини такомиллаштиришга оид илмий тадқиқот натижалари асосида:
умумтаълим мактаб директорларининг тайёргарлиги ва компетентлигига қўйилган талабларига доир таклифлардан «Халқ таълими тизими раҳбар ва мутахассис ходимларини қайта тайёрлаш ва малакасини ошириш таълимининг мазмуни ҳамда сифатига қўйиладиган Давлат талаблари»ни ишлаб чиқишда фойдаланилган (“O'zStandart” Давлат агентлигида 2018 йил 10 апрелда O'zDSt 36.2033:2018 2033-рақам билан рўйхатга олинган. Халқ таълими вазирлигининг 2019 йил 21 августдаги 02-02/4-200-сон маълумотномаси). Натижада малака ошириш таълим сифати мониторинги мактаб директорларининг тайёргарлиги ва компетентлигига қўйилган талаблар асосида амалга оширилиши таъминлаган;
малака ошириш таълим сифати мониторингини амалга ошириш механизмини такомиллаштириш юзасидан берилган таклифлардан умумтаълим мактаб директорларининг креатив ва ижодий фикрлаш ҳамда самарали бошқарув қарорларини қабул қилиш кўникмаларини баҳолаш босқичларини такомиллаштиришда фойдаланилган (Халқ таълими вазирлигининг 2019 йил 21 августдаги 02-02/4-200-сон маълумотномаси). Натижада мактаб директорларининг малакасини ошириш жараёнида уларнинг билими ва бошқарув (менежерлик) кўникмаларини баҳолаш имкони юзага келган;
мактаб директорларини узлуксиз касбий ривожлантиришга оид таклифлардан малака ошириш курслари таълим сифати мониторингининг самарадорлиги ва директорларнинг бошқарув фаолиятини ташхислаш механизмини жорий этишда фойдаланилган (Халқ таълими вазирлигининг 2019 йил 21 августдаги 02-02/4-200-сон маълумотномаси). Натижада узлуксиз касбий ривожлантириш ягона ахборот платформасида мактаб директорларини стратегик режалаштириш, лойиҳа бошқаруви, коммуникатив ва ахборот технологиялари бўйича кўникмаларини баҳолаш имкони берган;
малака ошириш таълим сифатини баҳолаш нуқтаи назаридан умумтаълим мактаб директорлари учун ташкил этилган менежерлик курслари самарадорлигини аниқлаш механизмларини такомиллаштириш бўйича таклифлардан «Халқ таълими тизими раҳбар ва мутахассис ходимлар малакасини ошириш курслари якуний аттестацияси тўғрисидаги низом»ни ишлаб чиқишда фойдаланилган (Халқ таълими вазирлигининг 2019 йил 21 августдаги 02-02/4-200-сон маълумотномаси). Натижада умумтаълим мактаб директорларининг менежерлик курслари самарадорлигини уларнинг билим даражаси, менежерлик кўникмаси ва бошқарув малакаси каби даражаларда аниқлаш имкони яратилган;
малака ошириш таълим сифатига таъсир кўрсатувчи омиллар қаторида профессор-ўқитувчиларнинг педагогик фаолияти мониторингига доир таклифлар асосида профессор-ўқитувчиларнинг иш турлари ҳажмини ҳисоблаш қоидаларини ишлаб чиқишда фойдаланилган (Халқ таълими вазирлигининг 2019 йил 21 августдаги 02-02/4-200-сон маълумотномаси. Халқ таълими, Олий ва ўрта махсус таълим ҳамда Бандлик ва меҳнат муносабатлари вазирликларининг 2019 йил 29 мартдаги 7-мх, 13/1 қ/қ, 13-2019-1- қ/қ-сон қўшма қарори). Натижада малака ошириш таълим муассасаси профессор-ўқитувчилари фаолияти устидан самарали педагогик мониторингни амалга ошириш имкон вужудга келган.