Mislibaev Ilxom Tuychibaevichning
doktorlik dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Tog‘ jinslari massivining zaiflashgan hududidan foydalangan holda burg‘ilash-portlatish ishlarini olib borishning resurs tejovchi texnologiyalarini ishlab chiqish», 04.00.10 – Geotexnologiya (ochiq, er osti va qurilish) (texnika fanlari).
Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /pedagogika fanlari nomzodi/.
Dissertatsiya mavzusi ro‘yxatga olingan raqam: 31.03.2016/B2016.1.T228.
Ilmiy maslahatchi: Norov Yunus Djumaevich, texnika fanlari doktori, professor.
Dissertatsiya bajarilgan muassasa nomi: Navoiy davlat konchilik instituti.
IK faoliyat ko‘rsatayotgan muassasa nomi, IK raqami: Navoiy davlat konchilik instituti, Toshkent davlat texnika universiteti, Mineral resurslar ilmiy-tadqiqot instituti, Seysmologiya instituti, O‘zbekiston neft` va gaz konlari geologiyasi hamda qidiruvi instituti, Geologiya va geofizika instituti, 16.07.2013.GM/T.10.01.
Rasmiy oppenentlar: Rakishev Bayan Rakishevich, texnika fanlari doktori, akademik; Kornilkov Sergey Viktorovich, texnika fanlari doktori, professor; Borovkov Yuriy Aleksanrovich, texnika fanlari doktori, professor.
Etakchi tashkilot nomi: «Olmaliq kon-metallurgiya kombinati» AJ.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi ochiq kon ishlarida kon jinslari massivlari mustahkamligining zaiflashgan hududlaridan foydalangan holda burg‘ilab-portlatish ishlarini olib borishning resurs tejovchi texnologiyalarini ishlab chiqish.
III. Tadqiqotning ilmiy yangiligi:
kon massivining kuchlanish amplitudasi, yuklanishlar soni, kon jinslarining mustahkamlik xususiyatlari hamda portlovchi moddaning portlatiladigan zaryadlari oxirgi qatorigacha bo‘lgan masofalarga bog‘liq bo‘lgan massiv mustahkamligining zaiflashishi aniqlangan;
kon massivi mustahkamligining zaiflashgan hududi radiusi kuchlanish amplitudasi, yuklanishlar soni, kon jinslarining mustahkamlik xususiyatlari va pog‘onaning erkin yuzasidan qaytgan kuchlanish to‘lqinlari so‘nish amplitudalariga bog‘liqligi isbotlangan;
ko‘p siklli pul`slanuvchi yuklamalar ta’siri ostida kon jinslari mustahkamligining cho‘zilishga chidamliligi chegarasi (0,3÷0,4)σcho‘zilgacha pasayib mikro va makro yoriqlar ko‘rinishidagi zaiflashishlari ro‘y berishi aniqlangan;
kon massivi qa’rida mustahkamlikning zaiflashgan hududlarining pog‘onalar balandligi bo‘yicha radiuslari portlatilayotgan skvajinalar soni, zaryadlarning diametri va kon jinslarining mustahkamlik xususiyatlariga bog‘liqligi ochib berilgan;
kon massivi mustahkamligining PMlar skvajina zaryadlarining oldingi portlashlarida hosil bo‘lgan zaiflashgan hududlari radiuslari, ularning tiqinlarning turli konstruksiyalari tomonidan hosil qilinadigan amplituda fazalari ijobiy va salbiy uzunliklariga bog‘liq holda aniqlangan;
massiv mustahkamligining zaiflashgan hududlari o‘lchamlari, kichik balandlikdagi pog‘onalarda BPI texnologik parametrlariga va portlovchanlik darajasiga, shuningdek yuqori o‘lchamdagi pog‘onalarda BPIning texnologik parametrlariga va kon jinslarining darzlilik koeffisientiga bog‘liq holda aniqlangan.
IV. Tadqiqot natijalarining joriy qilinishi.
Burg‘ilab-portlatish ishlarini amalga oshirishning ishlab chiqilgan usuli Navoiy kon-metallurgiya kombinati Davlat korxonasi Markaziy kon boshqarmasining Muruntov kar`erida joriy qilingan (NKMKning 2016 yil 19 fevraldagi 01-01-07/2076-son ma’lumotnomasi). Ilmiy natijalarning amaliyotga joriy qilinish natijasida qatordagi skvajinalar orasidagi hamda skvajinalar qatorlari orasidagi masofani 10-15 foizga oshirish va 1 million m3 kon massasiga 188,027 million so‘m iqtisodiy samara olish imkonini bergan.
