Джураев Дилшод Мамадиярович
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Хитой тилида талабаларнинг лингвокультурологик компетенциясини шакллантириш», 13.00.02–Таълим ва тарбия назарияси ва методикаси (хитой тили) (педагогика фанлари).
Илмий раҳбар: Бакиева Гуландом Ҳисамовна, филология фанлари доктори, профессор.
Диссертация мавзуси рўйхатга олинган рақам: B2017.3.PhD/Ped315.
Диссертация бажарилган муассаса номи: Ўзбекистон давлат жаҳон тиллари университети.
ИК фаолият кўрсатаётган муассаса (муассасалар) номи, ИК рақами: Ўзбекистон давлат жаҳон тиллари университети, DSc.30.08.2017.Fil/Ped.27.01.
Расмий оппонентлар: Хашимова Дилдора Ўринбаевна, педагогика фанлари доктори, профессор; Назарова Сайёра Анваровна, педагогика фанлари бўйича фалсафа доктори (PhD).
Етакчи ташкилот: Самарқанд давлат чет тиллар институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: хитой тилида талабаларнинг лингвокультурологик компетенциясини шакллантиришдан иборат.
III. Тадқиқотнинг илмий янгилиги:
илк бор миллий белгилар, ҳурмат категорияси, реалия, фразеологик бирикма, мақол ва маталларнинг HSK 3-4 даражасига биноан методик таъминоти ишлаб чиқилган;
хитой тили йўналишидаги талабаларга тил ва маданиятни интеграллашган ҳолда ўргатишда лингвокультуремаларнинг интерференция ва транспозицион типологияси аниқлаштирилган;
талабаларнинг лингвокультурологик компетенциясини шакллантириш мақсадида хитой маданиятининг ўзбек менталитетига хос бўлган специфик жиҳатлари дидактик таъминот сифатида далилланган;
ўзбек аудиториясига хитой тилидаги лингвокультурологик концепцияларни ўқитиш методикаси интерфаол методлар – график органайзерлар асосида такомиллаштирилган.
IV. Тадқиқот натижаларининг жорий қилиниши.
Хитой тилида талабаларнинг лингвокультурологик компетенциясини шакллантириш бўйича олинган илмий натижалар асосида:
миллий белгилар, ҳурмат категорияси, реалия, фразеологик бирикма, мақол, маталларнинг HSK 3-4 даражага биноан ишлаб чиқилган луғат-минимумидан Чет тилларни ўқитишнинг инновациявий методикаларини ривожлантириш Республика илмий-амалий марказининг ўқув жараёнида фойдаланилган (Чет тилларни ўқитишнинг инновациявий методикаларини ривожлантириш Республика илмий-амалий марказининг 2018 йил 30 июлдаги 10-05/102-сон маълумотномаси). Натижада HSK 3-4 даражага биноан луғат-минимуми ишлаб чиқилган;
хитой тилида талабаларнинг лингвокультурологик компетенциясини шакллантириш, хитой тили ва маданиятини ўқитишда учрайдиган интерференция бўйича илмий асосланган хулосалардан Республика байналминал маданият марказида “Мамлакатимизда миллатлараро муносабатларни янада ривожлантириш ва уйғунлаштиришга бағишланган илмий тадқиқотлар ўтказишни ташкил этиш” ва Ўзбекистон ўқувчилари ўртасида хитой тили санъати “Орзулар ёшликда аланга олдиради” деб номланган фестивалларда фойдалинилган (Ўзбекистон Республикаси Маданият вазирлигининг 2018 йил 20 декабрдаги 01-11-10-8728-сон маълумотномаси). Натижада талабаларнинг маданиятлараро мулоқотдаги интерференцияси бартараф этилган;
хитой тилида талабаларнинг лингвокультурологик компетенциясини шакллантириш ҳамда хитой тили ва маданиятини интеграллашган ҳолда ўқитишдаги масалаларга оид хулосалар ва лингвокультурологик компетенцияни шакллантирувчи интерфаол методлардан ўқув жараёнларида фойдаланилган (Хитой Халқ Республикаси миллатлар университетининг 1101081132803-сон маълумотномаси). Натижада ўзбек ва хитой тилларидаги ўқув маданий материалларнинг тизимлаштирилишига хизмат қилган;
хитой ва ўзбек тилларидаги лингвокультурологик концепцияларнинг интерфаол методлар, стратегиялар ва график органайзерлар орқали такомиллаштирилган методикасидан “Хитойча-ўзбекча-русча-инглизча хитой маданияти терминлари изоҳли луғати”ни ишлаб чиқишда фойдаланилган (Хитойча-ўзбекча-русча-инглизча хитой маданияти терминлари изоҳли луғати. – Тошкент: Турон матбаа, 2019 –52 б.). Натижада хитой ва ўзбек тилларидаги лингвокультурологик компетенцияларни ўргатиш методикаси оммалаштирилган.
