Бобоев Акмалжон Хатамовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Крахмал ва инулин сақловчи хомашёларни комплекс қайта ишлаб, этанол ва оқсилли маҳсулотлар ишлаб чиқариш технологиясини такомиллаштириш», 02.00.17–Қишлоқ хўжалик ва озиқ-овқат маҳсулотларига ишлов бериш, сақлаш ҳамда қайта ишлаш технологиялари ва биотехнологиялари (техника фанлари).
Диссертация мавзуси рўйхатга олинган рақам: В2019.2.PhD/T437. 
Илмий раҳбар: Абдуразакова Собира Ходжаевна, техника фанлари доктори, профессор.
Диссертация бажарилган муассаса номи: Тошкент кимё-технология институти.
ИК фаолият кўрсатаётган муассаса (муассасалар) номи, ИК рақами: Тошкент кимё-технология институти, DSc.27.06.2017.Т.04.01.
Расмий оппонентлар: Исабаев Исмоил Бобожонович, техника фанлари доктори, профессор; Ахмедова Захро Рахматовна, биология фанлари доктори, профессор.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: крахмал ва инулин сақловчи хомашёларни комплекс қайта ишлаб, этанол ва оқсилли маҳсулотлар ишлаб чиқариш технологиясини такомиллаштиришдан иборат.
III. Тадқиқотнинг илмий янгилиги:
буғдойни этил спиртига қайта ишлашда нордон ва нейтрал протеиназаларнинг каталитик хусусиятларига таъсир кўрсатадиган омиллар аниқланган;
юқори ҳароратда гидротермик ишлов бериш оқсилларни ферментатив гидролизига салбий таъсир этиши исботланган; 
фракцияланган буғдой янчилмаси асосида олинган қандлаштирилган шарбатни бижғитишда хомашё таркибидаги аминли азот ва минерал моддалар танқислиги олинаётган маҳсулотнинг чиқишига ва қандлаштирилган суслани бижғиш сифатига салбий таъсир кўрсатиши аниқланган;
буғдой оқсилларини нордон ва нейтрал протеиназа ёрдамида ферментатив гидролизлаб олинган пептидлар, ачитқиларни фаоллигига турлича таъсир этиши ва альбуминдан олинган пептидлар бижғиш жараёнини тўлақонли жадаллаштириши исботланган;
буғдой оқсилларидан олинган пептидларнинг антиоксидантли хоссаси қўлланилаётган ферментларнинг турига боғлиқлиги аниқланган; 
дон ва топинамбур хомашёлари асосида этил спирти ва оқсилли моддалар ишлаб чиқариш технологияси такомиллаштирилган.
IV. Тадқиқот натижаларининг жорий қилиниши.
Крахмал ва инулин сақловчи хомашёларни комплекс қайта ишлаб, этанол ва оқсилли маҳсулотлар ишлаб чиқариш технологиясини такомиллаштириш бўйича олинган илмий натижалар асосида:
инулин сақловчи хомашё (топинамбур)ни қайта ишлаб, этил спирт олиш технологияси «Қўқон-спирт» АЖда амалиётга жорий этилган («Ўзшаробсаноат» АЖнинг 2019 йил 26 апрелдаги 01-08/1118-сон маълумотномаси). Натижада 68 соат бижғитиш давомида қуввати 10,3ҳ% бўлган бражка ва ундан спирт-ректификат олиш имконини берган; 
таркибида инулин сақловчи хомашёдан этанол ва ундан сувсизлантирилган этил спирти олиш технологияси «Қўқон спирт» АЖда амалиётга жорий этилган («Ўзшаробсаноат» АЖнинг 2019 йил 26 апрелдаги 01-08/1118-сон маълумотномаси). Натижада топинамбур хомашёсидан қуввати 99,5ҳ% ли сувсизлантирилган этил спирти олиш имконини берган; 
топинамбур ва донли хомашёлардан этанол олиш технологияси «Бектемир спирт экспериментал заводи» АЖда амалиётга жорий этилган («Ўзшаробсаноат» АЖ 2019 йил 26 апрелдаги 01-08/1118-сон маълумотномаси). Натижада самарадорлик 0,2% га ошиш имконини берган.