Давронбеков Дилмурод Абдужалиловичнинг
фан доктори  (DSc) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Радиотехник тизимлар элементларининг ишончлилигини таъминлаш тамойиллари ва усуллари», 05.04.02–Радиотехника, радионавигация, радиолокация ва телевидение тизимлари ва қурилмалари. Мобиль, толаоптик алоқа тизимлари (техника фанлари).
Диссертация мавзуси рўйхатга олинган рақам: B2019.3.DSc/T306.
Илмий маслаҳатчи: Назаров Абдулазиз Муминович, техника фанлар доктори, профессор.
Диссертация бажарилган муассаса номи: Тошкент ахборот технологиялари университети.
ИК фаолият кўрсатаётган муассаса номи, ИҚ рақами: Тошкент ахборот технологиялари университети, DSc.28.12.2017.Т.07.02. 
Расмий оппонентлар: Бахрамов Сагдулла Абдуллаевич, физика-математика фанлари доктори, профессор, академик; Юсупбеков Азизбек Нодирбекович, техника фанлари доктори, профессор; Алиев Равшан Маратович, техника фанлари доктори, доцент.
Етакчи ташкилот: “Ўзбектелеком” акционерлик компанияси. 
Диссертация йўналиши: назарий ва амалий аҳамиятга молик.
II. Тадқиқотнинг мақсади: радиотехник тизимлар элементлари, радиотехник тизимлардаги микроконтроллерли бошқариш тизимларининг дастурий таъминоти, шунингдек радиотехник тизимларни ишончлилигини ҳисоблаш ва таъминлаш тамойиллари ҳамда самарали усулларини ишлаб чиқишдан иборат. 
III. Тадқиқотнинг илмий янгилиги: 
юқори интеграция даражали интеграл микросхемаларнинг ишончлилигини башоратлаш бўйича тавсиялар ва рақам-аналог ўзгартиргичларнинг диагностика қилиш услуби ишлаб чиқилган; 
мураккаб радиотехник тизимларни тавсифлаш тамойиллари ва концепцияси ифодаланган ҳамда мураккаб радиотехник тизимларни бўлиш усуллари ишлаб чиқилган;
радиотехник тизимлардаги микроконтроллерли бошқариш тизимларининг дастурий таъминотининг ишончлилигини ҳисоблаш услуби такомиллаштирилган ҳамда микроконтроллерли бошқариш тизимлари ва дастурий таъминотида рад этишларнинг тақсимоти қонунларининг турли тўпламларида радиотехник тизимлардаги микроконтроллерли бошқариш тизими дастурий таъминот комплексининг ишончлилигини ҳисоблаш аналитик ифодалари ишлаб чиқилган;
оптик толали алоқа линиялари ўтиш спектрал характеристикаларини чизиқлаштириш ва модификацияланган оптик кучайтиргичларнинг қўлланиши билан оптик толали алоқа линияларининг ишончлилигини ошириш тамойиллари ва усуллари ишлаб чиқилган;
GSM-900 стандарти мобиль алоқа тизимларининг ишончлилигини ҳисоблашнинг аналитик ифодалари ва услуби ишлаб чиқилган;
мобиль алоқа тизимларида ишлатиладиган оптик толали алоқа линиялари элементларининг ишончлилиги ахборот параметрлари аниқланган, оптик толанинг яхлитлиги ва SFP модулларнинг ишлаш қобилиятини диагностика қилиш услуби ва қурилмаси ишлаб чиқилган.
IV. Тадқиқот натижаларининг жорий қилиниши. 
Радиотехник тизимлар элементларининг ишончлилигини ҳисоблаш, ошириш ва таъминлаш усуллари, оптик толали алоқа линияларининг ўтиш спектрал характеристикаларини чизиқлаштириш ҳамда модификацияланган оптик кучайтиргичларнинг қўлланилиши асосида:
ишлаб чиқилган юқори интеграция даражасидаги интеграл микросхемаларнинг ишончлилигини башоратлаш бўйича тавсиялар ва рақамли-аналог ўзгартиргичларни диагностика қилиш услуби, шакллантирилган мураккаб радиотехник тизимларни тавсифлаш тамойиллари ва концепцияси, ишлаб чиқилган мураккаб радиотехник тизимларни бўлиш усуллари «UNICON.UZ» ДУКда лойиҳа-смета ҳужжатларини экспертизадан ўтказиш жараёнида ва илмий тадқиқот ишларини ўтказишда, «Aloqaloyiha» ДУКда рақамли-аналог ўзгартиргичларни  диагностика қилишда жорий этилган (Ўзбекистон Республикаси Ахборот технологиялари ва коммуникацияларини ривожлантириш вазирлигининг 2019 йил 10 сентябрдаги 33-8/6299-сон маълумотномаси). Натижада бу ҳисоблаш жараёни вақтини 8–10 мартага қисқартиришга имкон берган;
такомиллаштирилган радиотехник тизимлардаги микроконтроллерли бошқариш тизимларининг дастурий таъминотининг ишончлилигини ҳисоблаш услуби ва ишлаб чиқилган микроконтроллерли бошқариш тизимлари ҳамда дастурий таъминотда рад этишларнинг тақсимоти қонунларининг турли тўпламларида радиотехник тизимлардаги микроконтроллерли бошқариш тизими дастурий таъминот комплексининг ишончлилигини ҳисоблаш аналитик ифодалари «UNICON.UZ» ДУКда, «Aloqaloyiha» ДУКда радиотехник тизимлардаги микроконтроллерли бошқариш тизимлари дастурий таъминотнинг ишончлилиги асосий кўрсаткичларини ҳисоблаш ва лойиҳалаш жараёнига жорий этилган (Ўзбекистон Республикаси Ахборот технологиялари ва коммуникацияларини ривожлантириш вазирлигининг 2019 йил 10 сентябрдаги 33-8/6299-сон маълумотномаси). Натижада ишончлилик кўрсаткичларини ҳисоблаш аниқлигини ошириш имконияти яратилган;
“Алоқа узатишда оптотолали тизимлар спектрал характеристикаларини оптималлаштириш ва тасҳислаш қурилмаси” учун Ўзбекистон Республикаси Интеллектуал мулк агентлигининг ихтирога патенти олинган (№ IAP 04465-2009 й.). Натижада чизиқлаштиришда 1,8–2,0 дБ атрофидаги ўртача ютуқни олишга имкон берган, регенерацион оралиқнинг узунлигини ва оптик толали алоқа линияларининг ишончлилигини оширган; 
“Фаоллаштирилган оптик толалар ярим маҳсулотини тайёрлаш усули” учун Ўзбекистон Республикаси Интеллектуал мулк агентлигининг ихтирога патенти олинган (№ IAP 04944-2012 й.). Натижада бошқа тенг шароитларда оптик толали алоқа линия оралиғининг рад этмасдан ишлаш ўртача вақтини 7–8% га ва бузилмасдан ишлаш эҳтимоллигини йилига ўртача 2,5–3% га оширган;
ишлаб чиқилган GSM-900 стандартдаги мобиль алоқа тизимининг ишончлилигини ҳисоблашнинг аналитик ифодалари ва услуби «UNICON.UZ» ДУКда лойиҳа-смета ҳужжатларини экспертизадан ўтказиш жараёнида ва илмий-тадқиқот ишларини ўтказишда,  «Aloqaloyiha» ДУКда GSM-900 стандартдаги мобил алоқа тизимининг асосий ишончлилик кўрсаткичлари ҳисоблаш ва лойиҳалашда, «Ўзбектелеком» АК Uzmobile филиалида асосий ишончлилик кўрсаткичларини таъминлаш учун мобиль алоқа тармоқларини лойиҳалаш ва ишлатишда жорий этилган (Ўзбекистон Республикаси Ахборот технологиялари ва коммуникацияларини ривожлантириш вазирлигининг 2019 йил 10 сентябрдаги 33-8/6299-сон маълумотномаси). Натижада бу ҳисоблаш жараёнини 8–10 мартага қисқартириш имконини берган;
аниқланган мобиль алоқа тизимларида ишлатиладиган оптик толали алоқа линия элементларининг ишончлилиги ахборот параметрлари, ишлаб чиқилган оптик толанинг яхлитлиги ва  SFP модулларнинг ишлаш қобилиятини диагностика қилиш услуби ва қурилмаси “Ўзбекистон телекоммуникация тармоқларини бошқариш республика маркази” ДУКда телекоммуникацион тизимларни лойиҳалаш ва ишлатиш жараёнига, «Aloqaloyiha» ДУКда реал алоқа тизимларини лойиҳалашда оптик толали кабеллар ва SFP модулларни диагностика қилиш учун, «Ўзбектелеком» АК Uzmobile  филиалида асосий ишончлилик кўрсаткичларини таъминлаш учун мобил алоқа тармоқларини лойиҳалаш ва ишлатиш жараёнига, «Uzneftgazaloqa» ИЧАТБ МЧЖда корхонанинг лойиҳавий ишларига жорий этилган (Ўзбекистон Республикаси Ахборот технологиялари ва коммуникацияларини ривожлантириш вазирлигининг 2019 йил 10 сентябрдаги 33-8/6299-сон маълумотномаси). Натижада оптик толали алоқа линия элементлари, оптик толанинг яхлитлиги ва  SFP модулларнинг ишлаш қобилиятини диагностика қилиш вақти ўртача 10–20% га қисқарган.