Норчаев Жалолиддин Рустамовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Пиёз ковлагич конструкциясини такомиллаштириш ва параметрларини асослаш», 05.07.01–Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2019.3.PhD/T374.
Илмий раҳбар: Тошболтаев Махамаджон Тожалиевич, техника фанлари доктори, профессор.
Диссертация бажарилган муассаса номи: Қишлоқ хўжалигини механизациялаш  илмий-тадқиқот институти.
ИК фаолият кўрсатаётган муассасалар номи, ИК рақами: Тошкент ирригация ва қишлоқ хўжалигини механизациялаш муҳандислари институтути. DSс.27.06.2017.Т.10.01.
Расмий оппонентлар: Маматов Фармон Муртозович, техника фанлари доктори, профессор; Равшанов Ҳамроқул Амирқулович, техника фанлари номзоди, доцент.
Етакчи ташкилот номи: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ўзбекистон тупроқ-иқлим шароитида пиёз ковлагични тупроқ аралашмасини камайтирадиган иш органларини ишлаб чиқиш йўли билан пиёз йиғиштириш технологик жараёнининг самарасини оширишдан иборат. 
III. Тадқиқотнинг илмий янгилиги: 
секцияли лемехга эга энергия-, ресурстежамкор пиёз ковлагичнинг такомиллашган конструкцияси яратилган; 
пиёз ковлагичнинг тортишга қаршилиги камайиши, ўсимлик қолдиқлари ва пушта тупроғини қирқиб кетиши ҳамда пиёзни белгиланган чуқурликдан ковлаб олишини таъминлайдиган диск ва унинг ғалтаги конструкцияси ва параметрлари ишлаб чиқилган;   
тупроқ уюмланишини бартараф этиб, тортишга қаршиликнинг камайишини таъминлайдиган секцияли лемехнинг конструкцияси ва параметрлари ишлаб чиқилган; 
пиёз пуштаси тупроғини кам энергия сарфлаш ҳисобига элаклаш ва узатишни таъминлайдиган парракли битернинг мақбул параметрлари ва иш режимларини аниқлаш имконини берадиган боғланишлар олинган.
IV. Тадқиқот натижаларининг жорий қилиниши. 
Пиёзни тўлиқ ковлаб олинишини ва кам шикастланиши таъминлайдиган энергия-, ресурстежамкор пиёз ковлагични ишлаб чиқиш бўйича олинган илмий тадқиқот натижалари асосида: 
энергия-, ресурстежамкор ишчи органлар билан жиҳозланган пиёз ковлагичнинг тажриба намунаси Тошкент вилоятининг Оққўрғон тумани фермер хўжаликлари далаларида амалиётга жорий этилган (Ўзбекистон Республикаси Қишлоқ хўжалиги вазирлигининг 2019 йил 18 мартдаги 02/023-1223-сон маълумотномаси). Натижада пиёз ковлаб олишда мавжуд ковлаш воситаларга нисбатан ёнилғи-мойлаш материалларини 19,9 фоизга, эксплуатацион харажатларни 21,4 фоизга, меҳнат сарфини 15,7 фоизгача камайтириш имкони яратилган; 
пиёз-тупроқ аралашмасини сифатли элаклашни таъминлайдиган битер билан жиҳозланган пиёз ковлагич Тошкент вилоятининг Янгийўл туманидаги фермер хўжаликларида жорий этилган (Ўзбекистон Республикаси Қишлоқ хўжалиги вазирлигининг 2019 йил 18 мартдаги 02/023-1223-сон маълумотномаси). Натижада пиёзни шикастланиши ва йўқотилишини мос равишда 7,7–8,4 ва 4,0–6,8 фоизга камайишига эришилган; 
энергия-, ресурстежамкор ишчи органлар билан жиҳозланган пиёз ковлагич ишлаб чиқаришни ўзлаштириш учун лойиҳа-конструкторлик ҳужжатлари (техникавий шартлар ва чизмалар) “BMKB-Аgromash” АЖда лойиҳалаш жараёнига жорий этилган (Ўзбекистон Республикаси Қишлоқ хўжалиги вазирлигининг 2019 йил 18 мартдаги 02/023-1223-сон маълумотномаси). Натижада илмий натижаларни жориш этиш орқали республикада пиёз йиғиштиришни механизациялаш муаммосининг ечими таъминланган.