Қушимов Бахтиёр Алишовичнинг
фан доктори (DSc) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Озуқабоп чўл ўсимликлари уруғларини қуритишда энергиятежамкор технология ва конструкциялар яратишнинг назарий асосларини ривожлантириш», 05.02.07–Машинасозлик машиналари, аппаратлари, агрегатлари ва қурилмалари (техника фанлари).
Диссертация мавзуси рўйхатга олинган рақам: B2019.2.DSc/T37.
Илмий маслаҳатчи: Каримов Камолхон Аббосович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса (муассасалар) номи, ИК рақами: Тошкент давлат техника университети ва Ўзбекистон Миллий университети, DSc.28.02.2018.Т.03.04.
Расмий оппонентлар: Аликулов Джавлан Ергешович, техника фанлари доктори, профессор; Файзиматов Шухрат Нумонович, техника фанлари доктори, профессор; Сафаров Жасур Эсиргапович, техника фанлари доктори.
Етакчи ташкилот: Тошкент ирригация ва қишлоқ хўжалигини механизациялаштириш муҳандислари институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: озуқабоп чўл ўсимликлари уруғларини қуритишда энергиятежамкор технология ва конструкциялар яратишнинг назарий асосларини ривожлантиришдан иборат. 
III. Тадқиқотнинг илмий янгилиги: 
А.В. Лыков томонидан яратилган дифференциал тенгламалар системасининг аналитик кўринишдаги стационар ва ностационар масалалари учун уруғларни қуритишнинг математик моделлари конвектив иссиқлик алмашинув жараёнини ҳисобга олиш асосида такомиллаштирилган ва аналитик методлари ишлаб чиқилган;
стационар ва ностационар ҳоллар учун олинган аналитик ечимлар озуқабоп чўл ўсимликлари уруғларини конкрет қуритиш технологик жараёнлари учун А.В. Лыковнинг аналитик тадқиқотлари ва математик моделларининг умумий назариялари уруғ билан ҳаво ўртасидаги иссиқлик алмашинуви асосида ривожлантирилган;
озуқабоп чўл ўсимлик уруғларини қуритишнинг иқтисодий самарадорлигини 25–30% га оширишни таъминлайдиган икки босқичли технологияси ишлаб чиқилган;
озуқабоп чўл ўсимлик уруғларини қуритишда иш унумдорлигини 12% га оширишни таъминлайдиган иссиқлик аккумулятори билан жиҳозланган суюқ иссиқлик ташувчи вакуум қуритиш қурилмасининг конструкцияси ишлаб чиқилган;
озуқабоп чўл ўсимликлари уруғларини қуритиш учун суюқ иссиқлик ташувчи вакуум қуритиш қурилмасини қўллашнинг ресурстежамкор технологияси ишлаб чиқилган;
озуқабоп чўл ўсимликлари уруғларини қуритиш учун иссиқлик ташувчи суюқликнинг конвектив иссиқлик узатишини таъминлайдиган энергиятежамкор технологияси ишлаб чиқилган; 
озуқабоп чўл ўсимликлари уруғларини қуритишда унувчанликни оширишни таъминлайдиган паст босимли вакуум технологияси ишлаб чиқилган.
IV. Тадқиқот натижаларининг жорий қилиниши. 
Озуқабоп чўл ўсимликлари уруғларини қуритишда энергиятежамкор технология ва конструкциялар яратишнинг назарий асосларини ривожлантириш бўйича олинган илмий натижалар асосида:
озуқабоп чўл ўсимликлари уруғларини қуритишнинг икки босқичли технологияси Фориш давлат ўрмон хўжалигида жорий этилган (Ўзбекистон Республикаси Ўрмон хўжалиги давлат қўмитасининг 2019 йил 15 июндаги 05/18-1967-сон маълумотномаси). Натижада қуритилган маҳсулотга сарфланган харажатларни 25–30% га камайтириш имкони яратилган;
иссиқлик аккумулятори билан жиҳозланган суюқ иссиқлик ташувчи вакуум қуритиш қурилмаси Фориш давлат ўрмон хўжалигида жорий этилган (Ўзбекистон Республикаси Ўрмон хўжалиги давлат қўмитасининг 2019 йил 15 июндаги 05/18-1967-сон маълумотномаси). Натижада қуритиш қурилмасини қўллаш иш унумдорлигини 12% га ошириш имкони яратилган;
суюқ иссиқлик ташувчи вакуум қуритиш қурилмасини қўллаш технологияси Фориш давлат ўрмон хўжалигида жорий этилган (Ўзбекистон Республикаси Ўрмон хўжалиги давлат қўмитасининг 2019 йил 15 июндаги 05/18-1967-сон маълумотномаси). Натижада қуритиш қурилмасининг хизмат муддатини 1,2–1,3 марта ошириш имконияти яратилган;
ишлаб чиқилган қуритиш қурилмасида озуқабоп чўл ўсимликлари уруғларини қуритишнинг энергиятежамкор технологияси Фориш давлат ўрмон хўжалигида жорий этилган (Ўзбекистон Республикаси Ўрмон хўжалиги давлат қўмитасининг 2019 йил 15 июндаги 05/18-1967-сон маълумотномаси). Натижада қуритиш қурилмасида энергиятежамкор технологиянинг қўлланиши энергиятежамкорликни 18–20% га камайтириш имкониятини берган;
озуқабоп чўл ўсимликлари уруғларини қуритиш учун паст босимли вакуум технологияси Фориш давлат ўрмон хўжалигида жорий этилган (Ўзбекистон Республикаси Ўрмон хўжалиги давлат қўмитасининг 2019 йил 15 июндаги 05/18-1967-сон маълумотномаси). Натижада озуқабоп чўл ўсимликлари уруғларининг унувчанлигини 12–14% га ошириш имкони яратилган.