Djunusova Lyazzat Risxanovnaning
doktorlik dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Kombinatsiyalashtirilgan suv tayyorlash qurilmasi orqali Orolbo‘yi sharoitida suvning sifatini oshirish texnologiyasi», 05.05.04 - «Sanoat issiqlik energetikasi» (texnika fanlari).
Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /katta ilmiy xodim-izlanuvchi/.
Dissertatsiya mavzusi ro‘yxatga olingan raqam: 30.09.2014/B2014.3-4.T250.
Dissertatsiya bajarilgan muassasa nomi: Olmaota energetika va aloqa universiteti va Toshkent davlat texnika universiteti.
IK faoliyat ko‘rsatayotgan muassasalar nomi, IK raqami: Toshkent davlat texnika universiteti va Energetika va avtomatika instituti, 16.07.2013.T.02.01.
Ilmiy maslahatchi: Muxiddinov Djaloliddin Nosirovich, texnika fanlari doktori, professor.
Rasmiy opponentlar: Kremkov Mixail Vital`evich, fizika-matematika fanlari doktori, professor; Klichev Shavkat Isakovich, texnika fanlari doktori, professor; Nurmuxamedov Xabibulla Sagdullaevich, texnika fanlari doktori, professor.
Yetakchi tashkilot: “Uzelektrsozlash” unitar korxonasi.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi.
Orol bo‘yi sharoitida issiqlik energetika qurilmalari uchun membranali texnologiyalar qo‘llanilgan kombinatsiyalash-tirilgan suv tayyorlash qurilmasida suv sifatini oshirish texnologiyalarining energiya samarador tizimlarini ishlab chiqishdan iborat.
III. Tadqiqotning ilmiy yangiligi.
issiqlik energetika qurilmalarida issiqlik tashuvchining normativ rejimini ta’minlab beruvchi energiya samarador kombinatsiyalashtirilgan suv tayyorlash tizimi ishlab chiqilgan;
suv tayyorlash qurilmasida membranalar ishining ekspluatatsiyasi va parametrlarini tanlashni prognozlantirish usullaridan foydalanib ifloslanish, yuvish va tuzsizlantirish jarayonlarini matematik modellashtirish ishini optimallashtirish uslubiyati ishlab chiqilgan;
birinchi marta issiqlik energetika qurilmalarining issiqlik uzatish yuzasida shlam, qasmoq va cho‘kmalar hosil bo‘lmasdan, buzilmasdan va samaradorligi pasaymasdan uzluksiz ishlashini ta’minlab beruvchi ul`trafiolet zararsizlantirish va membranali ul`trafil`tratsion, elektrodializli modullarning ishlash qobiliyati asosida kombinatsiyalashtirilgan suv tayyorlash qurilmasining texnologik jarayoni ishlab chiqilgan;
sanoat korxonalarida texnik va o‘z ehtiyojlari uchun foydalanish maqsadida ish jarayoniga joriy etish bilan Orol bo‘yi sharoitlarida kombinatsiyalashtirilgan suv tayyorlash qurilmasida suv sifatini oshirish texnologiyasining energiya tejamkor texnologik sxemasi ishlab chiqilgan;
kimyoviy reagentlarning ko‘p miqdorda qisqartirilishiga, jihozlarning ekspluatatsiyasida energiya sarflarining kamaytirilishiga bog‘liq holda tuzsizlantirilgan suv tannarxining pasayishi hisobiga kerakli iqtisodiy samarasini ta’minlovchi suv tayyorlash qurilmasi ishlab chiqilgan.
IV. Tadqiqot natijalarining joriy qilinishi.
Issiqlik energetika tizimlarida noan’anaviy reagentsiz texnologiyalaridan foydalanish prinsipial sxemalari, tuzsizlantirilgan suvning sifatini oshiruvchi suv tayyorlash qurilmasi, ul`trafil`tratsion va elektrodializli membranali apparatlardan foydalanilgan kombinatsiyalashtirilgan suv tayyorlash qurilmasining energiya samaradorligini oshirish usullari Qozog‘iston Respublikasi Energetika vazirligi tizimiga kiruvchi «MEKENSAK - ilmiy ishlab chiqarish markazi» va «Elektroapparat» mas’uliyati cheklangan jamiyatlarida joriy etilgan bo‘lib, umumiy o‘rtacha yillik iqtisodiy samara suv tayyorlash tizimlarida elektr energiyasi sarfining 30 % ga (2 kVt∙soat/m3) kamayishi hisobiga 117 mln. so‘mni tashkil etdi (Qozog‘iston Respublikasi Energetika vazirligining 25.06.2015 yildagi 12-02-241-son ma’lumotnomasi).
