Билалов Баходир Эркиновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Терминал глаукомада антиглаукоматоз хирургияни оптималлаштириш», 14.00.08–Офтальмология (тиббиёт фанлари).
Диссертация мавзуси рўйхатга олинган рақам: В2018.2.PhD/Tib626.
Илмий раҳбар: Бахритдинова Фазилат Арифовна, тиббиёт фанлари доктори, профессор.
Диссертация бажарилган муассаса номи: Тошкент тиббиёт академияси.
ИК фаолият кўрсатаётган муассаса номи, ИК рақами: Тошкент давлат стоматология институти, DSc.27.12.2017.Tib.59.01.
Расмий оппонентлар: Ковалевская Мария Александровна, тиббиёт фанлари доктори, профессор (Россия Федерацияси); Бузруков Батир Тулкунович, тиббиёт фанлари доктори, доцент.
Етакчи ташкилот: Бошкент университети (Туркия). 
Диссертация йўналиши: амалий аҳамиятга молик.
II. Тадқиқотнинг мақсади: кўз ичи суюқлиги фильтрация ҳудудини аутодренажлаш йўли билан оғриқ синдромли терминал глаукоманинг антиглау¬коматоз хирургияни такомиллаштиришдан иборат. 
III. Тадқиқотнинг илмий янгилиги: 
кўз ичи суюқлиги фильтрация соҳасини аутодренажлаш йўли билан оғриқ синдромли терминал глаукомани даволашнинг янги жарроҳлик усули ишлаб чиқилган;
терминал глаукома жарроҳлигида кўз ичи суюқлигининг янги шакллантирилган чиқиш йўлларини ортиқча чандиқланишнинг олдини олишга қаратилган хирургик операциянинг гипотензив самараси тонометрик ва тонографик кўрсаткичларнинг натижалари асосида исботланган; 
фильтрация соҳасидаги хирургик амалиётда гидродинамик кўрсаткичларнинг тикланиши оғриқ синдромини 95% бартараф этилиши ҳамда кўз олмасининг энуклеациясининг олдини олиши асосланган;
антиглоукаматоз хирургик амалиётда таклиф этилган усул ёрдамида ҳосил қилинган дренаж тизимининг баландлиги, ҳажми ва акустик зичлиги параметрларининг сақланиши ва ижобий динамикаси ультратовушли биомироскопик исботланган.
IV. Тадқиқот натижаларининг жорий қилиниши.
Терминал глаукомада антиглаукоматоз хирургиясини оптималлаштириш бўйича олинган илмий натижалар асосида:
«Оғриқ синдромли терминал глаукома билан хасталанган беморларни олиб бориш тактикаси» услубий тавсияномаси тасдиқланган (Соғлиқни сақлаш вазирлигининг 2018 йил 26 декабрдаги 8н-р/371-сон маълумотномаси). Мазкур услубий тавсиянома оғриқ синдромли терминал глаукома билан хасталанган беморларни таклиф этилаётган услуб билан даволаш, бемор¬ларни жарроҳлик амалиётига тайёрлаш, жарроҳлик амалиёти ва ундан кейинги даврда беморларни олиб бориш тактикаси оғриқ синдромини камайтириш, кўз олмасининг анатомик орган сифатида сақлаб қолиш орқали беморларни ижтимоий ва психологик томондан кайфиятини ошириш имконини берган;
«Рефрактер глаукомани хирургик даволашнинг модификацияланган услуби» услубий тавсияномаси тасдиқланган (Соғлиқни сақлаш вазирлигининг 2018 йил 26 декабрдаги 8н-р/373-сон маълумотномаси). Мазкур услубий тавсиянома фильтрация соҳасини аутодренажлаш билан амалга ошири¬ла¬диган усул, терминал глаукома билан хаста¬ланган беморларни даволаш самарадорлигини ошириш имконини берган;
«Рефрактер глаукомани хирургик даволашнинг модификацияланган усули» бўйича халқаро Интеллектуал мулк агентлигидан ихтиро патенти олинган (Method of the modified surgical treatment of refractory glaucoma. The owner of «INTEROCO International Online Copyright Office». №ЕС-01-002124; 11 January 2019. European Depository, Germany, Berlin). Мазкур усул терминал глаукома жарроҳлик амалиётида ҳосил қилинадиган фильтрация соҳаси аутодренажлаш орқали амалга оширилиб, кўз ичи босимининг барқарор пасайишига, оғриқ синдромини бартараф этишга ва кўз олмасини сақлаб қолиш имконини берган;
терминал глаукомада антиглаукоматоз хирургиясини оптималлаштириб даволаш бўйича олинган илмий натижалар асосида илмий тадқиқот натижалари соғлиқни сақлаш амалиётига, жумладан, Тошкент тиббиёт академияси учинчи клиникаси, Самарқанд ва Андижон вилоятлари офтальмологик шифохонаси клиник амалиётига жорий қилинган (Соғлиқни сақлаш вазирлигининг 2019 йил 11 февралдаги 8н-д/31-сон маълумотномаси). Олинган тадқиқот натижаларининг клиник амалиётга жорий қилиниши 83,3% ҳолатда офтальмотонусни пасайиши ва оғриқ синдромини 96,6% га бартараф этилиши орқали оғриқ синдромли терминал глаукома билан хасталанган беморларни даволаш самарадорлигини ошириш имконини берган.