Abil`dinova Saule Kianbekovnaning   

doktorlik dissertatsiyasi himoyasi haqida e’lon

    I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Avtonom tizimning issiqlik ta’minotida va cho‘kka suv isitgich qozonlarining ishlash tartibida issiqlik nasoslarini ishlatish texnologiyasi», 05.05.04-«Sanoat issiqlik energetikasi» ixtisosligi (texnika fanlari).

Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /katta ilmiy xodim-izlanuvchi/.

Dissertatsiya mavzusi ro‘yxatga olingan raqam: 30.09.2014/B2014.3-4.T249.

Dissertatsiya bajarilgan muassasa nomi: Olmaota energetika va aloqa universiteti va Toshkent davlat texnika universiteti.

IK faoliyat ko‘rsatayotgan muassasalar nomi, IK raqami: Toshkent davlat texnika universiteti va Energetika va avtomatika instituti, 16.07.2013.T.02.01. 

Ilmiy maslahatchi: Muxiddinov Djaloliddin Nosirovich, texnika fanlari doktori, professor.

Rasmiy opponentlar: Zohidov Romen Abdullaevich, texnika fanlari doktori, professor, akademik; Mirzaev Shavkat Mustakimovich, texnika fanlari doktori,  professor;  Iskandarov Zafar Samandarovich, texnika fanlari doktori, professor.

Yetakchi tashkilot: «Issiqlikelektrloyiha» ochiq aksiyadorlik jamiyati

Dissertatsiya yo‘nalishi: nazariy va amaliy ahamiyatga molik.

    II. Tadqiqotning maqsadi.

avtonom va markazlashtirilgan issiqlik ta’minoti tizimlari uchun noan’anaviy energiya manbalaridan foydalanish asosida energiya tejamkor issiqlik nasosli texnologiyalarni ishlab chiqishdan iborat.

    III. Tadqiqotning ilmiy yangiligi.

ko‘p qavatli turar-joy binosi uchun shu binoning ventilyasion chiqimlarining issiqlikni akkumulyasiya qilish xususiyatidan ratsional foydalanadigan  energiya samarador havo-havo turidagi issiqlik nasosli issiqlik ta’minoti tizimi ishlab chiqilgan;

issiqlik nasosli kompressori yuritmasining chastotali ko‘rsatkichlarini o‘zgartirish va termodinamik siklning eksergetik tadqiqiga asoslanganissiqlik nasosining energiya samaradorligini oshiradigan usullar ishlab chiqilgan;

yoqilg‘i energiya resurslari sarfining kamaytirilishi va qayta tiklanuvchi energiya manbalarining qo‘llanilishi xisobiga korxonaning energiya majmuasi ishi samaradorligini oshirishni ta’minlaydigan issiqlik nasosli issiqlik ta’minoti tizimi ishlab chiqarilgan;

ekspluatatsiya xarajatlari va issiqlik energiyasining tannarxini kamayishi natijasida issiqlik ta’minoti tizimi ishi barqarorligini oshirishni ta’minlaydigan isitish va ishlab chiqarish-isitish  qozonxonalari uchun energiya tejamkor issiqlik nasosli texnologiyalar ishlab chiqarilgan;

issiqlik elektr markazida tarmoq suvi haroratini boshqarish hisobiga yoqilg‘i sarfini kamaytirish va tejamkorlikni oshirish imkonini beradigan ochiq turdagi issiqlik ta’minoti tizimining markaziy issiqlik punktida issiqlik nasosini ishlatish prinsipial sxemasi ishlab chiqilgan;

uzoq hududlardagi ob’ektlarning  yuritmasi ichki yonuv dvigateli bo‘lgan trigeneratsion qurilmalar yordamida kompleks energiya ta’minoti uchun birinchi marta issiqlik nasosli texnologiya ishlab chiqilgan.

    IV. Tadqiqot natijalarining joriy qilinishi.

Bug‘-kompressorli issiqlik nasoslari o‘rnatilgan issiqlik nasosli qurilmalar ishini optimallashtirish usullari va algoritmlari, innovatsion energiya tejamkor texnologiyalar Qozog‘iston Respublikasining sanoat korxonalari va uy-joy kommunal xo‘jaliklarida joriy etilgan bo‘lib, 480 kVt bo‘lgan issiqlik nasoslarini ishga tushirish natijasida ishlab chiqarilayotgan issiqlik tashuvchining tannarxini 1143 so‘m/Gkal.gacha pasaytirish hisobiga o‘rtacha yillik iqtisodiy samara 588 mln. so‘mni tashkil etadi (Qozog‘iston Respublikasi «Kazatomprom» milliy aksiyadorlik jamiyatining 15.12.2015 yildagi 401-son ma’lumotnomasi).